Prezident cəzalandırır: “Porşe”li milyonçu, 400 minlik toy edən liftçi və şofer döyən general oğlu...

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Prezident cəzalandırır: “Porşe”li milyonçu, 400 minlik toy edən liftçi və şofer döyən general oğlu...

Siyaset

Oxunub: 624

24 iy 2017 | 15:34

Azərbaycan prezidenti İlham Əliyev israfçılıq və harınlıq edən məmurları, onların övladlarını cəzalandırır

Son aylarda ardıcıl baş verən hadisələr buna nümunədir.

Məsələn, milyonçu iş adamı Füzuli Fərəcovun azyaşlı oğlu Ağaəli Fərəcovun iki uşaq anasını “Porşe” ilə vurub öldürməsi, Bakı Liftlər İdarəsinin direktoru Qüdrət Şükürovun qızına 400 minlik toy keçirməsi, Səfərbərlik Xidmətində rəis müavini, general Novruzəli Orucovun oğlunun avtobus şoferini döyməsi ardıcıl yaşanan olaylardır. Doğrudur, rəsmi şəkildə nə baş liftçiyə cəza verildiyi açıqlandı, nə də biznesmenin övladı həbs edildi, təkcə general işdən azad olundu, oğlu həbsə atıldı...

Buna baxmayaraq, rəsmi şəxslərin açıqlamalarından sezildi ki, həm Q.Şükürov etdiyi israfçılığa, prezidentin təvazökar olmağa çağırdığı halda dəbdəbəli toy keçirməsinə görə cəzalandırılıb, həm də biznesmen oğlunun törətdiyi ağır qəzaya görə vəzifə sahibi olmasa da, böyük cəza ilə qarşılaşıb.

Bu dərslər həm də bir nümunədir ki, başqaları ibrət götürsünlər. Əvvəllər, məmurlar və övladları inanmırdılar ki, onlar cəzalandırıla bilər.

Bu arxayınlıq 2013-cü ildən alt-üst oldu. İsmayıllıdan başlayaraq bu günə kimi qudurğanlıq edən hər bir nazir yaxud məmur övladı cəzasını çəkir.

Qudurğan və dikbaş zəngin uşaqları tarixən sarayların başına oyun açıblar. Onların ucbatından hakimiyyətlər yıxılıb, başlar gedib, qəzəbli kütlə tərəfindən saraylar dağıdılıb.

Ataların etmədiyini övladların timsalında qabaqlarına çıxmaları onların 30-40 illik əməyini yerə vurub.

Ulus.Az xəbər verir ki, prezident İlham Əliyev məhz 2013-cü ildən qudurğan məmur balalarına qarşı amansız olmağa başlayıb.

2013-cü ilədək hər hansı nazir yaxud məmur övladı hakimiyyətin başına belə bəla açmamışdı. İsmayıllı hadisələri isə partlayış nöqtəsi oldu və iqtidarı daxili siyasətinə yenidən baxmağa vadar etdi.

Həqiqətən də, seçki ilində İsmayıllıda üsyan qalxması, nazir oğlunun harınlığına etiraz olaraq başçı olan əmisinin villasının yandırılmasına cəhd olunması, iki gecə barikkadalar qurulmasına qədər proseslərin miqyası genişlənmişdi.

Hakimiyyətin də İsmayıllı üsyanından çıxardığı dərslər bundan ibarət idi: regionlara dalğavari yayıla bilər, sosial narazılıq var, yerlərdə məmurlar insanları çox süründürüblər və qisas hissi ilə alışıb-yanan təbəqə var.

Beləcə, ilk dəfə bir nazir oğluna görə cəzalandırılaraq vəzifəsindən çıxarıldı və bu, başlanğıc idi.

Məmur balasının qəza törətdiyi hadisələrdən biri iyun ayının 7-si baş verib. Belə ki, Bakının Xəzər rayonunda 2 nəfərin xəsarət alması ilə nəticələnən yol qəzası baş verib.

26 yaşlı Hacıyev Əli Etibar oğlu idarə etdiyi "Hyundai" markalı avtomobil ilə Zığ yolunda hərəkətdə olarkən sürət həddini aşıb və maşın idarəetmədən çıxaraq yolun kənarındakı yamacdan aşağı doğru aşıb.

Nəticədə sürücü Əli Hacıyev və avtomobildə olan 31 yaşlı sərnişin Nəsrullayev Şamil Mürsəl oğlu xəsarət alaraq xəstəxanaya yerləşdirilib.

Avtomobil deformasiyaya uğrayıb. Əli Hacıyev respublikanın rayon yol polisi şöbələrindən birinin rəisi olan Etibar Hacıyevin oğludur.

Azərbaycanlı məmur qohumunun qəza törətdiyi hadisələrdən biri iyulun 12-də qeydə alınıb. Qəza hadisəsi Bakıda aeroport yolunda qeydə alınıb.

Belə ki, "Range Rover" markalı avtomobil yol arakəsmələrini təmizləyən "KamAZ" su maşınına çırpılıb. Hadisə nəticəsində avtomobil deformasiyaya uğrayıb və sürücü nəqliyyat vasitəsində sıxılmış vəziyyətdə qalıb.

Əraziyə Fövqəladə Hallar Nazirliyinin (FHN) xüsusi riskli xilasetmə xidmətinin əməkdaşları cəlb edilib. FHN əməkdaşları deformasiyaya uğramış avtomobildə sıxılmış vəziyyətdə qalmış sürücünü nəqliyyat vasitəsindən çıxarıblar.

Qeyd edək ki, sürücü Bakı Şəhər Baş Dövlət Yol Polisi İdarəsinin (BŞBDYPİ) şöbə rəisi, 31 yaşlı polis kapitanı Cabir Firdovsi oğlu Hüseynovdur. O, qəza zamanı ağır xəsarət alıb.