14-03-2018, 21:02 Oxunub: 218

İlham Əliyev Binəli Yıldırımla birgə nahar edib — FOTO / YENİLƏNİB

İlham Əliyev Binəli Yıldırımla birgə nahar edib — FOTO / YENİLƏNİB














Azərbaycan Respublikasının Prezidenti İlham Əliyev martın 14-də Türkiyə Respublikasının Baş naziri Binəli Yıldırım ilə görüşüb.
"Ölkə.Az" xəbər verir ki, Prezident İlham Əliyev deyib:

- Hörmətli cənab Baş nazir, mən sizi Azərbaycanda səmimiyyətlə salamlayıram. Azərbaycana xoş gəlmisiniz. Biz sizin səfərinizə böyük önəm veririk. Əminəm ki, səfər çox uğurlu olacaq və Türkiyə-Azərbaycan dostluq, qardaşlıq münasibətləri bundan sonra da uğurla inkişaf edəcək. Biz dostuq, qardaşıq, bütün məsələlərdə bir-birimizin yanındayıq, bir-birimizi dəstəkləyirik. Bu, bu gün belədir və həmişə də belə olacaq. Bizi çox dərin əlaqələr bağlayır. Bu gün biz siyasi, iqtisadi, bütün başqa sahələrdə çox yüksək səviyyəli əməkdaşlıq edirik. Siyasi əlaqələrimiz ən yüksək zirvədədir, iqtisadi sahədə yaxşı nəticələr var. Keçən il ticarət dövriyyəsi artmışdır, qarşılıqlı sərmayə qoyulur. Türkiyə Azərbaycana və Azərbaycan Türkiyəyə 10 milyard dollardan çox sərmayə qoymuşdur. Bu sərmayə qoyuluşu davam edir, daha da böyük rəqəmlərə çatacaq.

Bu il TANAP layihəsinin istismara verilməsini biz birlikdə qeyd edəcəyik. Bu, tarixi layihədir və uğurla başa çatır, ölkələrimizi bir-birinə daha da sıx bağlayacaq, eyni zamanda, bu layihədən faydalanan ölkələr üçün də yeni imkanlar açacaq. Keçən il biz Bakı-Tbilisi-Qars dəmir yolunun açılışını təntənəli şəkildə qeyd etdik və bu gün bu yol artıq uğurla fəaliyyət göstərir. Bakı-Tbilisi-Ceyhan və TANAP-dan sonra bu, üçüncü tarixi layihəmizdir. Ölkələrimiz bu layihəni birlikdə icra edirlər. Yəni, bütün sahələrdə bizim əməkdaşlığımızın çox gözəl nəticələri var. Bu nəticələr xalqlarımız, ölkələrimiz üçün çox əhəmiyyətlidir və Avrasiya qitəsi üçün də böyük əhəmiyyət daşıyır.

Biz bu gün bu və digər məsələləri müzakirə edəcəyik və Türkiyə ilə Azərbaycanın gələcək birgə fəaliyyəti haqqında danışacağıq. Bir daha xoş gəlmisiniz.

Baş nazir Binəli Yıldırım deyib:

-Xoş gördük və çox təşəkkür edirəm, hörmətli cənab Prezident.
Sizin də ifadə etdiyiniz kimi, Türkiyə və Azərbaycan bir millət, iki dövlətdir. Ölkələrimiz arasındakı münasibətlər gündən-günə daha da inkişaf edir. Həm Türkiyədə, həm də Azərbaycanda qarşılıqlı investisiyalarımız, ticarətimiz artır, turizm sahəsində əməkdaşlığımız inkişaf edir. Biz bununla kifayətlənmirik. Eyni zamanda, region ölkələrinin də inkişaf etməsi üçün Türkiyə və Azərbaycan olaraq birlikdə çalışırıq. Qafqaz regionunda Gürcüstanın, Azərbaycanın və Türkiyənin həyata keçirdiyi layihələr - Bakı-Tbilisi-Qars dəmir yolu, Bakı-Tbilisi-Ceyhan neft, TANAP, Bakı-Tbilisi-Ərzurum təbii qaz layihələri təkcə bizim ölkələri maraqlandıran layihələr deyil, eyni zamanda, Avropanı da maraqlandıran, enerji təhlükəsizliyini təmin edən layihələrdir. Uzaq Şərqdən, Orta Asiyadan Azərbaycan ərazisindən Türkiyəyə və Avropaya daşımaları təmin edəcək tarixi “İpək Yolu” - Bakı-Tbilisi-Qars layihəsi Sizin qətiyyətiniz və təşəbbüsünüzlə, cənab Prezidentimizin də töhfəsi ilə reallaşdı. Vaxtilə bir xəyal olan bu layihə indi bölgəyə xidmət etməyə başlayıb və eyni zamanda, Naxçıvana da ciddi logistik dəstək verir.

Bu gün qardaş və dost Azərbaycanda olmaqdan böyük məmnunluq duyuram. Bizə göstərdiyiniz səmimi münasibətə və qonaqpərvərliyə görə Sizə təşəkkür edirəm.

***

Azərbaycan Respublikasının Prezidenti İlham Əliyev martın 14-də Türkiyə Respublikasının Baş naziri Binəli Yıldırım ilə görüşüb.

"Ölkə.Az"ın xəbərinə görə, Prezident İlham Əliyev Baş nazir Binəli Yıldırımı qarşıladı. Birgə foto çəkdirildi.

Daha sonra Azərbaycan Prezidenti İlham Əliyevin Türkiyənin Baş naziri Binəli Yıldırım ilə görüşü oldu. Görüşdən sonra Prezident İlham Əliyev və Baş nazir Binəli Yıldırım birgə nahar etdilər.
Prezident Belarus Təhlükəsizlik Şurasının rəhbərini qəbul edib — YENİLƏNİB Prezident Belarus Təhlükəsizlik Şurasının rəhbərini qəbul edib — YENİLƏNİB Siyaset "İran-Azərbaycan əlaqələri ən yüksək zirvəyə qalxıb" - İlham Əliyev Siyaset Prezidentimiz məqsədini açıqladı Prezidentimiz məqsədini açıqladı Siyaset Prezident İlham Əliyev Türkiyə Ali Məhkəməsinin sədrini qəbul edib Prezident İlham Əliyev Türkiyə Ali Məhkəməsinin sədrini qəbul edib Siyaset İlham Əliyevin Türkiyə Respublikasının Baş naziri Əhməd Davudoğlu ilə geniş tərkibdə görüşü keçirilib İlham Əliyevin Türkiyə Respublikasının Baş naziri Əhməd Davudoğlu ilə geniş tərkibdə görüşü keçirilib Siyaset
XƏBƏR LENTİ
18:16 | Şirkət “yenidənqurma işləri” adı altında işçilərə kompensasiya ödəməkdən imtina edib - GİLEY 17:41 | Səfər Mehdiyev BDU-nun diplomunu NECƏ ƏLDƏ EDİB? - İLGİNC 17:18 | Masallı təhsilində acınacaqlı durum... - GİLEY 16:48 | Ağdamın icra başçısı narazılıq yaradır... - GİLEY 16:17 | Paşinyan Kremlə meydan oxudu: - “Bizimlə hamı hesablaşacaq!..” 15:46 | Özəl klinikalarda qəsdən vaxtından əvvəl keysəriyyə edirlər ki, günü 350 manatdan küvezə qoysunlar - Perinatal Mərkəzin direktorundan şok açıqlama 15:17 | Abel Məhərrəmovun qardaşının da içki biznesi ortaya çıxdı - Bahalı Avropa pivələri TƏKLİF EDİR — FOTOLAR 15:00 | Əli Əlirzayev: “Vaxtilə nazirlər məni qəbul edirdi, indi mühafizəçi belə görüşmür” 14:45 | AZƏRBAYCANDA KREDİT BORCLARI ONA GÖRƏ SİLİNMİR Kİ… – “Müharibə şəraitindəyik!” 14:15 | Sosial şəbəkədə canlı yayım edərək 16 yaşlı qızı zorladı - Məhkəmədən GÖZLƏNİLMƏZ QƏRAR 14:00 | Bakının mərkəzində NƏHƏNG PARK SALINIR - Bəzi yerləri ikimərtəbəlidir - FOTOLAR 13:46 | Çinli alimlərdən MÜKƏMMƏL TÖVSİYƏ: xəstəlikləri aradan qaldıran ƏN EFFEKTLİ ÜSUL 13:28 | Xalq borc içində, kredit bağışlanması gündəmdə: deputatlardan reaksiyalar 13:13 | Madrid səfərində olan deputatlar Abel Məhərrəmovla bağlı niyə susur? - Video 13:00 | Niyazi Bayramov ölüm işlərində adı çıxmış Əhmədovu gənc kadrın yerinə niyə qoydu? - Müdhiş araşdırma