"Həyat yoldaşımı vuran sürücü qarşı yola çıxıb, avtobusu sənədsiz idarə edib"

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

"Həyat yoldaşımı vuran sürücü qarşı yola çıxıb, avtobusu sənədsiz idarə edib" - MÜSAHİBƏ

Medeniyyet

Oxunub: 589

11 dek 2017 | 13:17

"Həyat yoldaşımı vuran sürücü qarşı yola çıxıb, avtobusu sənədsiz idarə edib" - MÜSAHİBƏ

Bakıda avtobus sürücüsünün yol hərəkəti qaydalarını kobud şəkildə pozması nəticəsində ağır xəsarətlər alan və 2 aydır komada olan qadın dünyasını dəyişib.

44 yaşlı Təranə Məhəmməd qızı Babaşova 64 saylı marşurut xətti üzrə hərəkət edən avtobus tərəfindən vurulub.
Mərhumun həyat yoldaşı Müzəffər İsmayılov hadisəylə bağlı AZXEBER.COM-a müsahibə verib.

- Mümkünsə, ilk olaraq baş verən hadisəylə bağlı məlumat verərdiz...
- Qəza sentyabrın 27-də baş verib və həmin gündən həyat yoldaşım Təranə Babaşova komada olub. O, noyabrın 28-də isə dünyasını dəyişib. Həyat yoldaşım "8-ci kilometr" bazarının qarşısında avtobusdan düşüb yolu keçmək istəyib. Bu vaxt əks istiqamətdə hərəkət edən 64 saylı avtobus onu vurub. Həmin sürücü o yola "protiv" çıxıb və onun üzərində heç bir sənəd olmayıb.

- Hadisədən sonra sürücü və ya avtobus xəttinin sahibi sizinlə əlaqə saxlayıb?
- Hadisədən sonra sürücü Eyvazov Bəhruz Yusifoğlu saxlanılıb. Onun atası bir dəfə gəldi yanıma və mənə dedi ki, imkanımız yoxdur, nə istəyirsiz edin. Mən də ona dedim ki, məhkəmədə görüşərik. Ancaq 64 saylı avtobus xəttinin rəhbərliyindən və Bakı Nəqliyyat Agentliyindən heç kim bizimlə maraqlanmadı. Bizim də maddi vəziyyətimiz yaxşı deyil.

- Mərhumun övladı var idi?
- Bəli, bizim bir qızımız var idi. Onun 10 yaşı var.

- Qəzanın görüntülərini izləmisiz? Bəlkə avtobus sürücüsü günahsız olub?
- Bəli, həmin görüntüləri izləmişəm. Bayaq dediyim kimi, o qarşı yola çıxıb və mənim yoldaşım o tərəfdən nəqliyyat vasitəsi gəlməyəciyini bildiyi üçün digər tərəfə baxıb. Həm də o sürücünün üstündə heç bir vəsiqə olmayıb. Mən anlamıram ki, sürücülük vəsiqəsi olmayan adam necə avtobus sürə bilər?