Məhəmməd peyğəmbər (s.ə.s) suyu oturaraq içməyi məsləhət görüb

Suyun ayaq üstə içilməməsi haqqında çox danışılıb. Hətta hədislərdə Məhəmməd peyğəmbərin (s.ə.s) də bu mövzuda fikirlərinin olduğu deyilir. Həmin hədislərdə bildirilir ki, Məhəmməd peyğəmbər (s.ə.s) suyu oturaraq içməyi, həmçinin çox soyuq və çox isti su içməməyi məsləhət görüb.

ANS PRESS-in məlumatına görə, mütəxəssislər uzun sürən araşdırmalardan sonra bunun səbəbini müəyyən ediblər. Məlum olub ki, insanın ayaq üstə olarkən və oturarkən mədəsinin vəziyyəti fərqli olur. Nəticədə ayaq üstə içilən su mədə çıxışına keçərək birbaşa onikibarmaq bağırsağa keçir. Bu zaman içilən suyun orqanizmə heç bir faydası olmur. Hətta bəzən insanlar müəyyən xəstəliklərə daha çox məruz qalırlar.

Halbuki oturaraq içilən su mədədə qalır və burada turşu ilə qarışaraq mikrobları ölür, daha sonra isə onikibarmaq bağırsağa keçir.