Şəbnəm Tovuzlu: “Məni hər müğənniyə tay tutmayın!” — MÜSAHİBƏ
Medeniyyet
Oxunub: 550
28 apr 2018 | 10:20
Şəbnəm Tovuzlu: “Məni hər müğənniyə tay tutmayın!” — MÜSAHİBƏ















"Ölkə.Az" saytının növbəti qonağı tanınmış müğənni Şəbnəm Tovuzludur.

-Şəbnəm xanım, geriyə dönüb baxanda atdığınız iri addımlar sizi hansı səmtə doğru apardı?

- Geriyə dönüb baxanda anlayıram ki, mən ağıllı xanım olmuşam, düzgün yolda olmuşam. Uşaqlıq etməmişəm, heç zaman peşman olacağım bir səhvə yol verməmişəm.

- Hislərin sizi aldatdığı məqamlar olubmu?

- Belə məqamlar olub. İnsan hərdən düşünür ki, gərək hansısa bir çılğınlığı etməzdim.

- Çılğın insansınız ki?

- Çox çılğınam.

- Çox əsəbi olanda nə edirsiniz?

- Ailəmdə heç kimə əsəbiləşmirəm. Məsələn, əgər həyat yoldaşıma hər hansı bir məsələdə sözümüz düz gəlmirsə, səhv, ya da düz olmağımdan asılı olmayaraq susuram. Hətta əgər həyat yoldaşım da səhvdirsə, onda da susuram. Sonra özü gəlib səhv olduğunu etiraf edir və onu anladığım üçün təşəkkürünü bildirir.

- “Kişi sözü”nə çoxmu aldanmısınız?

- Nə həyatda, nə də sənətdə heç bir kişi sözünə aldanmamışam. Mənə sənətdə dəstək verən Tacir Şahmalıoğuluna indiyə qədər minnətdaram. Birinci həyat yoldaşımı sevməmişəm, ailəmin istəyi olub. Amma onları günahlandırmamışam. Qismətimdir, deyib keçmişəm. İkinci həyat yoldaşımı seçərkən də yanılmamışam.



- İkinci həyat yoldaşınız ilə sevib ailə qurmusunuz?

- Əlbəttə, sevib ailə qurmuşam. Nə yaxşı ki, Allah onu mənim qabağıma çıxardıb.

- Sizə nəyi “haram” etdilər?

- Heç kim heç nəyi haram edə bilməz. Sadəcə olaraq, beş-on dəqiqəlik əsəbiləşdirə bilərlər.

- Ayağınızdan dartıb sizi hara çəkirlər?

- Məni çəkmək istəsələr də, alınmayacaq. Çünki onu etmək istəyən insanların niyyətini Allah bilir. Mə hər bir şeyə təmiz qəlblə və yaxşı tərəfdən baxıram. Ürəyimi çirkinliklərdən uzaq saxlamışam.

- Qorxduğunuz nə idi ki, o da başınıza gəldi?

- Sözün düzü, elə bir şey olmayıb. Amma həmişə Allahdan istəyirəm ki, məni sevdiklərimlə sınağa çəkməsin.

- Gözünüzün önündən nə getmir?

- İlk dəfə 15 yaşımda biləndə ki, anam yaş yarımlığımda rəhəmət gedib və məni xalam saxlayıb çox pis reaksiya vermişdim. Onların üstünə qışqırmışdım. O peşmançılığı həmişə çəkirəm. Həmin səhnələr, ağlamaqlarım gözümün qabağından getmir. Hətta yadımdadır ki, həmin hadisədən üç gün sonra anam yuxuma girdi və mənə dedi ki, onların üstünə qışdıqrmaqla səhv etmisən. O gündən bu günə qədər çox istəmişəm ki anam yuxuma gəlsin, amma gəlməyib.

- Gəlsə, ona nə deyərsiniz?

- Sadəcə üzünü görmək istəyərdim.

- Gözünüzün saatın əqrəblərində qaldığı gün hansı gün olub?

- Hər gün (gülür). Hər saat zəng edirəm ki, gəlmirsən, gəlmirsən?! Qapıdan girəndə deyir ki, gəldim (gülürük).

- Qovursunuz, yoxsa qovulursunuz?

- Nə qovuram, nə də qovuluram.

- Yoldaşınızla ən çox nəyin üstündə mübahisəniz düşür?

- Qısqanclıqlar olur hərdən..
- Daha çox kim qısqanır?

- Mən daha çox qısqanıram, çünki özünə fikir verən bir insandır.

- Evdə əlini stola kim vurur?

- O vurur. İnanın mənə, Əlini də öyrədib artıq (gülür).

- Sizə əl qaldıran olubmu?

- Mənə indiyə qədər bir dəfə kişi silləsi dəyib. Onu da avtomibilini qaçırtdığım üçün atam vurub.

- Kişi məclislərinə gedirsinizmi?

- Heç bir kişi məclisinə getmirəm. Hətta nazirlərdən olub ki, bəzisi məni məclisində görmək istəyib, demişəm ki, mən kişi məclisinə getmirəm. İndiyə qədər heç bir toy təşkilatçısı deyə bilməz ki, Şəbnəm hansısa bir kişiylə əyləşib bir stəkan çay içib, ya çörək yeyib.



- Bəzən deyirlər ki, Şəbnəm Tovuzlu, Damla, Üzeyir oxuya bilmirlər, zövqsüzdürlər və s. Bu fikirlərə münasibətiniz necədir?

- Düzdür, zövqlər müzakirə olunmur. Amma həmin fikirləri ortaya atanlara demək istəyirəm ki, mən konservatoriyada muğam dərsi almışam. İstənilən müğənni ilə çiyin-çiyinə muğam oxumağa səsim də var, ürəyim də. Məni sənətə dünən başlayan hər müğənni ilə bir tutmayın, onlar mənim tayım deyil. Onları özümə rəqib görmürəm. On ildir sənətdə can qoymuşam. Sabah müəllimim Qəzənfər müəllim çıxıb deməz ki, niyə muğam təhsili olan bir müğənnini savadı olmayan müğənnilərlə müqayisə edirsiniz? Müqayisə edəndə Tacir Şahmalıoğlu, Könül Kərimova, Nazənin, Gülay Zeynallı və s. kimi sözünü demiş sənətkarlara müqayisə edin. Mən camaatın zövqünü oxşayan mahnılar ifa edirəm. Tamaşaçılar da məni olduğum kimi sevirlər. Bu, mənim üçün nəyə desəniz, dəyər.

- Əsl ixtisasınız tibb bacısıdır. Niyə o sahə üzrə çalışmadınız?

- Həmin dövrdə 150 manat məvaciblə uşağımı saxlaya bilməzdim. Çox çətin idi. Ona görə də Allahın verdiyi istedaddan düzgün istifadə etdim və uşağıma halal çörək yedizdirdim.

- Şəbnəm Tovuzlunun gözündə kişi necə bir məfhumdur?

- Kişi ona demirəm ki, qadının arxasıyca danışsın, kişi ona demirəm ki, arvad qazansın, o yesin. Kişi ona deyərəm ki, hər cür əziyyətə qatlaşıb ailəsinə çörək aparsın. Kişi ona deyərəm ki, ən pis qadının haqqında da danışmasın.

- Kişi xəyanətini bağışlayarsınız?

- Bağışlayaram.

- Bəs mütəmadi olsa?

- Mütəmadi olsa, onun yanında olmaram. Amma şükürlər olsun ki, Allahım mənim dualarımı eşitdi və mənə pis vərdişlərdən uzaq olan, gözü kənarda olmayan bir insan yetirdi. Bir qadın kimi çox xoşbəxtəm.



- Birinci həyat yoldaşınız sizə xəyanət edirdi?

- Mənim ondan ayrılmağıma səbəb bəlkə də elə ona olan inamsızlığım, ondan get-gedə soyumağım oldu. Xəyanət qığılcımları yarandı və bitirdim.

- Gözucu hansı insanlara baxırsınız?

- Özünə, şəxsiyyətinə hörmət qoymayan insanlara salam da vermirəm.

- Yağışdan çıxıb yağmura düşdüyünüz anlar olubmu?

- Əslində pisi arxada qoyub yaxşıya doğru getmişəm həmişə.

- İndiki gənc qızların düşüncə və həyat tərzi sizi qane edirmi?

- Etmir, telefon və sosial şəbəkələr indiki gənc qızları, gəlinləri çox korlayıb, onların düşüncə tərzlərini dəyişib.

- Gözəllik “qurban” tələb edir, deyirlər. Bəs siz ay ərizndə nə qədər “qurban” verirsiniz?

- Sözün düzü, mən hansısa çox bahalı bir geyimi almaram. Kürkə müəyyən bir məbləğ verərəm, amma paltara yox.

Söhbətləşdi: Niyam Şirinov, Cavidan Abdullayev
Dünən, 16:00
Azərbaycandan çox şey götürdük, verməyəcəyimizi dedik... - NƏ OLDU?
Dünən, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Dünən, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Dünən, 13:16
Yaşayış binalarında da parklanma yerləri BAHALAŞDI - Yeni qiymət
Dünən, 13:00
Şahmar Hüseynov vəzifəsindən azad edildi - YENİ TƏYİNAT
Dünən, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Dünən, 10:53
"Xəzər Lənkəran"la bağlı şad xəbər - Seçimlərə başlandı
Dünən, 10:12
“Yaxın günlərdə daha 73 nəfərin adları ictimaiyyətə açıqlanacaq”
Dünən, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Dünən, 10:02
Dünya "Qarabağ"ın ulduzundan danışır: Nələr dedilər? - VİDEO
Dünən, 10:00
Bahalaşmanın növbəti dalğası gəlir: Evlərin qiyməti yenə artacaq
Dünən, 09:56
Lənkəranda faciə: Ata və oğul öldü (FOTOLAR)
Dünən, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Dünən, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Dünən, 09:41
Finlandiya rus oliqarxların Helsinkidəki idman-konsert kompleksini əllərindən alır
Dünən, 09:39
Xristianlıqla İslamı üz-üzə qoymaq istəyirlər - Kirill
Dünən, 09:37
Məşhur Azərbaycan filmlərində heyvanlara aktyorlardan çox qonorar verilirmiş
Dünən, 09:31
Putin: “Rusiya üçün dost olmayan elitalar...”
Dünən, 09:18
Fransa ordusu Ukraynaya girir - 5 ssenari
Dünən, 09:00
Solovyov Bakıya şər atmağına “peşman” oldu
27-03-2024, 16:42
Dördüncü dəfədir ki, bayram tonqalı azad edilmiş Qarabağ torpağında qalanır
27-03-2024, 16:00
Ermənistan Türkiyənin vilayətinə çevriləcək - Petrosyan
27-03-2024, 15:30
Ermənistan sərhəddəki kəndi Gürcüstana verir? - “Joğovurd”
27-03-2024, 14:27
Xocalı şəhərində Şəhidlər xiyabanı salınır
27-03-2024, 14:22
Zaxarova və Peskov Ermənistana hansı mesajı göndəriblər -ŞƏRH
27-03-2024, 14:00
"Peysər", "qaşqaldaq" sözlərinə o mənfi mənaları kim yükləyib? - Alimdən etiraz
27-03-2024, 13:18
Xocalıya ilk köçün tarixi açıqlanıb