Tayvanlı bir haker qrupu “Facebook” qurucusu və CEO-su Mark Zukerberqə meydan oxuyub.
“Ölkə.Az” xəbər verir ki, Tayvanlı “mükafat ovçusu” Çanq Çiyuan Zukerberqin facebook səhifəsini canlı yayımda siləcəklərini açıqlayıb.

Onun “Facebook”dan verdiyi açıqlamada bildirilir ki, 30 sentyabr günü həyata keçirəcəkləri silmə prosesini “Facebook Live” üzərindən canlı olaraq yayımlayacaqlar.

“Facebook”da 26 mindən çox izləyicisi olan Çanq Çiyuan onlara canlı yayımı izləmələrini tövsiyyə edib.

Qeyd edək ki, canlı yayımın bu gün Bakı vaxtı ilə saat 14.00-da keçirilməsi planlaşdırılır.

Şirkət və online platformaların proqramlaşdırma xətalarını tapıb bundan gəlir əldə edən Çiyuan “Mən haker olmaq istəmirəm, sadəcə sıxıldım və bir az pul qazanmaq istəyirəm” deyib.

Qeyd edək ki, Mark Zukerberqin “facebook” hesabı 2011-ci ildə də hakerlər tərəfindən ələ keçirilmişdi.