14-02-2020, 11:19 Oxunub: 120

“Müəllimlərlə bağlı statuslar məni narahat edir”- Adil Əliyev

“Müəllimlərlə bağlı statuslar məni narahat edir”- Adil Əliyev


“Son günlər sosial şəbəkələrdə müəllimlərlə bağlı əxlaqa zidd və təhqiredici statuslar oxuyuram. Bunlar məni narahat etməyə bilməz. Hər birimizin ailəsində, qohum-əqrabasında müəllimlik peşəsində çalışanlar var. Türk dünyasının böyük dövlət xadimi Mustafa Kamal Atatürkün “Müəllim şam kimidir, özü yanıb tükənərkən ətrafını işıqlandırır” sözləri nəhəng şəxsiyyətin müəllimə nə qədər dəyər verdiyini göstərirdi”.

Bu fikirləri millət vəkili Adil Əliyev söyləyib. O bildirib ki, insanların vətənpərvər kadr kimi inkişafında və həyatda uğur qazanmasında müəllimlərin rolu əvəz olunmazdır:

“Hamımız övladlarımızı savadlı və gərəkli vətəndaş olması üçün müəllimlərimizə təhvil veririk. Övladlarımız uğur qazanan kimi müəllimlərimizlə fəxr edirik. Onların əməyini yüksək qiymətləndiririk. Heç kimə sirr deyil ki, Azərbaycan təhsil sisteminin əsas yükü şərəfli, ləyaqətli, intellektual müəllimlərin üzərindədir. Müəllimsiz cəmiyyət hansı vəziyyətə gəlib çıxa bilər?Bu sualın cavabını ölkəsini düşünən və sevən insanlar yaxşı bilirlər”.

A.Əliyevin fikrincə, seçki prosesinə xələl gətirən və öz peşəsinə yaraşmayan işlərə imza atanları müəllim adlandırmaq olmaz:

“Cəmiyyət bu cür insanlara öz qiymətini verdi və bundan sonra da verəcək. Təhsil Nazirliyi onların əməllərinə qiymət verəcəyini bildirib. Ümumiyyətlə, bəzilərini hədəf götürüb Azərbaycan müəllimlərinə qarşı çirkin, iyrənc kampaniya aparmaq təhsil sistemini və cəmiyyətin gələcəyini zərbə altında qoyur”. /BakuPost/
Təhsil naziri müəllimləri təbrik etdi Təhsil naziri müəllimləri təbrik etdi Siyaset “Müəllimlər deputatlardan çox maaş almalıdır” “Müəllimlər deputatlardan çox maaş almalıdır” Medeniyyet Müəllimlərin maaşı 500 manata çatıb (RƏSMİ) Müəllimlərin maaşı 500 manata çatıb (RƏSMİ) Sosial Müəllimlərə MÜJDƏ - Bax bu gözlənilirdi - RƏSMİ Müəllimlərə MÜJDƏ - Bax bu gözlənilirdi - RƏSMİ Sosial “Müəllimlərin orta aylıq maaşı 465 manatdır” – Təhsil naziri “Müəllimlərin orta aylıq maaşı 465 manatdır” – Təhsil naziri Sosial