25-05-2019, 19:30 Oxunub: 302

"Akim Bədəlov hər şeyi bacarır və heç kimi də saymır" - Şəhid akademikin qızından Prezidentə müraciət

"Akim Bədəlov hər şeyi bacarır və heç kimi də saymır" - Şəhid akademikin qızından Prezidentə müraciət













2019-cu il ölkə əhalisinin taleyində doğrudan da sosial islahatlar ili kimi qalacaq və illər sonra da prezident İlham Əliyevin məmləkət insanının güzəranının yaxşılaşması istiqamətində atdığı çeşidli addımlar məmnunluqla xatırlanacaq. Eyni zamanda ölkənin tanınmış ziyalılarının, dövlət xadimlərinin, peşə və sənət adamlarının təltif edilməsi, mükafat, prezident təqaüdü və mənzillərlə təmin edilməsi baxımından da 2019-ci ilin müstəqillik tariximizin ən yaddaqalan ili kimi tarixə düşəcəyi şəksizdir.

Üstəlik, ölkənin ali rəhbərliyinin istər media və sosial şəbəkələrdə ictimailəşdirilən, istərsə də əhali ilə görüşlərdə dilə gətirilən problemlərin də qısa zamanda həllini tapmasa vətəndaşların dövlətə, onun rəhbərliyinə inamını xeyli artırıb.

Bu baxımdan Moderator.az 1991-ci il noyabrın 20-də Qarakənd faciəsində həlak olan Kosmik Tədqiqatlar Elm İstehsalat Birliyinin mərhum rəhbəri, sabiq Dövlət Katibi Tofiq İsmayılovun ailə üzvlərinin bir neçə il öncə mətbuatda dilə gətirilən mənzil problemlərinin həllini tapıb-tapmaması və son dövrlər cəmiyyətdə yaranmış nikbin ovqatın təsiri altında ölkə rəhbərliyinə yenidən müraciət edib-etməmələri ilə maraqlanıb.

Hələ 2015-ci ildə ölkə başçısına müraciət edən T.İsmaylovun qızı Səbinə İsmayılova bu dəfə Moderator.az-a açıqlamasında hələ də evlə təmin olunmadıqlarını bildirib:

“Müraciətlərimizin heç bir nəticəsi olmadı, çünki yazılanlar ölkə başçısına çatmır. Allahdan istəyim odur ki, bu məsələni prezident İlham Əliyevlə, Birinci Vitse-prezident Mehriban xanım Əliyeva bilsin. Heç şübhəm yoxdur ki, onlar Vətən yolunda Şəhid olan Tofiq İsmayılovun ailəsinin üzləşdikləri problemləri, sıxıntıları bilsəydilər, biganə qalmazdılar. Amma müraciətlərimiz onlara çatdırılmır. Artıq yorulmuşam, insan nə qədər onu-bunun evində yaşayar? Tofiq müəllimin həyat yoldaşı Lalə xanım 72 yaşında kirayədə yaşayır. Bu düzgündürmü?”.

Səbinə İsmayılova mərhum atasına məxsus olsa da sonradan əllərindən çıxan “Xəzər” Gənclərin Elmi Texniki Yaradıcılıq Mərkəzi ətrafında vaxtilə yaranan qalmaqala da aydınlıq gətirib:

“Akim Bədəlov hər şeyi bacarır və heç kimi də saymır. Yanvarın 14-də ölkə başçısı tərəfindən Alternativ və Bərpa Olunan Enerji Mənbələri üzrə Dövlət Agentliyi ləğv edildi və Akim Bədəlov da işdən azad edildi. Ölkə başçısına yenidən müraciət etmək fikirim var, amma bilmirəm necə edim, çünki müraciətlərim ölkə başçısına çatmır. Çalışırlar ki, bunun qarşısını alsınlar. Mənə prezidentdən başqa heç kim kömək edə bilməz, çünki Akim Bədəlovun ətrafı, qohumları, bacıları, bacılarının uşaqları hamısı vəzifədədir. İmkan onlarda olduğu üçün Tofiq müəllimin ailəsini əllərdə qoyublar. Hər yerdə də özlərinə adam tapıb mənə problem yaradırlar”.

S.İsmayılova bəzi saytların onun müraciətindən sui-istifadə etdiyini də vurğulayıb:

“Müraciətlərimə fasilə verməyimin səbəbi var. Gördüm ki, hamı sizin sayt kimi dürüst deyil, siz nə var onu olduğu kimi yazıb işıqlandırdınız. Amma jurnalistlər var ki, yazını sayta qoyduqdan iki saat sonra onu götürüb məni satırlar. Ona görə mənə təsir edən o oldu ki, bunlar məndən istifadə edib Akim Bədəlovdan pul alıb saytdan yazı çıxarırlar. T.İsmayılovun övladı olaraq mənim də öz prinsipim var. Sözsüz ki, Tofiq müəllim sağ olsaydı, bunlar olmazdı. Bizi atasız, arxasız görüb başımıza bu oyunu açırlar. Amma sizdən xahiş edirəm ki, mənim müraciətimi yenidən işıqlandırın”.
“Son 15 ildə Azərbaycan qədər inkişaf edən ikinci ölkə olmayıb” – Prezident İlham Əliyev “Son 15 ildə Azərbaycan qədər inkişaf edən ikinci ölkə olmayıb” – Prezident İlham Əliyev Siyaset “Uşaqların müavinət məsələsinə yenidən baxılsın!” – Prezident tapşırıq verdi “Uşaqların müavinət məsələsinə yenidən baxılsın!” – Prezident tapşırıq verdi Siyaset İlham Əliyev məmur bürokratiyasının axırına çıxır: islahat paketinin pərdəarxası... İlham Əliyev məmur bürokratiyasının axırına çıxır: islahat paketinin pərdəarxası... Siyaset / Dunya "Çox istərdik ki, Prezidentlə görüşlərdə mərhum sənətkarların ailələri də iştirak etsinlər" — Rəhimə Nuriyeva Medeniyyet İlham Əliyev: “Sosial müavinətlər çox əhəmiyyətli dərəcədə artırılacaq” İlham Əliyev: “Sosial müavinətlər çox əhəmiyyətli dərəcədə artırılacaq” Sosial