İngiltərənin “Arsenal” futbol komandasında milliyətcə erməni olan Henrix Mxitaryanın UEFA-nın Bakıda keçiriləcək final oyununda iştirak edə bilməməsi ətrafında sağlam məntiqə sığmayan mənasız hərəkətlərin arxasında ancaq və ancaq erməni lobbisinin Azərbaycanın inkişafını , əldə etdiyi uğurları gözü götürməməsi dayanır.
Bunu açıqlamasında deputat Aydın Hüseynov deyib.

Onun sözlərinə görə, bu qüvvələr Azərbaycanın əldə etdiyi inkişafa və uğrulara qısqanclıqla yanaşırlar.

“Bu qüvvələr yaxşı anlayırlar ki, Azərbaycanın artıq belə mötəbər oyunları yüksək səviyyədə təşkil edib keçirmək təcrübəsi var. Bundan öncəki kimi bu oyun da yüksək səviyyədə keçəcək, Azərbaycan özünün inkişafını, əldə etdiyi uğurları nümaiyş etdirəcək. Ona görə də həmin erməni lobbisi və ölkəmizi sevməyən qüvvələr əvvəlcə ölkəmizdə sabitliyin olmadığı ortaya atdılar, gördülər ki, alınmır. İndi də Mxitaryan faktorundan istifadə edərək ölkəmizə qarşı istifadə etməyə çalışırlar. Ancaq bu qüvvələr istəklərinə nail ola bilməyəcəklər. Azərbaycanın uğurlarına, inkişafına kölgə sala bilməyəcəklər”, - deputat bildirib.
O, əlavə edib ki, artıq dünyanın tanınmış futbolçuları azarkeşlərini maraqlı oyunu izləmək üçün Bakıya dəvət edir və oyunun yüksək səviyyədə keçirilməsi üçün bütün işlərin görüldüyünü qeyd edirlər.

“Elə “Arsenal” futbol komandasının digər bir oyunçusu türkəslilli Məsut Özil şəxsi İntagram hesabında Avropa Liqasının Bakıda keçiriləcək final oyunu ilə bağlı paylaşım edib. O, müxtəlif illərdə Bakıda çəkdirdiyi fotolardan ibarət kollaj yerləşdirərək azarkeşləri yarışı izləməyə dəvət edib. O, eyni zamanda bi fikir yazıb: “Azərbaycanlı qardaşlarım, Bakıda görüşənədək!”. Bu bir daha sübut edir ki, artıq bizə qarşı oyun quranlar özləri qazdıqları quyuya düşürlər. Bu təbliğat əks effekt verməyə başlayır”,- deyə, İ. Məmmədov bildirib.