9-12-2017, 15:56 Oxunub: 145

Rəcəb Tayyip Ərdoğan Prezident İlham Əliyevi İstanbula dəvət etdi

Rəcəb Tayyip Ərdoğan Prezident İlham Əliyevi İstanbula dəvət etdi














Türkiyə Respublikasının Prezidenti Rəcəb Tayyip Ərdoğan dekabrın 9-da Azərbaycan Respublikasının Prezidenti İlham Əliyevə telefonla zəng edib.
"Ölkə.Az" xəbər verir ki, bu barədə Prezidentin Mətbuat Xidməti məlumat yayıb.

Türkiyə Prezidenti dövlətimizin başçısını İslam Əməkdaşlıq Təşkilatının Qüds məsələsi ilə bağlı İstanbulda keçiriləcək fövqəladə zirvə toplantısına dəvət edib.

Prezident İlham Əliyev dəvəti minnətdarlıqla qəbul edib.

Dövlət başçıları ABŞ Prezidenti Donald Trampın Qüdsün İsrail Dövlətinin paytaxtı kimi tanınması və səfirliyin bu şəhərə köçürülməsi ilə bağlı qərarının çox yanlış olduğunu vurğulayaraq bildiriblər ki, bu addımlar beynəlxalq hüquqa ziddir və Yaxın Şərqdə təhlükəli fəsadlara gətirib çıxara bilər.

Eyni zamanda dövlət başçıları Türkiyə və Azərbaycanın İslam həmrəyliyinə töhfə verdiklərini qeyd edərək müsəlman aləminin maraqlarını bundan sonra da müdafiə edəcəklərini bildiriblər.

Prezident İlham Əliyev Türkiyə Prezidentinin növbəti dəfə İslam həmrəyliyi işinə dəstəklə bağlı öz üzərinə götürdüyü missiyaya görə Azərbaycan xalqı adından minnətdarlığını ifadə edib.
İlham Əliyevdən Ermənistanı çökdürən xəbər İlham Əliyevdən Ermənistanı çökdürən xəbər Siyaset İlham Əliyev Ərdoğanla görüşdü - Fotolar İlham Əliyev Ərdoğanla görüşdü - Fotolar Siyaset Ərdoğan Alxanlıdakı hadisə ilə bağlı İlham Əliyevə zəng etdi Ərdoğan Alxanlıdakı hadisə ilə bağlı İlham Əliyevə zəng etdi Siyaset Prezident İlham Əliyev Türkiyəyə getdi Prezident İlham Əliyev Türkiyəyə getdi Siyaset Prezident İlham Əliyev Türkiyə Ali Məhkəməsinin sədrini qəbul edib Prezident İlham Əliyev Türkiyə Ali Məhkəməsinin sədrini qəbul edib Siyaset