27-09-2016, 06:18 Oxunub: 550

İlham Əliyev: Azərbaycan regionda ən böyük hərbi potensialı olan ölkədir

İlham Əliyev: Azərbaycan regionda ən böyük hərbi potensialı olan ölkədir

















Prezident İlham Əliyev II Azərbaycan beynəlxalq müdafiə sərgisinin (ADEX) iştirakçılarına məktub göndərib.

Məktubda deyilir:

“Hörmətli sərgi iştirakçıları!

Sizi “ADEX 2016” İkinci Azərbaycan beynəlxalq müdafiə sərgisinin açılışı münasibətilə ölkəmizin paytaxtı Bakı şəhərində səmimi qəlbdən salamlayıram.

Qloballaşma prosesinin geniş vüsət aldığı daim dəyişən dünyamızda dövlətlər intensiv şəkildə təhlükəsizlik çağırışları ilə üzləşirlər. Bu istiqamətdə həyata keçirilən tədbirlər sırasında hərbi-texniki əməkdaşlıq, müasir texnologiyaların və təhlükəsizlik vasitələrinin mübadiləsi məsələlərinin aktuallığı durmadan artmaqdadır.

Ölkəmizin ərazi bütövlüyünə qarşı yönəlmiş xarici təcavüz və terrorizmin nəticəsi olaraq, Azərbaycan dövləti təhlükəsizlik sisteminin möhkəmləndirilməsini və dövlətlərarası əməkdaşlığın inkişaf etdirilməsini daim diqqət mərkəzində saxlayır. Qəbul edilmiş Hərbi Doktrina beynəlxalq müstəvidə ümumbəşəri prinsip və normaları rəhbər tutan Azərbaycanın həm müdafiə potensialını, həm də dost və tərəfdaş dövlətlərlə əlaqələrini gücləndirib. Azərbaycan hazırda regionda ən böyük hərbi potensialı olan ölkədir. Bölgədə ilk mötəbər beynəlxalq müdafiə sərgisi də məhz Bakı şəhərində keçirilib.

İnanıram ki, iştirakçısı olduğunuz sərgi hərbi-texniki əməkdaşlıq məsələlərinin müzakirə edildiyi nüfuzlu məkan kimi müasir təhlükəsizlik çağırışlarına cavab verən yeni yanaşmalara, xüsusilə müdafiə sənayesi sahəsində mühüm təşəbbüslərə yol açacaq və yeni imkanlar üzə çıxaracaqdır. Hər birinizə gələcək işlərinizdə uğurlar, ölkələrinizə sülh və əmin-amanlıq arzulayıram”.
İlham Əliyev: Üç ölkə arasında yeni əməkdaşlıq formatı yaranır İlham Əliyev: Üç ölkə arasında yeni əməkdaşlıq formatı yaranır Siyaset Nazir: “Ermənistan-Azərbaycan münaqişəsi regional təhlükəsizlik üçün əsas təhdiddir” Nazir: “Ermənistan-Azərbaycan münaqişəsi regional təhlükəsizlik üçün əsas təhdiddir” Siyaset Prezident İlham Əliyev: “Azərbaycanın başqa dövlətlərin qarşıdurma məkanına çevrilməsinə imkan verilməyəcək” Prezident İlham Əliyev: “Azərbaycanın başqa dövlətlərin qarşıdurma məkanına çevrilməsinə imkan verilməyəcək” Siyaset Azərbaycan Müdafiə Nazirliyi Anjey Kasprşikin çağırışına münasibət bildirib Azərbaycan Müdafiə Nazirliyi Anjey Kasprşikin çağırışına münasibət bildirib Siyaset İlham Əliyev müraciət ünvanladı İlham Əliyev müraciət ünvanladı Gundem