Nazirdən prezidentə sabotaj: Heydər Əsədov unu bahalaşdırır, aclıq yaradır

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Nazirdən prezidentə sabotaj: Heydər Əsədov unu bahalaşdırır, aclıq yaradır - Təfsilat

Siyaset

Oxunub: 16 403

18 may 2017 | 10:07

Nazirdən prezidentə sabotaj: Heydər Əsədov unu bahalaşdırır, aclıq yaradır - Təfsilat

Kənd təsərrüfatı naziri Heydər Əsədov ölkədə aclıq, qıtlıq və taxıl çatışmazlığı problemi yaradır

Nazir prezidentə qarşı sabotaj siyasəti yürütməkdədir.

Son bir neçə ildə taxılçılığın inkişaf etdirilməsi adı ilə davamlı olaraq dövlət büdcəsindən kifayət qədər böyük maliyyə vəsaitləri ayrılır.

Buğda və çəltik istehsalı üçün dövlət büdcəsindən hər hektara görə 90 manat subsidiya ayrılsa da Azərbaycan ərzaq buğdasına olan ehtiyacını daxili istehsal hesabına ödəyə bilmir. Ölkənin cəmi 1,4 milyon ton ərzaq buğdasına ehtiyacı olduğu halda, bu tələbat tam olaraq idxalın hesabına ödənilir.

Baxmayaraq ki, Kənd Kəsərrüfatı Nazirliyi ölkədə 1 milyon 800 min tondan çox buğda istehsal olduğunu iddia edir, hər ildə Azərbaycana 1,4-1,6 milyon ton buğda idxal olunur.

Ölkəyə buğda əsasən, Rusiyadan idxal edilir. Dövlət büdcəsindən həmçinin, toxumçuluğun inkişafına, xaricdən mineral gübrələrin alınaraq ölkəyə gətirilməsinə, texnika ilə bağlı problemlərin həllinə külli miqdarda maliyyə vəsaiti ayrılır.

Ulus.Az xəbər verir ki, H.Əsədov artıq istefası ümün bütün şərtləri yetişdirib. Nazirin yarıtmaz idarəçiliy nəticəsində unun 30 faiz bahalaşacağı gözlənilir. Bu barədə kənd təsərrüfatı üzrə mütəxəssis Vahid Məhərrəmov bildirib.

Ölkəyə son zamanlar dövlət hesabına Avropa istehsalı, təxminən hər birinin qiyməti 100 min avro olan taxılbiçən kombaynlar alınaraq gətirilib. Lakin bütün bunların müqabilində taxılçılıq sahəsində geriləmələr müşahidə edilir.

Dövlət büdcəsindən sahənin inkişafı üçün ayrılan vəsaitlərin mənimsənildiyi faktlar aşkar edildi: Dövlət başçısı da keçirdiyi müşavirələrdə dəfələrlə belə faktların olduğunu etiraf edib.

Dizel yanacağının, benzinin, texnikanın, mineral gübrələrin və pestisidlərin qiymətləri artdığı halda bu sahədə məhsuldarlığı artırmaq mümkün olmayıb.
Buğda istehsalı, ümumiyyətlə taxılçılıq ölkəmiz üçün strateji əhəmiyyət kəsb etməlidir. Biz müharibə şəraitində yaşayırıq, digər tərəfdən isə bu sahədə problemlərimiz var.

Çörək əhalinin əsas qidasıdır. Ümumiyyətlə, taxıl təkcə çörək demək deyil, bu həm də ət, süd, yumurta, makaron, verməşil, düyü və digər qida məhsulları deməkdir.

V.Məhərrəmov deyib ki, fermerlər aqrotexniki qaydalara vaxtında əməl edə bilmirlər. Azərbaycanın taxılçılığın inkişafı üçün geniş imkanlar və lazımı resurslar mövcuddur. Yetər ki, aidiyyətı qurumların sahəyə diqqəti artırsın.

Dünya bazarında 1 ton ərzaq buğdasının qiyməti 2016-cı ilin dekabr ayında 122,8 dollar, 2017-ci ilin yanvar ayında 137 dollar olduğu halda, bu gün 180 dollar təşkil edir. Bu o deməkdir ki, idxal olunan buğdadan alınan unun qiyməti ən azı 30 faiz bahalaşacaq.