Biləsuvarda şəhid atası GİLEY EDİR - TƏFƏRRÜAT

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

Biləsuvarda şəhid atası GİLEY EDİR - TƏFƏRRÜAT

Bolge

Oxunub: 363

9 in 2021 | 17:18

Biləsuvarda şəhid atası GİLEY EDİR - TƏFƏRRÜAT

Xəbər verdiyimiz kimi bir müddətdir ki, Biləsuvarda örüş sahələrinin məmurlar tərəfindən qanunsuz zəbt edilməsinə görə əhali arasında narazılıq var. Bununla bağlı Biləsuvar rayon Səmədabad kənd sakinləri ölkə başçısına, Baş Prokurorluğa və digər aidiyyatı qurumlara şikayət ediblər.

2016-cı il Şanlı aprel döyüşlərində şəhid olan əsgər Fərahim Novruzovun atası Nadir Novruzov Moderator.az-ın əməkdaşıyla söhbəti zamanı ərazilərin Biləsuvarın keçmiş icra başçısı Əli Babayev tərəfindən zəbt edildiyini bildirib:

“Əli Babayev Biləsuvarın icra başçısı işləyəndə ancaq özünə var-dövlət yığmaqla məşğul olub. Buna görə də hektarlarla torpaq sahələrini zəbt edərək öz yaxınlarının adına sənədləşdirib. Biz kənd sakinləri olaraq Ə.Babayevin bu özbaşınalığının qarşısının alınması üçün aidiyyatı qurumlara şikayət etmişik. Ə.Babayev indi də Bilsəuvar Ağsaqqallar Şurasının sədridir. Bizim onun vəzifəsiylə işimiz yoxdu, amma necə olur ki, hektarlarla torpaqları o, və adamları əkib-becərir, biz kənd sakinləri isə bir sot torpaq sahibi deyilik?!”.

Şəhid atası deyib ki, onlar Baş prokuroruluğa şikayət ediblər, amma ürəkaçan nəticə olmayıb:

“Biz bütün bu korrupsiya faktlarıyla bağlı Baş prokurorluğa şikayət məktubları ünvanladıq və tələb etdik ki, rayona nümayəndə göndərsinlər. Baş prokurorluq isə problemin həll olunması üçün Biləsuvar rayon Prokurorluğuna tapşırıq verib. Amma çox təəssüflər olsun ki, heç bir nəticə yoxdu. Biz şəhid və qazi ailələri şikayətçiyik. Əslində bu gün o torpaqlardan bizlər istifadə etməliyik”.

N.Novruzov deyib ki, məsələdən Biləsuvarın deputatı Bəhruz Məhərrəmovun da xəbəri var:

“Biz bu məsələni deputatımız Bəhruz Məhərrəmovun da diqqətinə çatdırdıq. Çox sağ olsun o, da sənədləri Baş Prokurorluğa təqdim edib. Amma hələ ki, biz ciddi tədbir görülməsini səbirsizliklə gözləyirik. Əgər məsələ həll olunmasa, biz şikayətlərimizi etməkdə davam edəcəyik. Bir daha xahiş edirik ki, problemin araşdırılması üçün Bakıdan rayona nümayəndə göndərilsin. Yerli qurumlar Əli Babayevin saxtakarlıqlarını ifşa etməkdə acizdi”.