Xalq artisti Ramiz Əzizbəylinin vəziyyəti yenidən ağırlaşıb.
Bu barədə sənətkarın qızı Xədicə Əzizbəyli məlumat verib. Onun sözlərinə görə sənətkarın ayağında çürümə (qanqrena) başlayıb:

"Dünən ürəyinə stend qoyuldu ki, damarları açılsın, proses yavaşısın. Neçə ildir insultdan əziyyət çəkdiyi üçün damarları tıxanıb. Eyni zamanda şəkərli diabet xəstəliyindən də əziyyət çəkir. Çürümə barmağında başlayıb. Həmin çürümə yuxarı qalxmasın deyə, stend qoyulmalıdır. Amma anlaqlı vəziyyətdədir, danışır, insanları tanıyır. Ancaq həkimlər bildirdilər ki, insultun tam müalicəsi olmayacaq. Çünki həm yaşına görə, həm də insultu ağır keçirmişdi".
Qeyd edək ki, R.Əzizbəyli bir müddət öncə beyin insultu keçirib.