500 qram arıqladan Elçin, Röyanın kişiyə bəs edən sinəsi, Nadirin 8 illik videosu

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

500 qram arıqladan Elçin, Röyanın kişiyə bəs edən sinəsi, Nadirin 8 illik videosu - HƏFTƏBECƏR

Medeniyyet

Oxunub: 888

5 mar 2017 | 18:40

Milli.Az jurnalist İntiqam Valehoğlunun müəllif layihəsi olan "Həftəbecər"i (15-ci say) təqdim edir.

Ötən həftə yazılan xoş sözlərə və tənqidlərə görə hər birinizə təşəkkür edirəm. Şou əhlinin yazdırdığı şərhləri isə xüsusi salamlayıram. İndi də keçək mətləbə...

Müğənni Elçin Cəfərov yenidən şəxsi həyatından danışıb. Halbuki, bu adam toyunda jurnalistlərə guya qadağa qoymuşdu ki, çəkmək olmaz. Yenə də, halbuki, elə özü də o toydan şəkillər çəkib sosial şəbəkələrdə paylaşdı. Maraq üçün həmin müsahibədən sonra çəkimi yoxladım. Təxminən 500 qram fərq var idi - azalmışdı. Kim istəsə, linkini ataram, oxuyar.

Əməkdar artist Bəsti Sevdiyeva deyib ki, oğluma ərə gələn qız papağını göyə atsın. Bəsti xanım illərin sənətkarıdır, həmişə də sənəti və fərqli səs tembri ilə adından söz etdirib. Amma bu açıqlama bir az müştəbeh, özündənrazı görüntüsü yaratdı.
İlhamə Quliyeva vəfat edəndən sonra partapart hərə bir tərəfdən mahnılarını qapazlayır. Əslində, mahnının yaşaması üçün bu, çox vacibdir. Ancaq reallığı nəzərə alanda çox da yaxşı görünmür.

Röya tənqiddən danışıb: "Məni ancaq dostlarım tənqid edə bilər, onlara etibar edirəm. Onlara demişəm ki, əgər qocalanda efirə çıxıb ağzıma gələni desəm, gic-gic danışsam, məni oturdurub deyin ki, "Özünə gəl!" Yəni, "Ulduzsan, əcəb eləyib dedin" sözünü deməyəcəklər. Dostlarım da söz verib ki, məni səhv hərəkət etməyə qoymayacaq".

Elə bunun ardınca başqa bir açıqlamasını oxudum. Deyib ki, sinəm çox da böyük deyil, amma kişi üçün bəs edər. Bunun 34 yaşı var. Əcəba nə tez qocaldı? Bakılılar demişkən, yaman xərifləyib ha.

Rəqqasə Fatimə də şəxsi həyatından danışıb. Deyib ki, 16 yaşımda qoşulub qaçdım. İndi bir tənqidi söz yazacaqsan, sabah "zerkalni" nömrələrdən zəng gələcək ki, əə, sən bilirsən mən kiməm?

O gün baxıram ki, Nadir Qafarzadənin səkkiz il əvvəl çəkilmiş bir videosu yayılıb. Videoda Nadir deyir ki, anamı saat 5-də dəfn edib, 7-də toy oxumağa getdim. Ardınca əlavə edir ki, Xocalı soyırımı matəm deyil və sair. Yeri gəlmişkən, bu günlərdə Nadir zəng vurmuşdu. Dedi ki sən məni tənqid etdikcə toylarım artır. İnanın ki, belə dedi. Mən də xoşməramlı insanam, tənqid edirəm ki, toyları artsın. Öz aramızdı, Nadir saçlarını rəngləməyəndə, dodağını, burnunu düzəltdirməyəndə, vallah, normal oxuyurdu da, heç kimlə də işi yox idi. Nə oldusa, "kraska"dan sonra oldu.

Sevda Yəhvayeva bir seriala çəkilirdi axı. Açıqlama verib ki, daha seriala çəkilməyəcək. Camaat da deyir ki, sən canın, bir səhv idi eləmişdin, imkan varsa, bundan sonra çəkilmə. Mən də deyirəm ki, biz gələcəyin Amaliya Pənahovasını itirdik. Təəssüf.

Hollivud ulduzu Ancelina Coli bir türk serialında rol alacaq. Həmin serialda da baş rolu azərbaycanlımız Könül Nağıyeva oynayır. Bax bu xəbərə sevinməyib, neynəyəsən? Ardı gəlsin.