3-04-2019, 10:01 Oxunub: 269

Sarkisyan aprel döyüşləri barədə: “Xəstələrlə işim yoxdur”

Sarkisyan aprel döyüşləri barədə: “Xəstələrlə işim yoxdur”















Ermənistanın sabiq prezidenti, hazırkı baş nazir Nikol Paşinyanın 2018-ci ilin aprelində başlatdığı “məxməri inqilab” nəticəsində istefa verməyə məcbur edilən Serj Sarkisyan aprel döyüşlərində ölən erməni hərbçilərin xatirəsini yad etmək üçün “Erablur” hərbi panteonuna gələrkən jurnalistlərin sual yağışına düşüb və çoxsaylı iradlarla üzləşib.

Azvision.az erməni KİV-nə istinadən xəbər verir ki, jurnalistlərin mühasirəyə aldığı Sarkisyan onların suallarını cavablandırmaqdan imtina edib və sakitcə erməni əsgərlərin məzarları önündən keçərək güllər qoyub.

Lakin KİV nümayəndələrindən birinin aprel döyüşləri ilə bağlı onun ünvanına səsləndirdiyi tənqidi və alçaldıcı suala reaksiya verməyə məcbur olub.

Jurnalistlərdən biri “Aprel döyüşləri ilə bağlı əvvəlcədən razılıq əldə olunması barədə fikirlər səslənir” deyərək replika atıb və Sarkisyan buna “Mənim xəstə insanlarla heç bir işim yoxdur” cavabını verərək, bu cür düşünənlərin xəstə təfəkkür sahibi olduğunu deyib.

“Bəs siz nə zaman danışacaqsınız?” sualına isə Sarkisyan “vaxtı gələndə” deyərək avtomobilinə əyləşib və jurnalistlərdən uzaqlaşıb.

Ermənistanın müxalif Respublikaçılar partiyasının sədr müavini Armen Aşotyan isə sensasiyalı bəyanatla çıxış edərək bildirib ki, Serj Sarkisyanın anonsunu etdiyi gözlənilən çıxışın vaxtı olduqca yaxındır: “Prezident Serj Sarkisyanın sözlərinə tələb və onu gözləyənlər var. Bir siyasi lider kimi onun deyəcək çox sözü var”.
Sarkisyan Ermənistandan qaçıb? Sarkisyan Ermənistandan qaçıb? Dunya Serj Sarkisyan istefa verdi — Ermənilərə son müraciəti Serj Sarkisyan istefa verdi — Ermənilərə son müraciəti Dunya Sarkisyan Ermənistanın baş naziri oldu Sarkisyan Ermənistanın baş naziri oldu Dunya Bir Sarkisyan getdi, o biri gəldi - Ermənistan yeni prezidenti seçdi Bir Sarkisyan getdi, o biri gəldi - Ermənistan yeni prezidenti seçdi Siyaset İlham Əliyev: Sarkisyan Ginnesin Rekordlar kitabına düşəcək İlham Əliyev: Sarkisyan Ginnesin Rekordlar kitabına düşəcək Siyaset