11-02-2019, 14:45 Oxunub: 156

Azərbaycanda telekanal yayımını dayandırdı — "Maliyyə çətinliyinə görə"

Azərbaycanda telekanal yayımını dayandırdı — "Maliyyə çətinliyinə görə"















Bu gün səhər saatlarında "ARB Media Qrup"a daxil olan tematik musiqi kanalı "ARB Ulduz"un peyk vasitəsi ilə yayımının dayanması müşahidə olunub.
Məsələ ilə bağlı "ARB Media Qrup"un mətbuat xidmətinin rəhbəri Ozal İbrahimli Azxeber.com-un suallarını cavablandırıb.

- Bu gün səhər saatlarından etibarən "ARB Ulduz"un peyk vasitəsilə yayımının olmadığı müşahidə edilir. Bu hansısa texniki problemlə bağlıdır?

"Xeyr, texniki problemlə bağlı deyil. "ARB Ulduz" telekanalının peyk vasitəsilə yayımının birdəfəlik dayandırılması qərarı qəbul edilib".

- Buna səbəb nədir?
"Bildiyiniz kimi müasir dövrdə telekanallar bir çox hallarda reklam gəlirlərinin hesabına maliyyələşir. "ARB Media Qrup"a daxil olan kanallar da buna istisna deyil. "ARB Ulduz" telekanalı ölkə reklam bazarında özünü tam maliyyələşdirəcək qədər gəlir əldə edə bilmirdi. Təəssüf ki, ölkəmizdə tematik televiziyalar reklam bazarından kifayət qədər vəsait əldə edə bilmirlər. Reklam bazarının əsas iştirakçıları, ümumölkə və çoxşaxəli məzmunda fəaliyyət göstərən telekanallardır. Elə məhz bu səbəbdən də musiqi yönümlü tematik kanal olan "ARB Ulduz" da reklam bazarının oyunçularından birinə çevrilə bilmədi".

- Bəs "ARB Media Qrup"a daxil olan digər tematik kanal olan "ARB Günəş"in taleyi necə olacaq?

Bəli, "ARB Günəş" Azərbaycanın ilk və yeganə tematik uşaq kanalıdır. Bu telekanalın əsas auditoriyası azyaşlı tamaşaçılardır. Yuxarıda qeyd etdiyim kimi, digər tematik telekanallarda olan kommersiya problemləri "ARB Günəş"ə də şamil edilir. Lakin, Azərbaycan dilində yayımlanan uşaq telekanalının nə dərəcədə vacib bir iş olduğunu nəzərə alsaq, "ARB Media Qrup" daxili imkanlar hesabına kanalın yayımını davam etdirməyi düşünür.
Amerikalı ulduz Ermənistan ordusunda uçota dayandı – FOTO (18+) Amerikalı ulduz Ermənistan ordusunda uçota dayandı – FOTO (18+) Dunya ATV”, “Xəzər” və “ARB TV”dən birgə qərar: ATV”, “Xəzər” və “ARB TV”dən birgə qərar: "O şirkəti reklam etməyəcəklər" Sosial Əflatun Amaşov hansı saytlara dövlətdən maliyyə ayrılacağını açıqladı - ŞƏRTLƏR Əflatun Amaşov hansı saytlara dövlətdən maliyyə ayrılacağını açıqladı - ŞƏRTLƏR Sosial ATV-nin yayımı müvəqqəti dayandırıldı - Səbəb ATV-nin yayımı müvəqqəti dayandırıldı - Səbəb Sosial Daha bir telekanalın yayımı dayandırıldı - Azərbaycanda Daha bir telekanalın yayımı dayandırıldı - Azərbaycanda Sosial