Qərbdən gələn təzyiqlərin pərdəarxası - demokratiya oyunu, yoxsa...

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Qərbdən gələn təzyiqlərin pərdəarxası - demokratiya oyunu, yoxsa...

Siyaset

Oxunub: 537

5 okt 2017 | 14:44

Qərbdən gələn təzyiqlərin pərdəarxası - demokratiya oyunu, yoxsa...

Son vaxtlar Qərbdən ölkəmizə qarşı təzyiqlər güclənib. Bu basqılar durmadan artır. Maraqlıdır ki, bu cür davranış Azərbaycanın Avropa ilə əlaqələrini daha da yaxşılaşdırmaq üçün yürütdüyü siyasət dövrünə təsadüf edir. Sanki Qərbdə rəsmi Bakının Avropa ilə əlaqələrinin yaxşı olmasını istəməyən qüvvələr var.

Bu istiqamətdə gedən müzakirələr də getdikcə çoxalır. Təzyiqlərin səbəbləri və arxasında duran niyyətlərlə bağlı ümumi bir fikir yoxdur. Amerika başda olmaqla, Qərb dairələrinin doğrudan da ölkəmizdə demokratiya və insan haqlarının bərqərar olması istəyinə inananlar da var, Qərbin belə vasitələrdən yararlanıb Azərbaycana qarşı təzyiq mexanizmlərini işə saldığını düşünənlər də. Bu cür təzyiqlərin arxasında duranlarla bağlı da ən müxtəlif mövqelər var.

Azərbaycanın Belçikadakı səfiri Fuad İsgəndərov "EurActiv" fondunun saytına verdiyi sensasion müsahibəsində bu məsələyə də toxunub. Səfir bildirib ki, Bakıya bu hücumları Avropa yox, başqa oyunçular təşkil edir: “Biz Avropaya yaxın olduqca, daha çox tənqid eşidirik. Bir çox hallarda bu tənqidlər sünidir. Və biz bilirik ki, bu tənqidlərin arxasında kimlər dayanır. Biz Avropaya yaxın olmaqda maraqlıyıq, ancaq bəzi qüvvələr bu inkişafın, bu hərəkətin qabağını almaq istəyir. Azərbaycan bu il Avropa Birliyi ilə 3 ayda 5 danışıq prosesinə təkan verib.

Bu tənqidlər, dediyim kimi, bir çox hallarda sünidir və məqsədi Azərbaycanın Avropa Birliyi ilə münasibətlərini korlamaqdır, siyasi qərarları ən azı təxirə salmaqdır".

Səfir hesab edir ki, bu təzyiqləri Azərbaycanın Avropaya yaxın olmasını, Azərbaycanın Avropanın bir hissəsi olmasını istəməyənlər edir.

F.İsgəndərov daha sonra deyir: “Biz Avropa Birliyinə yaxın olduqca həmin tənqidlər kəskinləşir. Bu hücumlar Avropa Birliyi qurumlarından gəlmir, başqa oyunçulardan gəlir. Bu qüvvələrin məqsədi Azərbaycanın, necə deyərlər, Avropa dəyərlərinə uyğun gəlməyən müsəlman-barbar imicini yaratmaqdır. Belə ölkə ilə danışmaq belə lazım deyil. İkinci məqsəd odur ki, biz Ermənistanla beynəlxalq qanun çərçivəsində danışırıq. Beynəlxalq qanunlar ölkənin ərazi bütövlüyünü, suverenliyini nəzərdə tutur. Bunu necə dəyişmək olar? Ona görə də qarşı tərəfi korrupsioner, davranışı bilinməyən, barbar kimi təqdim eləməyə çalışırlar”.

Politoloq, deputat Elman Nəsirov bildirdi ki, Qərbin müəyyən dairələri tərəfindən Azərbaycana qarşı dəfələrlə belə təzyiqlər olub: “Bu cür təzyiqlərin hədəfinə çevrilmişik. Xüsusilə çox mühüm tədbirlərə ev sahibliyi edərkən belə təzyiqlərin artdığının şahidi oluruq. Bir qədər də açığını desək, Azərbaycan mühüm uğurlara imza atarkən bu təzyiqlərin əmsalı daha da yüksəlməyə başlayır. Bu gün ölkəmizə qarşı hətta Avropa Şurasının rəhbərliyi səviyyəsində təzyiqlər artmağa başlayıbsa, məntiqi olaraq belə nəticəyə gəlmək olar ki, onlar Azərbaycanın yeni-yeni nailiyyətlərinin şahidi olublar. Görürlər ki, çox da böyük olmayan bir müsəlman ölkəsi dünya siyasətində çox böyük çəkiyə malikdir. Onlar bunu çox qısqanclıqla qarşılayırlar. Onu da görürlər ki, Dünya İqtisadi Forumu 2017-18-ci illərin qlobal iqtisadiyyatın rəqabət qabiliyyətini müəyyən edərkən Azərbaycanı 35-ci yerdə qərarlaşdırıb. İki pillə də mövqeyimiz güclənib. Bu faktın özü onların yuxusuna haram qatıb. Həm də onun şahidi olurlar ki, Azərbaycan dünyanın böyük 20-liyinə daxil olan ölkələri hətta üstələyib. Məsələn, dünyanın əhali baxımından ən böyük müsəlman ölkəsi İndoneziyadır. Azərbaycan 35-ci, İndoneziya 36-cı yerdir. Şimal qonşumuz olan nəhəng Rusiya 38-ci sıradadır. Hindistan kimi böyük dövlət 40-cı yerdə qərarlaşıb. 20-likdə böyük mövqelərə sahib olan İtaliya 43-cü yerdədir. Türkiyə kimi böyük dövlət də 53-cü yeri tutur. Bunların hamısını onlar analiz edirlər. Yaxşı başa düşürlər ki, bu gün Azərbaycan bu uğurlara imza atırsa, sabah yeni uğurları qazanacaq. Düşünürlər ki, müxtəlif yollarla bu inkişafın qarşısını alsınlar. Bu halda onlar ”Axilles dabanı" axtarır, Uydurma ittihamlar səsləndirir, müxtəlif ölkələrdə siyasi rejimləri devirmək üçün tətbiq etdiklərini işə salmağa çalışırlar. Nəticədə insan hüquqlarının olmaması, siyasi məhbusların olduğu kimi ittihamlar səsləndirirlər. Dəfələrlə şahidi oluruq ki, böyük dövlətlər öz geosiyasi maraqlarını həyata keçirmək üçün insan hüquqlarından bir alət kimi istifadə ediblər. İraq, Suriya, Liviya, Misir kimi dövlətlərdə bunu görmüşük. O yerlərdəki “Ərəb baharı”nı həyata keçiriblər, məlum olur ki, o yerlərdə əsas həyata keçirdikləri üsul bunlar olub. Bir çox hallarda da guya onlar demokratiya yaradırlar. Biz də indi eyni vəziyyətlə üz-üzə qalmışıq".

Deputat təzyiqlərin səbəblərinə də toxundu: “Birinci səbəb onunla bağlıdır ki, ölkə prezidenti cənab İlham Əliyev müstəqil daxili və xarici siyasət həyata keçirir, beynəlxalq təşkilatların, dövlətlərin diktəsi altında hərəkət etmir, öz millətinin, dövlətinin mənafeyinə uyğun siyasət aparır. Nəticədə bizdə səfərbər olunmuş, iqtidarla xalqın hakimiyyət birliyi formalaşır. Qərb də bunu həzm edə bilmir. Buna görə də bizi hədəf seçirlər. İkinci səbəb isə budur ki, Azərbaycan müsəlman ölkəsidir. Həmin islamafob qüvvələrin Avropada getdikcə əhatə dairələri genişlənməkdədir. Hətta bir sıra yerlərdə hakimiyyətə gəlməyə iddialıdırlar. Bu qüvvələr heç bir halda həzm edə bilmirlər ki, Azərbaycan adlı bir müsəlman ölkəsi İslam adında dünyada formalaşdırmaq istədikləri terrorçu planını alt-üst edir. Azərbaycan İslamın bir sülh dini olduğunu bütün dünyaya bəyan edir. Multikulturalizmin ən mühüm mərkəzlərindən birinə çevrilmişik. Azərbaycanda müxtəlif dinlərə sitayiş edənlərin necə harmonik ailə kimi yaşadığını dünyaya nümayiş etdiririk. Bu reallıq onların yuxularını ərşə çəkir. Bunların hamısı bizə gün kimi aydın məsələlərdir. Bu gün bizi həm də ona görə hədəf seçirlər ki, Azərbaycan Dağlıq Qarabağ münaqişəsinin həlli prosesində diplomatik və hərbi üstünlük əldə edib. Bu isə ermənipərəst qüvvələrin çox ciddi narahatlığına səbəb olub. Ölkəmizə qarşı yalan iftiralarla dolu böhtanlar irəli sürməklə çalışırlar ki, beynəlxalq aləmdə tutduğumuz güclü mövqeyi zəiflətsinlər, Azərbaycana beynəlxalq aləmdə yanaşılan etibarlı tərəfdaş mövqeyimizə kölgə salsınlar. Bunu etmək üçün də çox fikirləşmirlər. Çünki müxtəlif ölkələrə qarşı etdikləri ənənəvi üsullar var, həmin ölkələri insan hüquqlarını pozmaqda ittiham etmək. Bu, onların ənənəvi silahıdır. Onların yalanlarına xalqımız inanmır. Niyyətlərinin ölkəmizdəki sabitliyi pozmaq olduğunu da hər kəs bilir. 90-cı illərdə həmin qüvvələrin hansı niyyətləri güdüklərini yaxşı görmüşük. Bu sabitliyi göz bəbəyi kimi qorumaq əsas vəzifələrimizdən biridir. Bu yolda xalqımız monolit birlik nümayiş etdirir”.
Musavat.com