"PİN Azərbaycanda QHT nümyəndələrini, jurnalistləri, vəkilləri öz şəbəkəsinə cəlb edib ermənilərin maraqlarına xidmət edən Avropa təşkilatıdır".
Hüquq müdafiəçisi Sahib Məmmədov Çexiyada qeydiyyatdan keçərək ermənilərin maraqlarına xidmət edən PİN təşkilatı haqqında Azərbaycan cəmiyyətinin bilmədiyi şokedici faktları açıqlayıb.

“Ölkə.Az”ın xəbərinə görə, S. Məmmədov onu da qeyd edib ki, adı çəkilən PİN təşkilatının Azərbaycanda da şəbəkəsi var və həmin şəbəkə təlim adı ilə QHT nümayəndələrini, jurnalistləri, vəkilləri təsir agentinə çevirib, şəbəkəyə qoşmaqla ermənilərin maraqlarına xidmət etdirir.

Onun sözlərinə görə, PİN təşkilatı ermənilərin təşəbbüsü ilə Çexiyada yaradılıb. “Hazırda bu təşkilata de-fakto Azərbaycan xalqına, milli qəhrəmanlarımızı təhqir edən Yaromir Ştaten rəhbərlik edir. Yaromirin ermənilərlə əlaqəsinə gəldikdə, S. Məmmədov deyib ki, 1988-ci ildə Spitakda zəlzələ olanda o, bir qrupla Spitaka yardım gətirib: “Elə ordaca bu bədnam təşkilatı yaradıb. Yaradılan təşkilatın adı möhtaclara xidmət göstəmək olsa da, bunu yaradanların əsl məqsədi başqa olub. Belə ki, adı çəkilən PİN təşkilatı fəaliyyəti dövründə beynəlxalq humanitar hüququn bütün prinsiplərini kobud surətdə pozub. Beynəlxalq humanitar hüququn prinsipinə görə humanitar yardım hər iki tərəfə olmalıdır. Məsələn Beynəlxalq Qızıl Xaç Komitəsi belə edir. PİN birinci Qarabağ müharibəsində Xankəndində hospital açıb və yalnız erməni yaralıları müalicə edib. Bu təşkilat “erməni soyqırımını”, “Qarabağın müstəqilliyinin tanınması” ilə bağlı qətnamə layihələri hazırlayıb və Avropa İttifaqı parlamentinə təqdim edib.PİN rəhbərləri, üzvləri dəfələrlə işğal olunmuş ərazilərə səfərlər edib və etməkdə davam edir. Həmin şəxslərin adları Azəbaycanın XİN-in qara siyahısındadır”- S. Məmmədov qeyd edib.
O əlavə edib ki, bu bədnam təşkilatın adı azərbaycanlı körpə girovların orqanlarının ticarətində hallanır: “Bununla bağlı olaraq bir zamanlar Rusiya mediasında yazılar gedib”.

Hüquq müdafiəçisi deyib ki, bu təşkilata rəhbərlik edənlər Azərbaycana xüsusi nifrətləri ilə seçilirlər. “Ən təhlükəli və düşündürcü məqam ondan ibarətdir ki, barəsində danışdığımız bu bədnam təşkilat Azərbaycanda şəbəkə yaradaraq ermənilərin maraqlaırna təmin edən fəaliyyət göstərməkdədir. Belə ki, PİN təlim adı ilə QHT nümayəndələrini, jurnalistləri və vəkilləri öz şəbəkəsinə cəlb edir. Onları müxtəlif vasitələrlə ələ alaraq öz təsir dairələrinə salaraq erməni maraqlarına xidmət etdirirlər. Odur ki, Azərbaycan cəmiyyəti, xüsusən də fəalar belə məsələlərdə diqqətli olmalıdırlar”- hüquq müdafiəçisi qeyd edib.