"İnstagram" fenomeni Tupi Saravianın paylaşımları izləyicilər arasında qalmaqala səbəb olub.
Argentinalı fenomeni ekzotik ölkələrdə çəkdirdiyi şəkilləri öz hesabında paylaşıb. 300 min izləyicisi olan Saravianın paylaşdığı şəkillərdə buludların bir-birinə bənzərliyi diqqətdən qaçmayıb.

Fenomenin bu paylaşımı izləyicilər tərəfindən birmənalı qarşılanmayıb. Belə ki, mövzunun bir anda gündəmə gəlməsi Saravianı açıqlama vermək məcburiyyətində qoyub. O, göy üzünün çox parıltılı olduğunu və bu səbəbə görə də "Quickshot" adlı proqramla səmada düzəliş etdiyini etiraf edib. Üstəlik, o, izləyicilərin reaksiyalarına görə onlara sərt cavab verib. Yalan danışmadığını iddia edən Tupi, qəbahət iş görmədiyini və insanları aldatmadığını bildirib.
Qeyd edək ki, fenomenin bəhs etdiyi proqramın özəlliyi sayəsində, çəkilən fotolara bulud şəkilləri əlavə etmək olur.