11 Apreldən sonrakı dövrə tədarük görür - "Köhnə qvardiya" yola salınır?
Aprelin 11-də növbədənkənar Prezident seçkilərinin keçirilməsi dövlət idarəetmə sistemində bir sıra köklü dəyişikliklərə gətirib çıxara bilər. Aparılan təhlillər və əldə olunan məlumatlar gözlənilən dəyişikliklərin yalnız icra hakimiyyəti deyil, həm də ali qanunverici orqandan da yan keçməyəcəyini deməyə əsas verir. Yəni Azərbaycanda xeyli müddətdir gözlənilən struktur islahatları ilə paralel siyasi yeniliklərə də start verilə bilər. Hətta bəzi siyasi müşahidəçilər hesab edir ki, seçkilərin vaxtının dəyişdirilməsini zəruri edən əsas səbəblərdən biri də hökumət daxilində maraqları toqquşan qüvvələrin neytrallaşdırılmasına hesablanıb.
Son vaxtlar hakimiyyətin yuxarı eşalonunda yüksək post tutan oliqarx-məmurların istefaya göndərilməsi halları artmağa başlayıb. Yaxın aylarda bir sıra başqa vəzifəli şəxslərin də “vurulacağı” gözlənilir. Bir sıra hökumət rəsmiləri hələlik mövqelərini qorumağa nail olsalar da, əllərindəki biznes şəbəkəsini itirmək üzrədirlər. Həmin kadrların struktur islahatları çərçivəsində istefaya göndəriləcəyi bildirilsə də, seçkilərin vaxtının qabağa çəkilməsi bu prosesi sürətləndirən yeni mərhələ açmış oldu. Hakim komanda daxilində başlanmış vəzifə dəyişikliklərinin prezident seçkilərindən sonra daha sürətlə həyata keçirilərək yekunlaşacağı gözlənilir. Yəni, bir sıra nazirlər, komitə rəhbərləri oktyabr -noyabr aylarına öz postlarını qoruyub saxlaya biləcəklərinə ümid edirdi. Lakin seçkilərin vaxtının gözlənilməz şəkildə aprelə çəkilməsi bəzi məmurları çətin duruma salıb. Aprel ayında keçiriləcək seçkilərdə Yeni Azərbaycan Partiyasının namizədi qalib gələrsə, qarşıdakı iki ay ərzində “köhnə qvardiya”nın sıradan çıxması daha sürətli hal alacaq. Hökumətdə 1990-cı illərdə idarəetmə sisteminə gətirilmiş “köhnə qvardiya” təmsilçiləri müxtəlif vəzifələrə təyinat alan cavan və savadlı kadrlarla əvəz ediləcək. May və iyun aylarında formalaşacaq yeni hökumətin tərkibində yəqin ki, 20 ildən artıqdır rəhbər vəzifə tutan yüksək çinli məmurlar olmayacaq. Onların öz kürsüsü ilə vidalaşacağına dair məlumatlar var. Bir qismi struktur islahatları çərçivəsində vəzifəsini itirəcək, bəziləri daha gənc və texnokrat kadrlarla əvəzlənəcək, bir qismi isə təqaüdə yola salınacaq.
Bəzi məlumatlara görə, yeni komandada baş nazir Artur Rasizadə, Əmlak Məsələləri Dövlət Komitəsinin sədri Kərəm Mustafayev, Azərbaycan Dövlət Neft Şirkətinin prezidenti Rövnəq Abdullayev, Meliorasiya və Su Təsərrüfatı ASC-nin sədri Əhməd Əhmədzadə və başqaları yer almayacağı deyilir. Baş nazirin müavinlərinin də sayının azaldılacağı ehtimal edilir. Qeyd edək ki, hazırda baş nazirin 6 müavini var. Ekspertlər isə həmin ştatların ikiyə endirilməsini təklif edir. Bu səbəbdən, baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovun, eləcə də baş nazirin digər müavini Abid Şərifovun, digər müavin İsmət Abbasovun təqaüdə göndəriləcəyi haqda xəbərlər var. Dövlət Gömrük Komitəsinin ləğv edilərək Vergilər Nazirliyinə birləşdiriləcəyi gözlənilir. Gömrük Komitəsinin fiskal funksiyasının Vergilər Nazirliyinin səlahiyyətinə daxil ediləcəyi deyilir. Digər ehtimallara görə, Vergilər Nazirliyi və DGK Maliyyə Nazirliyinin tərkibinə veriləcək. Dövlət Gömrük Komitəsinin struktur islahatları çərçivəsində ləğv edilərək İqtisadiyyat Nazirliyinə birləşdiriləcəyi də gözlənilir.
Azərbaycanda iqtisadi və siyasi islahatların həyata keçirilməsi təklifini mütəxəssislər hələ 2015-ci ilin dekabr ayında baş vermiş ikinci devalvasiyadan sonra qaldırmışdılar. Lakin hökumət iqtisadi islahatlar paketinin tərkib hissəsi kimi bəzi addımlar atsa da, ciddi siyasi islahatlara getmədi. Məsələn, Maliyyə Bazarlarına Nəzarət Palatası yaradıldı, dövlət büdcəsindən maliyyələşən bir sıra qurumların statusu dəyişdirilərək publik hüquqi şəxsə çevrildi. Ancaq siyasi islahatlar reallaşmadığından eyni prosesi iqtisadi sahədə axıra qədər davam etdirmək mümkün olmadı. Bu baxımdan, seçkilərdən sonra siyasi islahatların baş verməsi liberal iqtisadi dəyişikliklərin həyata keçməsinə şərait yarada bilər. Digər məlumatlara görə, prezident seçkilərindən sonra ölkədə növbədənkənar parlament seçkilərinin də keçiriləcəyi istisna olunmur. Millli Məclisə 2020-ci ildə keçirilməli olan seçkilərin vaxtı dəyişdirilə bilər. Xatırladaq ki, bu barədə təkliflər hələ 2015-ci ilin parlament seçkilərindən sonra gündəmə gəlmişdi. Ali qanunverici orqana tam və və ya 80-90 faiz demokratik əsaslarla növbədənkənar seçkilərin keçirilməsi məsələsi yenidən aktuallaşıb. Əgər sözügedən təklif reallaşarsa, real müxalifət parlamentdə təmsil olunmaq imkanı qazana bilər ki, bu da ölkədə siyasi balansın təmin olunması deməkdir.
Cebhe.info
Bu gün, 10:01
Ermənistan Rusiyadan uzaqlaşmaq səylərini davam etdirir - ABŞ institutu
Bu gün, 09:37
Bakıda təmizlik işçisinin bu görüntüsü gündəm oldu - VİDEO
Bu gün, 09:31
Vaşinqton Azərbaycan və Ermənistan arasında əldə olunmuş razılaşmanı alqışlayıb
Bu gün, 09:00
“Böyük tarixçi” Bayden ermənilərə niyə pislik edir: ABŞ Ermənistanı növbəti “qurban” seçib
Dünən, 16:00
Qarabağdan Ermənistana keçən Rusiya texnikaları geri qayıtmağa başladı?.. - VİDEO
Dünən, 15:30
İrəvan 4 kənd sazişini niyə uğuru sayır? – Mühüm detal
Dünən, 14:22
İrəvan başqa əraziləri də Bakıya qaytaracaq – Detallar...
Dünən, 14:03
Prezidentlər mətbuata bəyanatlarla çıxış edirlər
Dünən, 13:31
Prezidentdən İsmayılovla bağlı SƏRƏNCAM
Dünən, 13:05
Köçkünlərin evi satışa çıxarıldı - AŞAĞI QİYMƏTLƏR
Dünən, 13:00
Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB
Dünən, 12:56
Qırğızıstan Prezidentinin rəsmi qarşılanma mərasimi olub
Dünən, 12:09
Tarixi əməkdaşlıq
Dünən, 11:02
Ərəb ölkələri Türkiyəni geri çevirdi: Qəzza planı baş tutmadı - İsrail mediası
Dünən, 10:56
Japarov Azərbaycana səfərə yola düşdü
Dünən, 10:51
Hadrut yenidən qurulur - Ən son görüntülər
Dünən, 10:35
61 milyard yardımın pərdəarxası: qəfil məğlubiyyət... - AÇIQLAMA
Dünən, 10:06
Vətən müharibəsi qazisi Türkiyədə həlak oldu
Dünən, 10:02
İranlı nazir barədə həbs qərarı verildi
Dünən, 09:54
Baş nazir iclas keçirdi: Sədr məruzə etdi - FOTO
Dünən, 09:33
Podolyak: “Üçüncü dünya müharibəsi artıq gedir”
Dünən, 09:28
Ukrayna ərazisi dörd ölkə arasında bölünə bilər - Makqreqordan ŞOK AÇIQLAMA
Dünən, 09:24
Tiktok bu türk ölkəsində də əngəllənə bilər
Dünən, 09:18
Paşinyan Ermənistanın əsl düşmənini elan etdi: Erməni kilsəsi və diaspor daxili savaşa başlayır
Dünən, 09:16
Qərbi Azərbaycan Xronikası: Ermənilərdən Qara Qarayev və Müslüm Maqomayev haqqında İDDİA - VİDEO
Dünən, 09:00
"Haber Global": İrəvanda həyasız təxribat - Şanlı Azərbaycan və Türkiyə bayraqları hədəfə alınıb
23-04-2024, 16:10
Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”