15-11-2019, 09:36 Oxunub: 234

Məmmədyarov: “Ermənistan rəhbərliyinin əsassız bəyanatları bölgədə gərginliyin artmasına xidmət edir”

Məmmədyarov: “Ermənistan rəhbərliyinin əsassız bəyanatları bölgədə gərginliyin artmasına xidmət edir”

Xarici İşlər naziri Elmar Məmmədyarov İsrailin Azərbaycan Respublikasındakı səfiri Dan Stavı diplomatik fəaliyyətinin başa çatması münasibətilə qəbul edib.

XİN-dən verilən məlumata görə, səfir Dan Stav diplomatik fəaliyyəti müddətində ona göstərilən dəstəyə görə təşəkkürünü bildirib.

Görüşdə tərəflər iki ölkə arasında ikitərəfli münasibətlərin hazırkı durumu, əməkdaşlığın cari inkişaf səviyyəsi və perspektivləri barəsində fikir mübadiləsi aparıblar.

Nazir Elmar Məmmədyarov ikitərəfli əlaqələrin inkişafının uğurla davam etdiyini qeyd edib. Nazir həmçinin Ermənistan-Azərbaycan Dağlıq Qarabağ münaqişəsinin həlli ilə bağlı son vəziyyətə toxunaraq, Ermənistanın siyasi rəhbərliyinin səsləndirdiyi tamamilə əsassız bəyanatların bölgədə gərginliyin artmasına xidmət etdiyini vurğulayıb. Nazir həmçinin Ermənistanın işğalçı siyasəti nəticəsində öz doğma yurdlarından didərgin düşmüş məcburi köçkünlərin öz torpaqlarına şərəflə geri qayıtmasının vacibliyini vurğulayıb.

Tərəflər Azərbaycan Respublikası Hökuməti və İsrail Dövləti Hökuməti arasında birgə komissiyanın fəaliyyətinə və 2018-ci ilin 15-16 may tarixlərində keçirilmiş birinci iclasına toxunaraq, bu xüsusda əməkdaşlığın davam etdirilməsinin əhəmiyyətini qeyd ediblər. Görüşdə, həmçinin tərəflər arasında qarşılıqlı maraq doğuran regional və beynəlxalq təhlükəsizlik məsələləri üzrə fikir mübadiləsi aparılıb.

Elmar Məmmədyarov səfir Dan Stavın ikitərəfli münasibətlərin inkişafı istiqamətindəki səylərini yüksək qiymətləndirib və ona gələcək fəaliyyətində uğurlar arzu edib.
Məmmədyarov Avropa Şurasının Baş katibi ilə görüşdü Məmmədyarov Avropa Şurasının Baş katibi ilə görüşdü Siyaset Elmar Məmmədyarov: Ermənistan qoşunları Azərbaycan ərazilərindən çıxarılmalıdır Elmar Məmmədyarov: Ermənistan qoşunları Azərbaycan ərazilərindən çıxarılmalıdır Siyaset Nazir: “Ermənistan-Azərbaycan münaqişəsi regional təhlükəsizlik üçün əsas təhdiddir” Nazir: “Ermənistan-Azərbaycan münaqişəsi regional təhlükəsizlik üçün əsas təhdiddir” Siyaset Elmar Məmmədyarov Azərbaycanda diplomatik fəaliyyəti başa çatan İraq səfirini qəbul edib Elmar Məmmədyarov Azərbaycanda diplomatik fəaliyyəti başa çatan İraq səfirini qəbul edib Siyaset Elmar Məmmədyarov Panamanın vitse-prezidenti ilə görüşüb Elmar Məmmədyarov Panamanın vitse-prezidenti ilə görüşüb Siyaset