Prezident: Peşəkar Azərbaycan teatrı güclü mədəni şəraitdə yaranıb

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Prezident: Peşəkar Azərbaycan teatrı güclü mədəni şəraitdə yaranıb

Siyaset

Oxunub: 769

7 noy 2016 | 08:31

"Multikulturalizm və teatr” mövzusunda keçirilən IV Bakı Beynəlxalq Teatr Konfransının rəsmi açılış mərasimində Azərbaycan prezidenti İlham Əliyevin tədbir iştirakçılarına müraciəti oxunub.

Azərbaycan prezidenti İlham Əliyev müraciətində bildirib ki, Azərbaycan teatrının ləyaqətli tarixi var:

XIX əsrin ikinci yarısından başlayaraq Azərbaycanda cərəyan edən ictimai-siyasi hadisələrin ölkədə maarifçilik hərəkatının inkişafına ciddi təkan verdiyini qeyd edən Azərbaycan prezidenti bildirib ki, bu, ədəbiyyat, mədəniyyət, incəsənət sahələrində forma və məzmun dəyişiklikləri yaradıb:

“Peşəkar Azərbaycan teatrı məhz belə bir dövrün güclü mədəni şəraitində yaranıb. 144 yaşlı peşəkar teatr mədəniyyətinin vətəni olan Azərbaycan teatrı 2009-2019-cu illərdə adlı Dövlət Proqramı çərçivəsində artıq 4-cü dəfədir ki, beynəlxalq teatr konfransı keçirilir. Sevindirici haldır ki, builki konfrans respublikamızda elan olunmuş “Multikulturalizm ili” tədbirləri sırasındadır.

Təqdirəlayiqdir ki, dünyanın ən ünlü teatr biliciləri və peşəkar aktyorlarının teatr və multikulturalizm mövzusuna həsr olunmuş 4-cü Bakı konfransında bir araya gəlməsinin əsas məqsədi teatrın bu günü və gələcəyinin inkişafının istiqamətlərini müəyyənləşdirməkdən, dünya insanının multikulturalizm və tolerantlıq mühitində yaşaması naminə səylərini birləşdirməkdən ibarətdir. Bu çox nəcib və xeyirxah bir əməldir. İnsanlığın dərk edilmiş xoşbəxtliyinə tuşlanmış fəaliyyətdir.

Ümid edirəm ki, dünyanın 40-a yaxın ölkəsindən teatr mütəxəssisinin qatıldığı bu konfrans iştirakçıların hər biri üçün maraqlı və faydalı olacaq, dünya teatr prosesinin inkişafına öz dəyərli töhfəsini verəcək. Konfransa toplaşan dünyaca məşhur rejissorlar, aktyorlar, prodüserlər, rəssamlar, jurnalist-pedaqoqlar, teatrşünaslar maraqlı fikir mübadiləsi aparacaq, ölkələr arasında mədəni dostluq tellərini daha da möhkəmləndirəcəklər. Sizi bir daha qədim mədəniyyət məkanı Azərbaycanda salamlayır, hər birinizin fəaliyyətinə və konfransın işinə uğurlar diləyirəm”.