9-02-2018, 00:58 Oxunub: 203

Tanınmış aktrisamız vəfat etdi - Son dəqiqə

Tanınmış aktrisamız vəfat etdi - Son dəqiqə














Azərbaycanın teatr və kino aktrisası, Xalq artisti Zərnigar Ağakişiyeva 72 yaşında dünyasını dəyişib.

Yenicag.az xəbər verir ki, o, fevralın 8-i axşam saatlarında Yasamal rayonunda yaşadığı evdə vəfat edib.

Fövqəladə Hallar Nazirliyi Zərnigar Ağakişiyevanın ölümü ilə bağlı məlumat yayıb. Nildirilir ki, qurumun Böhran Vəziyyətlərində İdarəetmə Mərkəzinə Bakı şəhərinin Yasamal rayonunda 1 nəfərin bağlı qapı arxasında köməksiz vəziyyətdə qalması barədə məlumat daxil olub.

“Hadisə yerinə cəlb olunmuş Xüsusi Riskli Xilasetmə Xidmətinin xilasetmə qüvvələri mənzilin qapısını açıb və orada aşkarlanan 1945-ci il təvəllüdlü Ağakişiyeva Zərnigar Fəti qızının meyitini aşkar ediblər. Z.Ağakişiyevanın meyiti aidiyyəti üzrə təhvil verilib. Əməliyyat başa çatıb”, – deyə məlumatda qeyd olunur.

Aktrisanın meyiti ölüm səbəbinin araşdırılması məqsədi ilə Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinə göndərilib və onun ürək tutmasından keçindiyi müəyyən edilib.

Zərnigar Fəti qızı Ağakişiyeva 1945-ci ildə Quba rayonunun Rustov kəndində doğulub. O, 1972-ci ildə M.A.Əliyev adına Azərbaycan Dövlət İncəsənət İnstitutunun “Dram və kino aktyoru” fakültəsini bitirib. Təhsilini tamamlayandan sonra, bir müddət Tədris teatrında aktrisa kimi çalışan Z.Ağakişiyeva, rejissor Əşrəf Quliyevin dəvəti ilə Azərbaycan Dövlət Akademik Milli Dram Teatrında ilk tamaşası 19 may 1973-cü ildə göstərilən A.Ostrovskinin “Müdriklər” dramında Mamayeva rolunu oynayıb. 1974-cü ildən isə Akademik Milli Dram Teatrının aktyor heyətinə aktrisa kimi qəbul olunub.

Zərnigar Ağakişiyevanın yaratdığı obrazlar tamaşaçılar tərəfindən həmişə maraqla qarşılanıb. O, indiyə kimi Tatyana (M.Qorki “Meşşanlar”), Xuraman (S.Vurğun “Vaqif”), Şəfəq (S.Dağlı “Kölgələr pıçıldaşır”), Zeynəb (B.Vahabzadə “Kimdir haqlı?”), Zivər (Anar “Təhminə və Zaur”), Kəmalə (İ.Əfəndiyev “Qəribə oğlan”), Fəxrəndə xanım (İ.Əfəndiyev “Mahnı dağlarda qaldı”), Bernardo (Federiko Qarsia Lorka “Dişi canavar”), Pəri xanım (M.F.Axundov “Lənkəran xanıının vəziri”), Qadın ( Elçin “Poçt şöbəsində xəyal”), Yasəmən (S.S.Axundov”Eşq və intiqam”), Ana (B.Vahabzadə “Dar ağacı”), Qadın (N.Hikmət “Kəllə”), Kərbəlayi Fatma (C.Məmmədquluzadə “Ölülər”) və s kimi obrazlar yaradıb.

Aktrisaya 1989-1992-ci illərdə səhnədə cəmi 2 rol verilməsi onun teatrdan uzaqlaşmasına səbəb olub. 7 ildən sonra Ədalət Vəliyevin dəvətilə yenidən teatra qayıdıb.

Zərnigar Ağakişiyeva Azərbaycan Dövlət televiziyasının hazırladığı teletamaşalarda və “Azərbaycanfilm” in istehsal etdiyi bir çox filmlərdə çəkilib. Filmlərdə əsas, ikinci dərəcəli, epizodik rollara iştirak edib.

Zərnigar Fəti qızı Ağakişiyeva 1982-ci ildə Əməkdar artist, 2000-ci ildə isə Xalq artisti fəxri adlarına layiq görülüb. 2014 ci ildə Şöhrət ordeni ilə təltif edilib. Prezident təqaüdçüsü idi. 2015-ci ildə Cəfər Cabbarlı mükafatına layiq görülüb.

Ailə qurmayıb.

Allah rəhmət eləsin!
Bakıda mənzildən meyitləri tapılan əcnəbilərin ikisi tələbə, üçü futbolçudur — YENİLƏNİB Bakıda mənzildən meyitləri tapılan əcnəbilərin ikisi tələbə, üçü futbolçudur — YENİLƏNİB Hadise Gəncədə mənzildən qadın meyiti tapılıb Böyüt Gəncədə mənzildən qadın meyiti tapılıb Böyüt Hadise Xəzərdə batan şəxsin cəsədi tapılıb - Yenilənib Xəzərdə batan şəxsin cəsədi tapılıb - Yenilənib Hadise Bakını su basdı, 8 nəfər köməksiz qaldı Bakını su basdı, 8 nəfər köməksiz qaldı Sosial Bakıda mənzildə yaşlı kişinin meyiti aşkarlanıb Bakıda mənzildə yaşlı kişinin meyiti aşkarlanıb Hadise