Bakı Apellyasiya Məhkəməsində insan alverində təqsirləndirilərək həbs edilən tanınmış prodüser Təranə Səmədova barəsindəki hökmdən verilən apellyasiya şikayəti üzrə məhkəmə davam etdirilib.
Hakim Mirzəli Abbasovun icraatında olan prosesdə T.Səmədovanın vəkili Janna Bağırova vəsatət verərək himayəsində azyaşlı uşağın olmasını nəzərə alaraq ev dustaqlığına buraxılmasını istəyib.
Vəsatət təmin edilməyib.

Məhkəmə şəxsi sirləri nəzərə alaraq prosesin qapalı keçirilməsinə qərar verib.
Növbəti məhkəmə baxışı yanvarın 8-də davam etdiriləcək.

Qeyd edək ki, T.Səmədova Nərimanov rayon məhkəməsinin hökmü ilə 1 il müddətinə azadlıqdan məhrum edilib. İstintaq dövründə sərbəst qaldığı üçün məhkəmə zalında həbs olunub.