Qarabağda ATƏT vasitəçiliyi iflas olub - GƏLİŞMƏ
Siyaset
Oxunub: 435
2 iy 2019 | 18:23
Qarabağda ATƏT vasitəçiliyi iflas olub - GƏLİŞMƏ













2019-cu ilin birinci yarısı arxada qaldı. Təəssüf ki, Dağlıq Qarabağ konflikti ilə bağlı bu ilə bəslənilən kövrək ümidlər ilin ilk 6 ayında özünü doğrultmadı. İşğalçı Ermənistanda hakimiyyət dəyişikliyindən dolayı pozitiv gözləntilər puç oldu. Nə iki ölkənin rəhbərləri, nə də XİN başçıları arasında reallaşan görüşlər nizamlama prosesinə dinamizm gətirə bilmədi. Düşmən ölkənin yeni rəhbərliyi nəinki özündən əvvəlki xunta rejiminin destruktiv siyasətindən imtina etmədi, əksinə, bu siyasəti daha qaba, daha aqressiv və absurd məcrada davam etdirmək kursu götürdü.

Rəsmi İrəvanın bu mövqeyi təbii ki, sülh anlaşmasını deyil, müharibəni yaxınlaşdırmaqdadır. Ermənistanda “məxməri inqilab”dan keçən bir ildən çox müddətdə Nikol Paşinyan iqtidarı münaqişə tərəfləri arasında minimum etimad atmosferi yaratmaq üçün Bakının əsir və girovları “Hamını hamıya” prinsipi üzrə, qeyd-şərtsiz qaytarılması təklifini də qulaqardı etdi. Bu azmış kimi, Ermənistanın müdafiə nazir David Tonoyan Azərbaycanı yeni ərazi işğalı ilə hədələdi.

*****

Azərbaycan sözsüz ki, yaranmış situasiyanın, işğalçı tərəfin hərbi-siyasi rəhbərlərinin verdikləri bu və başqa təxribatçı bəyanatların, habelə davam edən destruktiv mövqeyinin fərqindədir. Bakıda yaxşı anlayırlar ki, bu minvalla işğal rejiminin sonu gəlməyəcək və sonu yaxınlaşdırmaq üçün müstəsna olaraq Azərbaycan ordusunun hərəkətə keçməsi lazım gələcək. Bu, uğurlu lokal əməliyyat şəklində də ola bilər, daha geniş hərbi kampaniya şəklində də.

Şübhə yox ki, Ermənistan rəhbərliyinin davranışları, onun sülh prosesini bir az da dalana soxan mövqeyi, Dağlıq Qarabağdakı separatçı rejimi danışıqlara qoşmaq üçün irəli sürdüyü absurd şərti həmin günü yaxınlaşdırır. O günə kimi isə Azərbaycan şübhə yox ki, öz hərbi arsenalını və ordusunun döyüş qabiliyyətini artırmağa davam edəcək. Söhbət həm də dost və tərəfdaş əlaqələrində olduğumuz ölkələrdən ən müasir döyüş maşınları və sistemlərinin alınmasından gedir.

Yeri gəlmişkən, bu arada məlum olub ki, Rusiya Azərbaycana istənilən növ döyüş təyyarələri satmağa hazırdır. Azeridefence.com nəşri xəbər verir ki, bu barədə Rusiyada təşkil edilmiş “Army-2019" Beynəlxalq Hərbi-Texniki Forumda təmsil olunan Rusiyanın Birləşmiş Aviatikinti Korporasiyasından məlumat verilib.

Təşkilat rəsmilərinin sözlərinə görə, forum çərçivəsində Azərbaycanın Müdafiə Nazirliyinin heyəti ilə görüşlər keçirilib, təqdimatlar edilib: “Biz indiyə kimi keçirilən görüşlərdə və bu gün mövcud layihələrimiz barədə Azərbaycan tərəfini məlumatlandırdıq”.

Korporasiya nümayəndələri bildiriblər ki, ötən illərdə Azərbaycana “Su-30SM” və “MiQ-35" təyyarələri təklif olunsa da, Azərbaycan tərəfi seçim etməyib. ”Army-2019" Forumunda Azərbaycana təklif olunan yenilənmiş “İl-76MD-90A” hərbi nəqliyyat, “Su-34" və ”Su-35" döyüş təyyarələrinin Müdafiə Nazirliyinin heyəti üçün təqdimatı keçirilib. Rusiya tərəfi adıçəkilən təyyarələrin Azərbaycana ixracı üçün danışıqlara hazır olduğunu bəyan edib.

*****

Azərbaycan özünün hərbi arsenalını gücləndirmək üçün sözsüz ki, qardaş Türkiyə, İsrail, Pakistan, Belarus kimi dövlətlərlə də sıx əməkdaşlıq içindədir. Bundan əlavə, Bakının özünün hərbi-sənaye kompleksinin inkişafına mühüm diqqət yetirilir. Adıçəkilən ölkələrlə ölkəmizdə müştərək hərbi müəssisələrin yaradılması yönündə işlər uğurla davam edir.

Əlbəttə ki, qeyd edilənlər Azərbaycanın üstün iqtisadi-maliyyə potensialının aşkar göstəriciləri olmaqla yanaşı, işğalçı Ermənistana müharibə variantında onu nələrin gözlədiyi barədə xəbərdarlıqdır. Eyni zamanda Dağlıq Qarabağ probleminin dinc həlli üçün görəvləndirilmiş, lakin 26 ildə heç bir nəticəyə malik olmamış ATƏT-in Minsk Qrupu həmsədrlərinə tələsmək üçün bir mesajdır.

Fakt budur ki, vasitəçilər 2019-cu ilin birinci yarısında da sülh prosesini irəli aparmaq üçün yadda qalan fəaliyyətdə bulunmadılar. Onların əsas qayğısı nəyin bahasına olur-olsun, atəşkəs rejimini qoruyub saxlamaqdan ibarət oldu. Əslində illərdir nizamlama prosesinin dalanda qalmasının baş səbəbi elə ATƏT vasitəçiliyinin iflasıdır. Bunun da kökündə təbii ki, həmsədrlərin işğalçı Ermənistanla ərazisinin 20%-i on illərdir işğal altında olan Azərbaycana eyni gözlə baxması, onların arasında bərabərlik qoyması, hətta bəzən təcavüzkarın nazı ilə oynaması dayanır. Halbuki BMT Təhlükəsizlik Şurasının Dağlıq Qarabağa dair məlum 4 qətnaməsi, AŞ PA-nın, Avropa Parlamentinin, NATO Parlament Assambleyasının, İslam Əməkdaşlıq Təşkilatının, Qoşulmamaq Hərəkatının qəbul elədiyi qərar və qətnamələr bu bərabərliyi və qayğını yerli-dibli istisna edir.

Aydın məsələdir ki, özünü qərəzsiz aparmalı olan vasitəçilərin belə qərəzli, ədalətsiz və ikili yanaşması davam etdikcə, sülh anlaşmasından danışmaq mümkün olmayacaq. Deməli, müharibə təhlükəsi də daim aktual qalacaq. Başqa sözlə, münaqişə bölgəsində yeni və dağıdıcı müharibənin səbəbkarı Ermənistanla yanaşı, vasitəçi dövlətlər də olacaq.

Vəziyyəti həssas və daha təhlükəli edən faktorlardan biri də digər münaqişəli bölgələrdən fərqli olaraq, Dağlıq Qarabağ konflikti zonasında qarşı duran tərəflər arasında beynəlxalq ayrıcı qüvvələrin olmamasıdır. Bu da problemin həllini surətləndirməyi zəruri edən əlavə və çox mühüm özəllikdir. Hələ ki atəşkəs pis-yaxşı qorunur. Ancaq on illərdir sülhə gətirməyən atəşkəsin müharibə ilə yekunlaşa biləcəyi də gərək yaddan çıxarılmasın. Xüsusən də atəşkəs üzərində əsən Minsk Qrupunun həmsədr dövlətləri tərəfindən... \\musavat.com\\
Bu gün, 16:00
Azərbaycandan çox şey götürdük, verməyəcəyimizi dedik... - NƏ OLDU?
Bu gün, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Bu gün, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Bu gün, 13:16
Yaşayış binalarında da parklanma yerləri BAHALAŞDI - Yeni qiymət
Bu gün, 13:00
Şahmar Hüseynov vəzifəsindən azad edildi - YENİ TƏYİNAT
Bu gün, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Bu gün, 10:53
"Xəzər Lənkəran"la bağlı şad xəbər - Seçimlərə başlandı
Bu gün, 10:12
“Yaxın günlərdə daha 73 nəfərin adları ictimaiyyətə açıqlanacaq”
Bu gün, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Bu gün, 10:02
Dünya "Qarabağ"ın ulduzundan danışır: Nələr dedilər? - VİDEO
Bu gün, 10:00
Bahalaşmanın növbəti dalğası gəlir: Evlərin qiyməti yenə artacaq
Bu gün, 09:56
Lənkəranda faciə: Ata və oğul öldü (FOTOLAR)
Bu gün, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Bu gün, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Bu gün, 09:41
Finlandiya rus oliqarxların Helsinkidəki idman-konsert kompleksini əllərindən alır
Bu gün, 09:39
Xristianlıqla İslamı üz-üzə qoymaq istəyirlər - Kirill
Bu gün, 09:37
Məşhur Azərbaycan filmlərində heyvanlara aktyorlardan çox qonorar verilirmiş
Bu gün, 09:31
Putin: “Rusiya üçün dost olmayan elitalar...”
Bu gün, 09:18
Fransa ordusu Ukraynaya girir - 5 ssenari
Bu gün, 09:00
Solovyov Bakıya şər atmağına “peşman” oldu
Dünən, 16:42
Dördüncü dəfədir ki, bayram tonqalı azad edilmiş Qarabağ torpağında qalanır
Dünən, 16:00
Ermənistan Türkiyənin vilayətinə çevriləcək - Petrosyan
Dünən, 15:30
Ermənistan sərhəddəki kəndi Gürcüstana verir? - “Joğovurd”
Dünən, 14:27
Xocalı şəhərində Şəhidlər xiyabanı salınır
Dünən, 14:22
Zaxarova və Peskov Ermənistana hansı mesajı göndəriblər -ŞƏRH
Dünən, 14:00
"Peysər", "qaşqaldaq" sözlərinə o mənfi mənaları kim yükləyib? - Alimdən etiraz
Dünən, 13:18
Xocalıya ilk köçün tarixi açıqlanıb