13-07-2019, 19:19 Oxunub: 251

Araz Əzimov niyə görünmür? - Adı nazir postuna əsas namizəd kimi hallanırdı...

Araz Əzimov niyə görünmür? - Adı nazir postuna əsas namizəd kimi hallanırdı...













Azərbaycan xarici işlər nazirinin müavini Araz Əzimov əvvəllər xarici siyasət məsələləri ilə bağlı mətbuata ən çox müsahibə və açıqlama verən yüksək çinli məmurlardan idi. Ancaq bir neçə gün öncə 2-ci dərəcəli “Vətənə xidmətə görə” ordeni ilə təltif olunmuş nazir müavinini nədənsə son vaxtlar media nümayəndələri az-az görürlər. Sanki “kölgə”yə çəkilmiş A.Əzimovun jurnalistlərlə təması azaltmasının səbəbi məlum deyil.

Modern.az-ın məlumatına görə, bu günlərdə - bir ay öncə Araz Əzimovun həm doğum günü (13 iyun) olub, həm də nazir müavini təyin olunmasının (25 iyun) 25 illiyi.

Araz Böyükağa oğlu Əzimov 1962-ci il iyunun 13-də Bakı şəhərində anadan olub. 1984-cü ildə Azərbaycan Dövlət Universitetinin Şərqşünaslıq fakültəsinin fars dili və ədəbiyyatı bölməsini bitirib.

1984-1989-cu illərdə Azərbaycan Dövlət Teleradio Şirkətində fəaliyyət göstərib. Çoxları yəqin ki, A.Əzimovun o vaxtlar Azərbaycan Dövlət Radiosunun Xarici yayım bölümündə fars dili üzrə diktor işlədiyindən xəbərsizdir. Həmin illər çərçivəsində o, Əfqanıstanda tərcüməçi də işləyib.

1989-1990-cı illərdə Xarici İşlər Nazirliyinin İnformasiya şöbəsində 2-ci katib, 1990-1991-də 1-ci katib, 1991-1992-də müdir müavini işləyib.
1992-1994-də Xarici İşlər Nazirliyi Beynəlxalq təşkilatlar idarəsinin rəisi olub. 1994-cü il iyunun 25-fən indiyə kimi xarici işlər nazirinin müavini pustunu tutur.

Azərbaycan, ingilis, fars, rus və türk dillərini bilən 57 yaşlı nazir müavini evlidir, iki oğlu var.

Media əvvəllər mütəmadi olaraq Araz Əzimovun Qarabağ məsələsi ilə bağlı açıqlamalarını dərc edir, ondan tez-tez açıqlamalar alırdı. Qarabağ danışıqlarında prinsipial mövqeyi ilə tanınan A.Əzimov hətta nazirdən fərqli olaraq, daha sərt bəyanatlarla çıxış edirdi.
A.Əzimov illərdir ki, Qarabağ danışıqlarında “görünməz” fiqurdur və məlumatlara görə müzakirə olunan bütün sənədlər onun birbaşa iştirakı ilə hazırlanır.
Hətta bir ara onun Elmar Məmmədyarovdan sonra xarici işlər naziri postuna ən real namizəd olduğu söylənilirdi...

DİA.AZ-a daxil olan məlumatlarda isə bildirilir ki, Araz Əzimovun bir müddət əvvəl Nazirlər Kabinetindən yenidən XİN-ə transfer olunan Xələf Xələfovla münasibətləri gərgindir və bu görünməzlikdə sözügedən faktor rol oynaya bilər.
Onu Çovdarov incitmişdi... - İndi özü dələduzluqda ittiham olunur... Onu Çovdarov incitmişdi... - İndi özü dələduzluqda ittiham olunur... Kriminal Ramiz Həsənov nazir müavini oldu – Təyinat Ramiz Həsənov nazir müavini oldu – Təyinat Sosial Hüseyn Bağırovu əvəz edən nazir kimdir? — DOSYE Hüseyn Bağırovu əvəz edən nazir kimdir? — DOSYE Sosial Baş nazir Novruz Məmmədov kimdir? — DOSYE Baş nazir Novruz Məmmədov kimdir? — DOSYE Siyaset Araz Ağalarovun başına iş gəldi: qabırğaları sındı Araz Ağalarovun başına iş gəldi: qabırğaları sındı Hadise