İmişlidə silsilə olaraq evlərdən oğurluq edən şəxs saxlanılıb. Məlum olub ki, saxlanılan şəxs adətən sakinlər mənzildə olmayan zaman evləri talamaqla məşğul olub. Ümumlikdə 3 evə ziyan vuran şəxsin digər əməllər törədib-törətməməsi araşdırılır. Bakıda isə maşınlara qənim kəsilən şəxs axtarılır.

Oğurluq faktı noyabr ayının 9-u İmişli şəhəri, Meliorator qəsəbəsində qeydə alınıb. Belə ki, qəsəbə sakini Pərviz Allahverdiyev İmişli rayon polis şöbəsinə müraciət edərək evində oğurluq törədildiyini bildirilib. Məlum olub ki, Pərviz Allahverdiyev evdə olmadığı müddətdə hadisə baş verib. Ev sahibi mənzilə girən zaman evin dağınıq halda olduğunu və bir çox məişət əşyalarının yoxa çıxdığını görüb. Daxil olan müraciət əsasında əməliyyat tədbirlərinə başlanlıb. Hadisəni törətməkdə şübhəli bilinən şəxs Meliorator qəsəbə sakini Tuqay Cahangirov isti izlərlə saxlanılıb. Həmçinin araşdırma zamanı saxlanılan şəxsin İmişli şəhərində törətdiyi digər oğurluqları da məlum olub. Belə ki, Tuqayın iyun ayında İmişli sakini Abdullayev Elman Madər oğlunun evindən 2000 manat dəyərində qızıl-zinət əşyaları, həmçinin 50 manat pul oğurladığı ortaya çıxıb. Bununla yanaşı Tuqay oktyabr ayında da Əskərova Təranə Ceyhun qızına məxsus mənzilin boş olduğunu bilərək, oradan da müxtəlif ev əşyalarını oğurlayıb.

Saxlanılan şəxs əməllərini etiraf edib və peşman olduğunu bildirib.

Hazırda faktla bağlı araşdırma davam etdirilir. Qeyd edək ki, saxlanılan şəxsin daha əvvələr narkotik vasitələrin qanunsuz dövriyyəsi ilə məşğul olduğuna görə də məhkumluq həyatı yaşadığı bildirlir.

Bakıda isə avtomobillərə qənim kəsilən şəxs axtarılır. Hadisə Suraxanı rayonunda qeydə alınıb. Ad gününü qeyd edən Nicat Səfərov səhər yuxudan ayılanda küçədə saxladığı avtomobilinin qarət olunduğunu görüb. Zərərçəkəın dərhal polisə məlumat verib. Bu, sürücünün başına gələn sayca ikinci hadisədir.

Faktla bağlı Suraxanı rayon Polis İdarəsində araşdırmalar davam edir.

http://kepeztv.az