13-07-2017, 12:31 Oxunub: 357

Generaldan müharibədə iştirak etməməsiylə bağlı fikirlərə - Reaksiya

Generaldan müharibədə iştirak etməməsiylə bağlı fikirlərə - Reaksiya

















Ötən gün Prezidentin sərəncamı ilə vəzifədən azad edilən Səfərbərlik və Hərbi Xidmətə Çağırış üzrə Dövlət Xidməti rəisinin keçmiş müavini, general-mayor Novruzəli Orucov Qarabağ döyüşlərində fərarilik etməsi barədə yayılan məlumatlara münasibət bildirib.

N.Orucov "Ölkə.Az”a açıqlamasında sözügedən ittihamların cəfəngiyyat olduğunu söyləyib. O, Qarabağ döyüşlərində yaxından iştirak etdiyini deyib:

"Mən fərari deyiləm. İndi də təzə söhbət çıxarıblar ki, guya mən fərari generalam və sairə. Bütün bunlar yalandır. Əgər mən fərarilik etsəydim, mənə nə üçün general rütbəsi verilirdi? Birinci Qarabağ döyüşlər tabor komandiri olmuşam. Ağdamda, Qazaxda gedən döyüşlərdə iştirak etmişəm. Adam bu qədər Allahsız olmaz da! Axı mən ermənilərə qarşı döyüşlərdə iştirak etmişəm. Mənə necə deyirlər ki, fərariyəm və sairə? Görünür, mənə qarşı kampaniya başlayıb".

Xatırladaq ki, Prezident İlham Əliyevin imzaladığı Sərəncamla general-mayor Novruzəli Orucovu Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti rəisinin həqiqi hərbi xidmətə çağırış üzrə müavini - Həqiqi hərbi xidmətə çağırış baş idarəsinin rəisi vəzifəsindən azad edilib. Novruzəli Orucovun vəzifədən çıxarılmasına səbəb oğlu Rüstəm Orucovun 85 saylı marşrut avtobusunun sürücüsü, 1981-ci il təvəllüdlü Sənan Səmədovu döyməsi olub.
Oğluna görə işdən çıxarılan general: Oğluna görə işdən çıxarılan general: "Gərək onu cəzalandırardım, döyərdim" Hadise Prezidentin işdən çıxartdığı general kimdir? - Dosye Prezidentin işdən çıxartdığı general kimdir? - Dosye Siyaset İlham Əliyev əmr verdi, iki general istefaya göndərildi - ADLAR İlham Əliyev əmr verdi, iki general istefaya göndərildi - ADLAR Siyaset İki generalın taladığı qurum nazirliyə birləşir İki generalın taladığı qurum nazirliyə birləşir Siyaset Lələ təpəni azad edən komandirə general rütbəsi verildi Lələ təpəni azad edən komandirə general rütbəsi verildi Sosial