9-11-2019, 17:22 Oxunub: 241

228 illik qəzalı abidə təmir ediləcək — FOTO

228 illik qəzalı abidə təmir ediləcək — FOTO

Lahıcdakı acınacaqlı vəziyyətdə olan Bədöyün məscidinin əsaslı təmirinə qərar verilib.
Bu barədə AMEA Arxeologiya və Etnoqrafiya İnstitutu məlumat yayıb.

Oktyabr ayının 3-də Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva Lahıca səfər edib. Lahıclılarla görüş zamanı qəsəbənin ağbirçək sakini Püstə Əliyeva Mehriban xanıma Bədöyün məscidinin acınacaqlı vəziyyətdə olması haqqında məlumat verib.
Sözügedən məscidi ziyarət edən Birinci xanım abidənin dərhal təmir edilməsi haqqında tapşırıq verib.

Tapşırıq əsasında noyabr ayının 1-də Azərbaycan Respublikasının Dövlət Turizm Agentliyinin maliyyə dəstəyi ilə AMEA Arxeologiya və Etnoqrafiya İnstitutunun Lahıc arxeoloji ekspedisiyası Lahıc qoruğu ərazisində, Bədöyün məscıdində arxeoloji tədqiqat işlərinə başlayıb.
Azərbaycan Respublikasının Dövlət Turizm Ağentliyi və AMEA Arxeologiya və Etnoqrafiya İnstitutu arasında imzalanmış memoranduma əsasən, abidədə təmir işlərinə başlamazdan əvvəl arxeoloji tədqiqat işləri aparılmalıdır.

AMEA Arxeologiya və Etnoqrafiya İnstitutunun Lahıc arxeoloji ekspedisiyasının rəisi t.ü.f.d. Akif Quliyevin məlumatına görə, Bədöyün məscidində aparılan araşdırmalar abidənin tikilmə tarixi, ilkin memarlığı kimi məsələlərə aydınlıq gətirəcək.

Qeyd edək ki, abidə 1791-ci ildə inşa edilib. Abidənin üzərində səkkiz kitabə var. Bunların yeddisi ərəb dilində, biri isə ərəb qrafikası ilə Azərbaycan dilindədir. İki kitabədə əks olunmuş dini hədis mətnlərindən sonra, hicri 1295-ci il (1878-ci il) və hicri 1323-ci (1905-ci il) tarixləri qeyd edilib.

228 illik qəzalı abidə təmir ediləcək — FOTO228 illik qəzalı abidə təmir ediləcək — FOTO228 illik qəzalı abidə təmir ediləcək — FOTO
Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevadan Şad xəbər Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevadan Şad xəbər Medeniyyet Azərbaycanda dünyanın ilk arxeoparkı yaradılacaq Azərbaycanda dünyanın ilk arxeoparkı yaradılacaq Medeniyyet Prezident xanımı ilə Lahıcı gəzdi, sakinlərlə şəkil çəkdirdi - FOTOLAR Prezident xanımı ilə Lahıcı gəzdi, sakinlərlə şəkil çəkdirdi - FOTOLAR Siyaset Prezident xanımı ilə yeni salınan avtomobil yolunda Prezident xanımı ilə yeni salınan avtomobil yolunda Sosial Lahıc sakinləri həyəcan təbili çaldı: - Tarixin canlı şahidi məhv olmaq üzrədir Lahıc sakinləri həyəcan təbili çaldı: - Tarixin canlı şahidi məhv olmaq üzrədir Bolge