2-03-2019, 12:55 Oxunub: 788

“Prezident dedi ki, heç kim sizə qadağa qoya bilməz” – Tahir İmanov

“Prezident dedi ki, heç kim sizə qadağa qoya bilməz” – Tahir İmanov















Azərbaycan Respublikasının Prezidenti İlham Əliyev və birinci xanım Mehriban Əliyeva martın 1-də mədəniyyət və incəsənət xadimlərinin bir qrupu ilə görüşüblər.

Azərbaycanın əməkdar artisti, aktyor, “Parni iz Baku” KVN komandasının keçmiş üzvü, “Planet Parni iz Baku” KVN teatrının bədii rəhbəri, rejissor Tahir İmanov görüşlə bağlı təəssüratlarını bölüşüb:

“Bu görüş prezidentin mədəniyyətimizə, incəsənətimizə qayğısı nəticəsində baş tutdu. Prezident bizim bütün təkliflərimizi dinlədi, mədəniyyət və incəsənət xadimlərinin istəkləri ilə yaxından tanış oldu. Biz də öz gələcək planlarımız haqqında danışdıq. Teatrımızın 4 illik problemi olan özəl telekanallarda qadağa siyahısına salınmaq məsələmizi dilə gətirdik. Cənab prezident bizə bu məsələdə dəstək verdi. Dedi ki, dövlət səviyyəsində heç kim bizə qadağa qoya bilməz, məsələ müsbətə doğru həll olunacaq. Bu onu sübut edir ki, prezident daim biz incəsənət xadimlərinə qayğı göstərib, göstərir və göstərəcək. Bu cür görüşlər mütəmadi olaraq keçiriləcək. Əsas odur ki, özəl telekanalların bizim sənətimizə göstərdiyi münasibət dəyişəcək. Bizim ümidimiz yalnız cənab prezidentədir. Xırda məsələdən tutmuş ən böyük problemlərə qədər prezident həll edir.

Mənim babam Süleyman Ələsgərovun bu yaxınlarda 95 illiyi keçirilib. Biz nə qədər ailəmizin adından məktublar yazdıq ki, Bakı küçələrinin birinə babamın adı verilsin. Yəqin ki, məktublar çatmayıb. Prezidentlə görüşdə babamın adının küçəyə verilməsi məsələsini də qaldırdım. Görüşdən çıxan kimi Bakı Şəhər İcra Hakimiyyətinin başçısı Eldar bəy Əzimov ölkə prezidentinin tapşırığı ilə mənimlə əlaqə saxladı, görüşə dəvət etdi. Heç bir ölkədə heç bir məsələ bu cür tez həll olunmur. Digər sənətçilərin təklif və şikayətləri prezident tərəfindən yazılırdı və bir-bir müzakirə olunurdu. Bizim problemlərimiz çox idi. İnanmırdıq ki, belə bir görüş olacaq və problemlər həllini tapacaq. Bu görüş oldu, prezident və mədəniyyət işçilərinin vəhdəti Azərbaycan xalqına göstərildi. Bir daha bəyan edirəm ki, biz daim ölkə prezidentinin yanındayıq, onun siyasi kursunu dəstəkləyirik”.
İlham Əliyev və xanımı mədəniyyət xadimləri ilə görüşdü İlham Əliyev və xanımı mədəniyyət xadimləri ilə görüşdü Medeniyyet "İlham Əliyevin sayəsində Bakı mədəniyyətlər, sivilizasiyalar və dinlər arasında dialoqun mərkəzinə çevrilib" — Ömər Eldarov Siyaset Mədət Quliyev Cabir İmanova yüksək vəzifə verdi Mədət Quliyev Cabir İmanova yüksək vəzifə verdi Sosial “Telekanallar bir ermənilərə, bir də bizə qadağa qoyub” - Tahir İmanov “Telekanallar bir ermənilərə, bir də bizə qadağa qoyub” - Tahir İmanov Medeniyyet “Planet Parni iz Baku”: Bizə ömürlük qadağa qoyulsa da, dövlətə və dövlətçiliyə sadiq qalacağıq – VİDEO “Planet Parni iz Baku”: Bizə ömürlük qadağa qoyulsa da, dövlətə və dövlətçiliyə sadiq qalacağıq – VİDEO Medeniyyet / Video