Azərbaycanlı ifaçı haqqında bilmədiyimiz bacarıqlarından danışıb

"Eurovision 2015" Azərbaycanı təmsil edən Elnur Hüseynov "Nargis" jurnalına müsahibə verib.

ANS PRESS-in məlumatına görə, gənc ifaçı müsahibəsində İstanbula getməsindən, o şəhərin həyatını dəyişməsindən söz açmaqla yanaşı, eləcə də haqqında bilmədiyimiz bəzi bacarıqlarını da dilə gətirib.

Avropa və amerikalı müğənnilərdən heç də geri qalmayan müğənni hər hansısa bir yerə dəvət olunarkən geyimini özü seçdiyini bildirib. Bundan başqa o, bir zamanlar saç ustası işlədiyini də etiraf edib.
"Bir çox sahələrdə özümü sınamışam. Diş düzəltmə texnikası ilə maraqlandım, lakin sonra gördüm ki, bu mənlik deyil. Saç ustası, stilist kimi fəaliyyətə başladım. Bu işdə də çox davam edə bilmədim. Müştərilərlə dil tapa bilmirdim. Şəkil gətiribv göstərirdilər ki, saçımı belə et. Deyirdim, axı sənin başında bu qədər tük yoxdur, saç yapışdırım? Bəziləri isə gördüyüm işi bəyənmirdi. Stilistlik bacarığım öz işimə yarayır. Bir yerə gedəndə necə görünəcəyim barədə uzun müddət düşünmürəm. Saçlarımı özüm kəsməyi bacarıram. Bir də ki, nə vaxtsa əgər səsim batsa, ac qalmayacağıma inanıram".