Dünyada hər 20 ölümdən birinin səbəbi spirtli içkidir. Təkcə 2016-cı ildə 3 milyondan çox insan bu səbəbdən dünyasını dəyişib.

Publika.az xəbər verir ki, bu barədə Ümumdünya Səhiyyə Təşkilatı hesabat yayıb.

Hesabatda bildirilir ki, ölənlərin 75 faizindən çoxu kişilərdir.Dünyada insanların ən çox ölüm səbəbi: yaralanmalar(28 faiz), ikinci yerdə həzm sistemi pozğunluqları (21 faiz), daha sonra kardioloji xəstəliklərdir (19 faiz).Qalan faiz isə viruslu xəstəliklər, xərçəng, psixi pozuntular və spirtli içki ilə əlaqədar digər problemlər durur.

Qlobal xəstəliklərin 5 faizi spirtli içki səbəbindən yaranır. 200-dən çox xəstəlik, eləcə də yaralanmaların əksəriyyətində spirtli içki səbəblər sırasındadır.

Dünyada 237 milyon kişi və 46 milyon qadın spirtli içki qəbulundan yaranan xəstəliklərlə üz-üzədir. Bundan ən çox əziyyət çəkənlər isə Avropa və Amerika sakinləridir.

Təşkilatın hesabatında vurğulanır ki, dünyada 2.3 milyon insan spirtli içki qəbul edir və məktəb anketlərində artıq 15 yaşından uşaqların içki içdiyi məlum olur.

Dünyada miqyasında insanlar içkinin 45 faizini spirtli içki, 34 faizini piyvə, 12 faizi isə şərab şəklində qəbul edir.

Son araşdırmalara görə spirtli içkinin heç bir miqdarının faydalı olmadığı, xərçəng, kardioloji xəstəliklər riskini artırdığı bildirilir.