Hakimiyyətdən şok tələb: dövləti borca salan məmurlar milyonları qaytarsın

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Hakimiyyətdən şok tələb: dövləti borca salan məmurlar milyonları qaytarsın - Özəl siyahı

Siyaset

Oxunub: 1 676

19 yan 2017 | 22:41

Azərbaycanda büdcə kəsiri və qənaət rejiminə keçid dövlət qurumlarının borclarının qaytarmasını aktuallaşdırıb

Dövlətə borcu olan Açıq Səhmdar Cəmiyyətləri qarşısında sərt tələb qoyulub.

Hakimiyyətin təxirəsalınmaz və çevik tələbi ondan ibarətdir ki, ASC rəhbərləri tezliklə dövlətin borcunu qaytarsınlar və büdcəyə vəsait daxil olması sürətlənsin.

Dövləti borc içində batıran ASC-lər indiyə qədər tender maxinasiyaları ilə varlanıblar. Onlar həm ölkənin borclarını artırıb, həm heç bir layihəni yüksək səviyyədə həyata keçirməyib, həm də milyonları sovurublar. Həcmi milyardlarla ölçülən xarici kreditlər dövlətin boynunda qalıb.

Dövlət büdcəsinin gəlirlərinin azaldığı bir vaxtda hökumətin qarşısında duran ən böyük vəzifələrdən biri də Açıq Səhmdar Cəmiyyətlərinin (ASC) xarici maliyyə təşkilatlarından dövlət zəmanəti ilə alıb xərclədikləri kreditləri ödəməkdir.

Vaxtilə dollarla alınıb xərclənən borcları indi manatın dəyərdən düşdüyü bir vaxtda geri qaytarmaq büdcə üçün əməlli-başlı yükə çevrilib.

Çünki hazırda ASC-lərin borc öhdəliklərini icra etmək imkanı olmadığından, borclar dövlət hesabına ödənməlidir. Dövlətin öhdəliyi isə nə az, nə çox, 6.9 milyard dollar həcmindədir.

Vaxtilə neft gəlirlərinin yüksək olduğu vaxtda alınan kreditlərin geri qaytarılma müddəti indi başladığından, bu borclar da büdcə xərcləmələrində əhəmiyyətli yer tutur.

Məsələn, Hesablama Palatasının hesabatına nəzər salsaq görərik ki, 2015-ci ildə “Şahdağ” Qış-Yay Turizm Kompleksinmin tikilməsi üçün 40 milyon manat kredit alınaraq xərclənib.

“Azərişıq” ASC xarici fondlardan 50 milyon manat kredit alıb və vəsait son qəpiyinəcən xərclənib. “Azəravtoyol” ASC 304 milyon manat, Bakı Metropoliteni 240 milyon manat, “Azərsu” ASC 240 milyon manat, Dövlət Neft Şirkəti 1 milyard 891 mln manat, “Aqrarkredit” QSC 2,54 milyard manat xarici fondlardan kredit alıb.

Adıçəkilən ASC-lərin bu borcları qaytaracağı isə sual altındadır.

Təəccüb doğuran başqa bir məqam isə odur ki, bu qurumlar hər il dövlət büdcəsindən də külli miqdarda dotasiya alırlar.

Həmin vəsaitlərin xərclənməsində şəffaflıq olmadığı kimi, bu borcların necə istifadə olunması ilə bağlı da şəffaflıq təmin olunmayıb.

Politika.Az-ın əldə etdiyi məlumata görə, iqtidar rəhbərliyi Baba Rzayev, Saleh Məmmədov, Qorxmz Hüseynov, Zaur Hüseynov və digər ASC rəhbəri olan məmurlar qarşısında konkret tələblər qoyub. Ölkə iqtisadiyyatının ən çətin dönəmində məmurlar borcları ödəməlidir. Vaxtilə yedikləri milyonları indi qəpik-qəpik qaytarmağa məcburdurlar.

Azərbaycanda Açıq Səhmdar Cəmiyyətlərinin fəaliyyəti heç də ürəkaçan deyil. Bu qurumları daha çox pulsilən dəzgahlara bənzətmək olar. Onlara rəhbərlik edən şəxslərin əksəriyyəti tenderlərdə pul udur, maxinasiyalara yol verir, büdcə pullarını çırpışdırır.

Bundan əlavə, dövlət büdcəsinin gəlirlərinin azaldığı bir vaxtda hökumətin qarşısında duran ən böyük vəzifələrdən biri də Açıq Səhmdar Cəmiyyətlərinin (ASC) xarici maliyyə təşkilatlarından dövlət zəmanəti ilə alıb xərclədikləri kreditləri ödəməkdir.

Bu ASC-lərə ötən 10-12 il ərzində həm dövlət büdcəsindən, həm xarici kreditlər hesabına milyardlarla dollar investisiya yönəldilsə əsasən pis menecment ucbatından onların maliyyə səmərəliliyi çox aşağıdır. Bu ASC-lərin dövlət büdcəsi qarşısında milyardlarla manat vergi borcları yığılıb qalıb.