Arif Alışanova qarşı “saxta boşanma” ittihamı
Siyaset
Oxunub: 374
26 yan 2019 | 11:32
Arif Alışanova qarşı “saxta boşanma” ittihamı















Vəkil “bununla məhkəməni aldada bilməyəcək” deyir; Azad İsazadə: “Saxta boşanma sovet dövründə daha geniş yayılmışdı”

AzTV-nin sədri vəzifəsindən azad olunan Arif Alışanovun ailə həyatında da problemlər yaşanmağa başlayıb. Mətbuatda məlumatlar gedib ki, A.Alışanovun xanımı, Hesablama Palatasının auditoru Mehriban Alışanova keçmiş sədrdən boşanıb. Bildirilir ki, bu ayrılıq prosesi Alışanovun işdən çıxarılmasından bir qədər öncə baş tutub.

Mehriban Alışanova hazırda Hesablama Palatasının 5 auditorundan biridir. Onların bu evlilikdən 3 övladı var.

Qeyd edək ki, boşanmaya səbəb kimi maraqlı versiyalar səslənir. Məlumatlardan birində qeyd edilir ki, Arif Alışanovun həyatındakı xanımlar, içki məclislərindəki rəftarı onun ailəsində ciddi narazılıqların yaranmasına səbəb olub.

Keçmiş sədr həmçinin bir müddət əvvəl zərərçəkmiş kimi tanındığı məhkəmə işinə görə gündəmə gəlib və prosesin gedişatında ona qarşı kifayət qədər ciddi ittihamlar səslənmişdi.

Alışanovun keçmiş ortağı və sonradan şikayət edərək həbs etdirdiyi Şücaət Əkbərov Alışanovla bağlı sensasion faktlar açıqlamışdı. Maklerlik fəaliyyəti göstərən Ş.Əkbərov demişdi ki, Arif Alışanov Şamaxıya torpaq almağa gəzdiyi bir qızla gəlirmiş. O, hətta AzTV sədrini 2016-cı ildə həmin qızı öldürməkdə ittiham etmişdi.

Arif Alışanova qarşı “saxta boşanma” ittihamı











Mehriban Alışanova

A.Alışanovun boşanması ilə bağlı xəbərlər yayılan gündən daha çox müzakirə olunan məsələ isə bunun saxta boşanma olmasıdır. Neyçün ki, dünyanın bir çox ölkələrində, eləcə də Azərbaycanda imkanlı şəxslər əmlaklarının müsadirə olunacağı ehtimalı olanda dərhal boşanma variantına əl atırlar. Bu halda əmlak həyat yoldaşının adına keçirilir və bu zaman onları sığortalamış olurlar. Məhkəmə eks-həyat yoldaşının adına keçirilmiş əmlaklara əl qoyulması ilə bağlı qərar verə bilmir.

Vəkildən aydınlaşdırma: “Saxta boşanma ilə məhkəməni aldatmaq olmur”

Amma adının çəkilməsini istəməyən vəkil “Yeni Müsavat”a açıqlamasında bildirdi ki, saxta boşanma bütün hallarda əmlak məsələsinə görə baş verir. Amma müsahibimizin sözlərinə görə, bəzən hökmlərlə hətta müttəhimin qardaşının, əmisi oğlunun adına olan əmlakı da əlindən alırlar. Konkret eks ər-arvad məsələsinə gəlincə, birgə yaşayış dövründə əldə edilmiş əmlak ümumi sayılır. Kimin adına olmasından asılı olmayaraq, əmlak birgə yaşayış dövründə əldə edilibsə, bu, ümumidir: “Bəzi adamlar elə düşünürlər ki, bu addım onları sığortalayır. Amma əslində boşanmaqla məhkəmələri aldatmaq olmur”.

Nikahın məhkəmə qaydasında pozulması ər-arvadın bu barədə ərizə verdikləri gündən 1 aydan tez olmayaraq həyata keçirilir. Belə aydın olur ki, Alışanov başına gələcəklərdən xeyli öncə xəbərdar imiş, hələ səd vəzifəsində olarkən boşanmağa qərar verib.

Arif Alışanova qarşı “saxta boşanma” ittihamı







Azad İsazadə: “Saxta boşanma ilə real boşanmanın fərqini tutmaq mümkün deyil”

Psixoloq Azad İsazadə isə “Yeni Müsavat”a açıqlamasında dedi ki, saxta boşanmaların heç bir psixoloji aspekti yoxdur. Onun sözlərinə görə, cütlüklər bundan hansısa formada xeyir qazanmaq istəyirlər: “Saxta boşanmaqla real boşanmanı fərqini tutmaq mümkün deyil. Bu, onların seçimidir və belə qəbul edirlər. İstəyirlər, nikahda yaşayırlar, istəyirlər boşanıb birgə yaşayırlar. Saxta boşanma və nikahların hüquqi aspektləri daha çoxdur. Saxta nikahlar xaricdə vətəndaşlıq, viza almaq üçün daha çox həyata keçirilir. Bununla bağlı çoxlu sayda Amerika filmləri var. Ekspertlər bunu araşdırıblar. Məhkəmə ekspertizasında ekspertlər olsa bəlkə də bunu müəyyənləşdirə bilərlər”.

A.İsazadə eyni zamanda dedi ki, saxta boşanma daha çox sovet dövründə də var idi. Məsələn, mənzil almaq üçün ailə saxta formada boşanırdı, amma ər-arvad bir yerdə yaşayırdı: “İndi də bu hallar var. 12 min boşanmanın içində 2-4 min bəlkə daha çox saxta ayrılma ola bilər. Belə hallarla da rastlaşmışam ki, real boşanırlar və bir neçə ildən sonra barışıb bir yerdə yaşayırlar. Amma növbəti dəfə nikah bağlamırlar”.

Yunanlar və türklər saxta boşanma lideridir

Saxta boşanma dünya ölkələri arasında daha çox Yunanıstanda və Türkiyədə özünü göstərir. Məsələn, son illər Yunanıstanda boşanma halları 20 faiz artıb. Ölkədəki mühasiblər və vəkillər boşanmalar haqqında danışanda “saxta” və “vergi” ifadələrindən daha çox istifadə edirlər. Bu trendi illər öncə çox sayda uşaqları olan qaraçı cütlüklər başladıb. Onlar vergi ödəmədən dövlətdən böyük miqdarda sosial yardım alırdılar. İndi isə ildə təxminən 30 min avro gəliri olan orta sinif ailələrdə də eyni şeyi görə bilirik. Vergi boşanmaları trendə çevrilib. Yunanıstan qanunlarına görə, boşanmış, ya da boşanma tələbi irəli sürən cütlüklər yenidən sosial yardım tələbi edə bilər və 50 faiz daha az vergi ödəyirlər. Bundan başqa, banklar boşanmış cütlüklərin evlərinə və ya iş yerlərinə hacizə gəlmirlər. Bu şəxslərin elektrik, su və qaz xərclərindən böyük miqdarda endirim əldə etmək haqları da var. Yunanıstanda vergi qanunlarına edilən son dəyişikliklərə görə, aylıq gəlirləri 1000 avrodan çox olan cütlüklər isə sosial yardım müraciəti edə bilmirlər. “Times” nəşri bu səbəbdən ölkədə minlərlə ailənin gedərək artan qaz xərclərini ödəmədiklərini və soyuqda yaşadıqlarını yazıb.

Türkiyədə isə saxta boşanmalar bir səbəbə görə baş verir. Belə ki, insanlar ölmüş ata-analarının maaşlarını, təqaüdlərini almaq üçün saxta boşanma saxtakarlığı edirlər. Amma bunu ölkənin Sosial Güvənlik Komitəsi asanlıqla təsbit edir. Hər boşanan cütlük həssaslıqla araşdırırlır və saxtakarlığa yol verdikləri halda ciddi cəzaya məruz qalırlar.
Bu gün, 16:00
Azərbaycandan çox şey götürdük, verməyəcəyimizi dedik... - NƏ OLDU?
Bu gün, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Bu gün, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Bu gün, 13:16
Yaşayış binalarında da parklanma yerləri BAHALAŞDI - Yeni qiymət
Bu gün, 13:00
Şahmar Hüseynov vəzifəsindən azad edildi - YENİ TƏYİNAT
Bu gün, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Bu gün, 10:53
"Xəzər Lənkəran"la bağlı şad xəbər - Seçimlərə başlandı
Bu gün, 10:12
“Yaxın günlərdə daha 73 nəfərin adları ictimaiyyətə açıqlanacaq”
Bu gün, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Bu gün, 10:02
Dünya "Qarabağ"ın ulduzundan danışır: Nələr dedilər? - VİDEO
Bu gün, 10:00
Bahalaşmanın növbəti dalğası gəlir: Evlərin qiyməti yenə artacaq
Bu gün, 09:56
Lənkəranda faciə: Ata və oğul öldü (FOTOLAR)
Bu gün, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Bu gün, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Bu gün, 09:41
Finlandiya rus oliqarxların Helsinkidəki idman-konsert kompleksini əllərindən alır
Bu gün, 09:39
Xristianlıqla İslamı üz-üzə qoymaq istəyirlər - Kirill
Bu gün, 09:37
Məşhur Azərbaycan filmlərində heyvanlara aktyorlardan çox qonorar verilirmiş
Bu gün, 09:31
Putin: “Rusiya üçün dost olmayan elitalar...”
Bu gün, 09:18
Fransa ordusu Ukraynaya girir - 5 ssenari
Bu gün, 09:00
Solovyov Bakıya şər atmağına “peşman” oldu
Dünən, 16:42
Dördüncü dəfədir ki, bayram tonqalı azad edilmiş Qarabağ torpağında qalanır
Dünən, 16:00
Ermənistan Türkiyənin vilayətinə çevriləcək - Petrosyan
Dünən, 15:30
Ermənistan sərhəddəki kəndi Gürcüstana verir? - “Joğovurd”
Dünən, 14:27
Xocalı şəhərində Şəhidlər xiyabanı salınır
Dünən, 14:22
Zaxarova və Peskov Ermənistana hansı mesajı göndəriblər -ŞƏRH
Dünən, 14:00
"Peysər", "qaşqaldaq" sözlərinə o mənfi mənaları kim yükləyib? - Alimdən etiraz
Dünən, 13:18
Xocalıya ilk köçün tarixi açıqlanıb