15-11-2018, 11:50 Oxunub: 198

Prezident Dövlət Bayrağının təsviri barədə qanunu imzaladı

Prezident Dövlət Bayrağının təsviri barədə qanunu imzaladı















Prezident İlham Əliyev Azərbaycan Respublikası Dövlət Bayrağının təsvirinin təsdiq edilməsi haqqında Konstitusiya Qanununu imzalayıb.
“Azərbaycan Respublikası Dövlət Bayrağının təsviri” təsdiq edilib.

Azərbaycan Respublikası Dövlət Bayrağının təsviri

Maddə 1. Ümumi təsvir

1.1. Azərbaycan Respublikasının Dövlət Bayrağı eni bərabər olan üç üfüqi zolaqdan ibarət düzbucaqlı şəklindədir. Yuxarı zolaq mavi rəngdə, orta zolaq qırmızı rəngdə, aşağı zolaq yaşıl rəngdədir. Düzbucaqlının eninin uzunluğuna nisbəti 1:2-dir.
1.2. Qırmızı zolağın ortasında aypara və səkkizguşəli ulduz təsviri vardır. Aypara və ulduz ağ rəngdədir. Ayparanın ucları ondan sağda yerləşən ulduza istiqamətlənmişdir.

Maddə 2. Rəngli və sxematik təsvir

2.1. Azərbaycan Respublikasının Dövlət Bayrağı, ölçüsündən asılı olmayaraq, onun bu Təsvirə əlavə edilən rəngli və sxematik təsvirlərinə uyğun gəlməlidir.

2.2. Azərbaycan Respublikası Dövlət Bayrağının sənaye üsulu ilə hazırlanması və rəngli təsvirinin çapı zamanı onun mavi rənginin “Panton” rənglər kataloqunun Pantone 306C rəng koduna, qırmızı rənginin Pantone Red 032C rəng koduna, yaşıl rənginin Pantone 362C rəng koduna uyğunluğu təmin edilir.
Azərbaycan Respublikası Dövlət Gerbinin təsviri təsdiqlənib Azərbaycan Respublikası Dövlət Gerbinin təsviri təsdiqlənib Siyaset Prezident DSX-nın döyüş bayraqları və sərhəd hərbi dəniz bayraqları haqqında Əsasnaməni təsdiqlədi Prezident DSX-nın döyüş bayraqları və sərhəd hərbi dəniz bayraqları haqqında Əsasnaməni təsdiqlədi Siyaset Prezident İlham Əliyev Dövlət Bayrağı Meydanında olub Prezident İlham Əliyev Dövlət Bayrağı Meydanında olub Siyaset Şəhidlərin dəfni ilə bağlı qaydalar dəyişildi Şəhidlərin dəfni ilə bağlı qaydalar dəyişildi Sosial Azərbaycanda Dövlət Bayrağı günü qeyd olunur Azərbaycanda Dövlət Bayrağı günü qeyd olunur Sosial