PA rəsmisinin mesajının sirri: Nazim İbrahimov üçün “əcəl zəngi” çalınır

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

PA rəsmisinin mesajının sirri: Nazim İbrahimov üçün “əcəl zəngi” çalınır - Təcili

Siyaset

Oxunub: 738

13 may 2017 | 11:10

PA rəsmisinin mesajının sirri: Nazim İbrahimov üçün “əcəl zəngi” çalınır - Təcili

Prezident Administrasiyasının (PA) Diasporla iş üzrə Dövlət Komitəsiinn fəaliyyətindən narazı olduğu müşahidə edilir

Ölkə rəhbərliyini komitə sədri Nazim İbrahimovun gördüyü işlər qane etmir.

N.İbrahimovun fəaliyyətindən narazılıq zaman-zaman dilə gətirilir. Hətta komitənin ləğv olunub Xarici İşlər Nazirliyinə birləşdiirlməsi də təklif edilir.

Ancaq N.İbrahimovun vəzifədən getməsi üçün konkret qərar yoxdur. Sadəcə, PA tərəfindən narazılıq hiss olunur.

Bir neçə gün əvvəl PA-nın İctimai-siyasi məsələlər şöbəsinin Diasporla iş üzrə sektorunun müdiri Qafar Əliyev son günlər Ukrayna və digər bir sıra ölkələrdə bəzi Azərbaycan diaspor təşkilatları rəhbərləri ilə bağlı xoşagəlməz xəbərlərin yayılmasına münasibət bildirib.

PA rəsmisi Q.Əliyev deyib ki, bir çox ölkələrdə, o cümlədən Ukraynada, Rusiyada, Qazaxıstanda və bəzi Avropa dövlətlərində diaspora işi ilə bağlı nöqsanlar mövcuddur. Onun sözlərinə görə, bütün bunlar isə təəssüfedici haldır:

“Dünya Azərbaycanlılarının III və IV qurultaylarında Prezident İlham Əliyev xaricdə fəaliyyət göstərən diaspor təşkilatlarını bir-biri ilə sıx əməkdaşlıq etməyə və həmrəy olmağa və xaricdə fəaliyyət göstərən diplomatik nümayəndəliklərimizlə əməkdaşlıq etməyə çağırıb.

Çox təəssüflər olsun ki, bəzi ölkələrdə diaspora təşkilatlarının birliyinə nail olmaq hələ də mümkün olmayıb. Bu da ondan irəli gəlir ki, bəzi diaspora nümayəndələri diaspor işinin mahiyyətini və xüsusiyyətlərini, məqsədlərini anlamırlar. Onlar elə bilirlər ki, diaspora işi xaricdə müəyyən mövqe qazanıb, təşkilat yaradıb və onun sədri olub özünü tanıtmaqla bitir”.

Ulus.Az xəbər verir ki, Diasporla İş üzrə Dövlət Komitəsinin sədrinin istefaya göndərilməsi ilə bağlı deyilənlər tezliklə reallaşa bilər.

14 ildən artıqdır ki, Diasporla İş üzrə Dövlət Komitəsinə rəhbərlik edən Nazim İbrahimovla bağlı son zamanlar əksər kütləvi informasiya vasitələrində müxtəlif səpkili məlumatlar dolaşmaqdadır.

Bildirilir ki, bu illər ərzində komitənin fəaliyyətində ciddi irəliləyişlər əldə olunmadığından artıq onun ləğv edilib Xarici İşlər Nazirliyinin tabeliyinə verilməsi məsələsi gündəmə gəlib.

Beləliklə, hazırda Diasporla İş üzrə Dövlət Komitəsindən müxtəlif qurumlara çoxsaylı şikayətlərin ünvanlandığını qeyd edən məlumatlı şəxsin sözlərinə görə, Nazim İbrahimovun rəhbərlik etdiyi qurum qarşıya qoyulan vəzifələrin yerinə yetirilməsi istiqamətində kifayət qədər funksionallıq nümayiş etdirə bilmir.

Məhz elə bu səbəbdən də artıq Diasporla İş üzrə Dövlət Komitəsinin rəhbərinin tutduğu vəzifədən azad ediləcəyi barədə məlumatlar kütləvi xarakter almaqdadır.

Yeri gəlmişkən, nəzərinizə çatdıraq ki, Diasporla İş üzrə Dövlət Komitəsinin sədrinin qardaşı ATV telekanalının sabiq rəhbəri Tağı İbrahimov bir müddət əvvəl vəzifəsindən istefa verərək Türkiyəyə köçüb.

Nazim İbrahimovun digər qardaşı Hacı İbrahim Nehrəmli isə artıq bir müddətdir ki, ciddi maddi problemlərlə üz-üzə qalıb.

Bütün bunlar onu deməyə əsas verir ki, artıq hakimiyyət fəaliyyətində yol verdiyi nöqsanlar səbəbindən komitə sədrinin işinə son verməyi planlaşdırır.