Tağ Əhmədovun mənimsədiyi milyonlara YAP nə deyir? – “Məhkəmə araşdırmalıdır”

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Tağ Əhmədovun mənimsədiyi milyonlara YAP nə deyir? – “Məhkəmə araşdırmalıdır”

Siyaset

Oxunub: 577

13 iy 2017 | 13:22

Tağ Əhmədovun mənimsədiyi milyonlara YAP nə deyir? – “Məhkəmə araşdırmalıdır”

Dünən “MTN işi” ilə bağlı keçirilən məhkəmədə həbsdə olan general Akif Çovdarov Bakı Metropoliteninin sabiq rəisi, Yeni Azərbaycan Partiyasının Yasamal rayon təşkilatının sədri Tağı Əhmədov barəsində sensasion iddialar irəli sürüb

O, T. Əhmədovun dəyəri milyardlar edən mülklərinin siyahısını açıqlayıb. Məlum olub ki, sabiq metropolitençinin Dubayda otelindən tutmuş, paytaxtda bir neçə restoranına kimi bahalı obyektləri var.

Çovdarovun açıqlamalarından görünür ki, Əhmədov böyük əmlaklara sahib olmaqla yanaşı qanunsuz pul əməliyyatları da aparıb və cinayətlər törədib. Cəmiyyətdə böyük rezonans doğuran bu açıqlamalara isə hələlik qarşı tərəfdən reaksiya yoxdur. Hər kəsə bəllidir ki, bu mülklər, sərvətlər yalnız korrupsiya, dövlət büdcəsinə vurulan ziyan hesabına əldə edilə bilər. Ona görə də bu ifşaedici məlumatlardan sonra hazırda hakim partiyanın rayon təşkilatlarından birinə rəhbərlik edən T.Əhmədovun taleyi sual altındadır.

Məsələnin aktuallığını nəzərə alaraq BakuPost.az-ın əməkdaşı YAP-dan rəsmi münasibət almağa çalışıb. Partiyanın İcra Katibliyinin Siyasi təhlil və proqnozlaşdırma şöbəsinin müdiri, millət vəkili Aydın Mirzəzadə açıqlamasında məhkəmədə tərəflərin müxtəlif fikirlər səsləndirə biləcəyini deyib: “Bu, məhkəmə predmeti olan bir məsələdir. Bunun partiyaya heç bir aidiyyəti yoxdur. Məhkəmə çəkişməsində ittiham edilən tərəflərdən biri bir iddia ilə çıxış edib. Məhkəmə də bunu araşdırır. Məhkəmədə tərəflər müxtəlif fikirlər irəli sürə bilərlər. Müəyyən iddia irəli sürülüb, fikir bildirilib, məhkəmənin də vəzifəsi onu araşdırmaqdır”.

Partiya funksioneri məsələylə bağlı digər suallara cavab vermək istəmədiyini bildirib.