Eldar Əzizov Bakı Meriyasını çirkabdan təmizləyə biləcəkmi? - Abutalıbov etiraf edirdi ki, boğaza qədər "rüşvət" adlı çirkabın içindədir...
Siyaset / Dunya
Oxunub: 956
3 okt 2018 | 20:17
Eldar Əzizov Bakı Meriyasını çirkabdan təmizləyə biləcəkmi? - Abutalıbov etiraf edirdi ki, boğaza qədər "rüşvət" adlı çirkabın içindədir...















Bakı Şəhər İcra Hakimiyyətində (BŞİH) inventarlaşdırma işlərinin aparılması ilə bağlı komissiya yaradılıb. Bununla bağlı BŞİH başçısı səlahiyyətlərini icra edən Eldar Əzizov sərəncam imzalayıb.

Yoxlamalar icra hakimiyyətinin bütün strukturlarında, o cümlədən Bakı Lift-Təmir İstehsalat Birliyində də tam və hərtərəfli şəkildə aparılacaq.

BŞİH-dən bildirildiyinə görə, “inventarlaşdırma işləri normal hal sayılır və vaxtaşırı olaraq bütün idarə və təşkilatlarda keçirilir”. Lakin indiyədək Bakı meriyası tərəfindən hər hansı inventarlaşdırma ilə bağlı məlumat ictimaiyyətə açıqlanmayıb. Ümumiyyətlə, BŞİH son aylaradək fəaliyyətini tam qapalı saxlayan, bu barədə ictimaiyyətə ən adi informasiyaları belə verməyən dövlət qurumu olub. Bu baxımdan, həyata keçiriləcək inventarlaşmanın sıradan bir proses olmayacağı bəri başdan aydındır.

Nəzərə almaq lazımdır ki, uzun illər boyu BŞİH-in gəlir-çıxarı, həyata keçirdiyi tikinti-yenidənqurma işlərinin dəyəri, 3 milyon nəfərlik əhalisi olan şəhərin təsərrüfatından əldə olunan böyük gəlirlər, dövlət büdcəsindən ayrılan yüz milyonlarla manat vəsaitin hara xərcləndiyi, nə alınıb, nə satıldığından ölkə əhlinin heç bir məlumatı olmayıb. Bakı rəhbərliyinin həyata keçirdiyi çoxmilyonluq alqı-satqıların yalnız rəsmi tender siyahısına düşən hissəsi barədə xəbər tuta bilmişik. Bu tenderlər də əsasən BŞİH-ə tabe olan uşaq bağçaları üçün mərkəzləşmiş qaydada ərzaq alınması üçün keçirilib. Tenderlərin açıqlanan nəticələri hamını heyrətə gətirib: on milyonlarla, hətta yüz milyonlarla manatlıq tenderlərin qalibi 2-3 ay əvvəl yaradılan, adı-sanı heç kəsə bəlli olmayan şirkətlər elan edilib. Elə buna görə də uşaq bağçalarının ərzaq təminatı cəmiyyətin yaralı yeri olub.

Bakı meriyasının gəlirləri çoxistiqamətli və çoxmilyonlu idi: Bakı şəhərində küçə reklamlarından (Reklam Agentliyi yaradılanadək) tutmuş, küçə ticarətinə qədər çoxsaylı mənbələri vardı. Paytaxt ərazisində inşa edilən yüzlərlə göydələnə torpaq ayrılması, tikintiyə icazənin verilməsi işlərinə BŞİH baxırdı. Tikilən hər binadakı mənzillərin 10 faizi bu quruma verilir. Üstəlik, hər il dövlət büdcəsindən bu quruma tikinti-təmir işləri üçün yüz milyonlarla manat ayrılır. Bu qədər gəlirlərin qarşılığında Bakının bir dərdi olmamalıydı...

Amma reallıq budur ki, Bakı şəhərinin təsərrüfatı heç də o gəlirlərə uyğun səviyyədə deyil. Ən adi bir misal. Uzun illərdir Bakıdakı çoxmərtəbəli binaların sakinləri lift problemindən əziyyət çəkirlər. “Yeni Müsavat” olaraq dəfələrlə bu və başqa ərazilərdə liftin işləməməsi üzündən sakinlərin çəkdiyi əziyyətlər barədə material dərc etmişik. Hər dəfəsində də BŞİH-in Lift idarəsindən bildirilib ki, bütün liftləri yeniləməyə qurumun maddi imkanı yoxdur. Halbuki indilərdə məlum olur ki, Bakıda yeni liftlərin alınaraq quraşdırılmasına milyonlar xərclənib. Məlum olduğu kimi, ABŞ-ın “United Technologies Corporation” şirkəti sentyabrın 12-də bu ölkənin Qiymətli Kağızlar Komitəsinə (SEC) 13,4 milyon dollar cərimə ödəməyə razılaşıb.

SEC-in rəsmi saytında yer alan xəbərə görə, buna səbəb şirkətin törəmə müəssisəsi olan “Otis Elevator Co.” lift istehsalı şirkəti tərəfindən Bakı Lift-Təmir İstehsalat Birliyinə (SEC-in sənədlərində bu müəssisənin adı “Liftremont” kimi gedir) rüşvət verilməsidir(virtualaz.org).

SEC bildirir ki, “Otis Elevator Co.” Bakının dövlət balansında olan binalarını liftlə təchiz etmək üçün Bakı Lift-Təmir İstehsalat Birliyinin məmurlarını rüşvətlə ələ alıb. Bununla da ABŞ-ın Xarici Korrupsiyaya qarşı Mübarizə Aktını pozub. “United Technologies Corporation” Azərbaycan məmurlarına rüşvət verdiyini nə təsdiq, nə təkzib edir.

SEC şirkətə qarşı təhqiqatı daxili administrativ sərəncam çərçivəsində aparıb və işin məhkəməyə göndərilməməsi üçün “United Technologies Corporation”a cərimə ödəməyi təklif edib. Şirkət təkliflə razılaşıb və 13,9 milyon dolları dövlətə ödəyib.

SEC bildirir ki, 2012-ci ildə Bakı Şəhər İcra Hakimiyyəti şəhərin ictimai yaşayış binalarının yeni liftlərlə təchiz edilməsinə dair tender elan edib. “Otis Elevator Co.” bu tenderi udmaq üçün Bakı Lift Təmir İstehsalat Birliyinin rəhbərliyinə rüşvət verməyə razılaşıb. Rüşvətin verilməsi və liftlərin alınması üçün kağız üzərində subpodratçı şirkətlər və vasitəçilər üzərindən qurulmuş sxemdən istifadə olunub.

Bu məlumatdan aydın olur ki, BŞİH-in yalnız bir idarəsində bir tender prosesində milyonlarla dollar korrupsiya əməlinə yol verilib. Qurumun Lift Təmir İstehsalat Birliyi kimi və ondan da böyük idarələrinin sayı bəlkə də ondan yuxarıdır. Hər idarədə yalnız bir tender üzrə 14 milyon dollarlıq korrupsiyaya yol verildiyini düşünsək, söhbətin ümumilikdə çox böyük həcmdə mənimsəmələrdən getdiyini görmək olur.

Beləliklə, aydın görmək olur ki, E.Əzizovun başlatdığı inventarlaşdırma sıradan bir proses olmayacaq. Bu inventarlaşdırma BŞİH-in saysız-hesabsız qurumlarında yol verilən çox ciddi pozuntuları, korrupsiya və mənimsəmələri üzə çıxartmaq prosesinin başlanğıcıdır. Onun gedişində çoxsaylı meriya məmurlarının vəzifələrini itirəcəyi, hətta hüquq-mühafizə orqanlarında cavab verəcəyi istisna olunmur.
“Yeni Müsavat”
Bu gün, 11:41
Xronika: Türkiyə İrəvandan Zəngəzura Kalininqrad modelinə bənzər xüsusi statusun verilməsini istəyib
Bu gün, 11:00
Pensiya və müavinətlər artırıla bilər - VİDEO
Bu gün, 10:46
Juninyo Fransa klubunda?
Bu gün, 10:32
Ermənistanda “8 kənd” isterikası – Azərbaycan Ordusu “quldurları təmizləyin” əmri gözləyir
Bu gün, 10:21
Azərbaycan Mərkəzi Asiya ilə Avropanı birləşdirən təbii əlaqədir - Hikmət Hacıyev
Bu gün, 10:14
Nağdsız ödənişdən yayınanlar barəsində tədbir görüləcəkmi? - Ekspertlər danışır...
Bu gün, 10:00
Ermənistanda “dövlət içində dövlət” qurulur: Paşinyan erməni separatçıları hərbi əməliyyatla hədələyir
Bu gün, 09:39
Zelenskidən müttəfiqlərə: Yaxın aylarda Rusiyanın hücumu başlayacaq, kömək edin...
Bu gün, 09:17
“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - VİDEO
Bu gün, 09:11
Təhlükəsizlik orqanlarının 105 illiyi ilə bağlı tədbir keçirildi - Fotolar
Bu gün, 09:00
“Crocus City” dəhşəti və Rusiyadakı erməni lobbisi - VİDEO
Dünən, 16:00
Azərbaycandan çox şey götürdük, verməyəcəyimizi dedik... - NƏ OLDU?
Dünən, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Dünən, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Dünən, 13:16
Yaşayış binalarında da parklanma yerləri BAHALAŞDI - Yeni qiymət
Dünən, 13:00
Şahmar Hüseynov vəzifəsindən azad edildi - YENİ TƏYİNAT
Dünən, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Dünən, 10:53
"Xəzər Lənkəran"la bağlı şad xəbər - Seçimlərə başlandı
Dünən, 10:12
“Yaxın günlərdə daha 73 nəfərin adları ictimaiyyətə açıqlanacaq”
Dünən, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Dünən, 10:02
Dünya "Qarabağ"ın ulduzundan danışır: Nələr dedilər? - VİDEO
Dünən, 10:00
Bahalaşmanın növbəti dalğası gəlir: Evlərin qiyməti yenə artacaq
Dünən, 09:56
Lənkəranda faciə: Ata və oğul öldü (FOTOLAR)
Dünən, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Dünən, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Dünən, 09:41
Finlandiya rus oliqarxların Helsinkidəki idman-konsert kompleksini əllərindən alır
Dünən, 09:39
Xristianlıqla İslamı üz-üzə qoymaq istəyirlər - Kirill