"General dedi ki, bu qıza qarşı nə qərəzdir, aparırsınız" - Zakir Həsənov şəhid övladını işə bərpa etdi

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

"General dedi ki, bu qıza qarşı nə qərəzdir, aparırsınız" - Zakir Həsənov şəhid övladını işə bərpa etdi

Siyaset

Oxunub: 9 858

26 yan 2017 | 13:31

"General dedi ki, bu qıza qarşı nə qərəzdir, aparırsınız" - Zakir Həsənov şəhid övladını işə bərpa etdi

"Yanvarın 25-də müdafiə naziri general Zakir Həsənovun Gəncəyə ezam etdiyi, nazirinin şəxsi heyət üzrə müavini, general-leytenant Kərim Vəliyevin rəhbərlik etdiyi nümayəndə heyəti Zabitlər Evində məni və qızım Minarə Bayramovanı (İsmayılova) qəbul etdilər”

Politika.Az xəbər verir ki, bu haqda gununsesi.info-ya N saylı hərbi hissənin komandiri Elşən Sanayev tərəfindən qərəzli şəkildə təhqir edilib, işdən qovulan şəhid övladı, müddətdən artıq həqiqi hərbi xidmət hərbi qulluqçusu, çavuş Minarə Mübariz qızı Bayramovanın (İsmayılova) anası Minyə İsmayılova məlumat verib.

Onun sözlərinə görə, nazirlikdən hərbi hissəyə ezam edilən qrup onların şikayətini obyektiv və ədalətli araşdırıblar:

"Məlum oldu ki, qızımın haqqında deyilənlər şər böhtan, işdən qovulması üçün qurulan Şərəf Məhkəməsi isə qurama imiş. Qızımın xidməti dövründə ona qarşı iynənin ucu qədər səhv tutulmadı. Sağ olsun, nazirimiz. Şəhid övladının haqqını qorudu. Bakıdan gələn araşdırmaçı heyətə də təşəkkür edirəm, ədalətli olduqları üçün. General dedi ki, bu qıza qarşı bu nə qərəzdir, aparırsınız. Onun bir gunahı yoxdur, bircə səhvi belə ortaya çıxmadı. Bizə qarşı çox diqqətli oldular. Genaral hamını yığdı, danışdı. Qızımı başqa korpusa keçirəcəklər. Xidmətini bundan sonra yeni iş yerində davam edəcək. Minarə bəraət aldı. Haqq yerini tapacaq. Bu işdə günahkarların haqqında da ölçü götürüləcək. Həm Gəncədə, həm Bakıda məhkəmə olacaq”- deyə, o, bildirib.

Qeyd edək ki, Müdafiə Nazirliyi gununsesi.info-da dərc edilən "Komandirdən şəhidin hərbçi qızına əxlaqsız təklif-Şikayət” adlı yazıya rəsmi münasibət bildirib. Bundan sonra isə Müdafiə Nazirliyi, məsələnin mahiyyətinin öyrənilməsi, aydınlaşdırılması, müvafiq tədbirlərin görülməsi və nəzarəti müdafiə nazirinin şəxsi heyət üzrə müavininə tapşırıb.

Müraciətin yerində, dəqiq və daha ətraflı araşdırılması məqsədilə bir neçə gündür ki, Müdafiə Nazirliyinin yüksək rütbəli zabitlərindən ibarət qrup hərbi hissəyə ezam olunub.

Xatırladaq ki, qrupa müdafiə nazirinin şəxsi heyət üzrə müavini də general-leytenant Kərim Vəliyev rəhbərlik edir.