Türkiyəli müğənni Hülya Avşarın keçmiş əri Kaya Çilingiroğlu qonaq olduğu verilişdə maraqlı açıqlamalarla çıxış edib.

Türkiyə mətbuatına istinadən xəbər verir ki, o, Hülyanın çox gözəl qadın olduğunu, boşandıqdan sonra bəzi dostlarının onunla görüşmək istədiyini deyib.

Keçmiş həyat yoldaşı ilə dost olduğunu deyən Çilingiroğlu sözlərinə bunları əlavə edib: “Biz Hülya ilə ayrılandan sonra mənim ətrafımdan bəziləri onunla görüşmək istəyib. Mən də sonradan eşitdim. İndi həmin şəxslərlə görüşmürəm, danışmıram. Görüşməyim mümkün belə deyil. Biz onların evinə getmişik, onlar bizim evimizə gəliblər. Onların Hülyaya bu gözlə baxması, bu mənada yanaşmasını bağışlaya bilməzdim. Onlarla münasibətimi saxlamaqdan söhbət belə gedə bilməz. Yəni mən evli ikən, onların mənim həyat yoldaşımda gözləri olub”.