25-05-2019, 15:19 Oxunub: 335

KTN –də “parçala və hökm sür” siyasəti – nazirə olan inamı kimlər sarsıdır?

KTN –də “parçala və hökm sür” siyasəti – nazirə olan inamı kimlər sarsıdır?














Əvvəlcə onu qeyd edək ki, saytımızda (realmedia.az -red.) 40 nəfərdən artıq vətəndaşların şikayətləri, göndərdikləri video və audio-materiallar və saytın əməkdaşlarının apardıqları araşdırmalar əsasında “Azəraqrar Dövlət İstehsalat və Emal Birliyi” MMC-nin rəhbəri Anar Hüseynov, MMC-nin – Beyləqandakı Aran Regional İdarəsinin rəisi Hikmət Ağayev və digər struktur vahidləri rəhbərləri barəsində tənqidi yazılar geniş rezonansa səbəb oldu. Çox keçmədən Hikmət Ağayevin vəzifədən kənarlaşdırılması xəbəri yayıldı və bunu zəhmətkeşlər kənd təsərrüfatı nazirinin onların problemlərinin həlli istiqamətində atdığı addım kimi dəyərləndirərək, saytımızın tribunasından cənab nazirə təşəkkürnamə ünvanladılar.

Anar Hüseynov isə ünvanına səslənən ittihamların ictimailəşməsindən sonra bu mövzuda qələmə aldığımız bütün məqalələrdə qarşı tərəfə mövqeyini bildirməsi təklif olunsa da, tənqiddən nəticə çıxarmaq əvəzinə alternativ mövqe seçdi – yazıları saytdan çıxarmağa nail olmaq üçün Mətbuat Şurasına və başqa adını çəkmək istəmədiyimiz nüfuzlu qurumlara üz tutdu, bizə gah xahiş-minnət, gah da hədələyici ismarıclar göndərdi. Bizim isə mövqeyimiz aydın idi, soruşanlara cavabımızı da verdik: “Halal zəhməti ilə dolanan, torpağı satmaq üçün deyil, əkmək üçün tələb edən, özünə haram qazanc yeri deyil, zəhmət meydanı axtaran 40 nəfər şəxs yalan danışa bilməz! Zənnimiz bizi aldadacaqsa da belə, biz 41-ci şəxs kimi digərləri ilə birgə məsuliyyət daşımağa, məhkəmə qarşısına çıxmağa hazırıq”.



Amma nə yazıq ki, çox keçmədən Hikmət Ağayevin öz vəzifəsinə müəmmalı dönüşü xəbəri ondan şikayət edənləri məyus etdi. “Bu necə siyasətdir” sualına cavab tapa bilməyən zəhmətkeşlərin cənab İnam Kərimova olan inamları da laxladı.

Əldə etdiyimiz ilginc məlumatlardan biri də odur ki, Beyləqan rayon Məşğulluq Mərkəzinin müdiri İlham Quliyev də Anar Hüseynova dəstək vermək üçün başını başlara qoşub. Onların yaxın dost və olduqları bildirilir. Elə buna görə də məşğulluq müdiri şikayətçiləri bir-bir çağıraraq onları öz kabinetindən qurduğu telefon əlaqəsi ilə Anar Hüsynovla danışdırır, ikinci də öz növbəsində həmin şəxslərə vəd verir ki, bu məsələdən geri çəkilsinlər, əvəzində özlərini və ailə üzvlərini işlə təmin edəcək. Bir sözlə, “parçala və hökm sür” siyasəti yürüdülür.

Mövzuya qayıdacağıq.

Yazıda adları çəkilən şəxslərin mövqeyini dinləməyə və dərc etməyə hazırıq.
RealMedia.az
Azərbaycanın aqrar sektoru FETO caynağında? - Aqro-tərəqqi ümidləri korrupsiya bataqlığında Azərbaycanın aqrar sektoru FETO caynağında? - Aqro-tərəqqi ümidləri korrupsiya bataqlığında Iqtisadiyyat Elnur Aslanovun KTN –dəki İdarə rəisi bu dəfə də Şəkidə aranı qarşıdırdı – NARAZILIQ Elnur Aslanovun KTN –dəki İdarə rəisi bu dəfə də Şəkidə aranı qarşıdırdı – NARAZILIQ Bolge Elnur Aslanovun KTN –dəki İdarə rəisi bu dəfə də Şəkidə aranı qarşıdırdı – NARAZILIQ Elnur Aslanovun KTN –dəki İdarə rəisi bu dəfə də Şəkidə aranı qarşıdırdı – NARAZILIQ Gundem Radikal müxalifətin güc mərkəzi Beyləqanda - Əli Kərimlinin qohumu aqrar rayonda narazılıq yaradır Radikal müxalifətin güc mərkəzi Beyləqanda - Əli Kərimlinin qohumu aqrar rayonda narazılıq yaradır --- Redikal müxalifətin güc mərkəzi Beyləqanda - Əli Kərimlinin qohumu aqrar rayonda narazılıq yaradır Redikal müxalifətin güc mərkəzi Beyləqanda - Əli Kərimlinin qohumu aqrar rayonda narazılıq yaradır ---