Bu gün biz altıncı çağırış Milli Məclisi, həm tərkibinə, həm rəhbərliyininin, komitələrinin formalaşması, həm yeni prinsiplər əsasında fəaliyyətə başlamasını Prezident İlham Əliyevin genişmiqyaslı, inqilabı xarakterli islahatlar konsepsiyasının uğurla həyata keçirilməsi kimi qiymətləndirilə bilərik.
Bunu açıqlamasında millət vəkili İlham Məmmədov deyib.

Onun sözlərinə görə, yeni formalaşan Milli Məclis ölkə başçısının həyata keçirdiyi genişmiqyaslı islahatlar prosesini özündə əks etdirdi. “Bu istər yeni parlamentin tərkibinin, istər rəhbərləyinin, istər komitələrin formalaşmasında göstərdi. Biz Milli Məclisin yeni tərkibinə baxsaq o zaman bu parlamenti gəncləşmiş parlament adlandıra bilərik. Yeni tərkibdə xeyli sayda gənclərə etimad göstərilərək Milli Məclisə seçilib və demək olar ki, parlamentdə ciddi yeniləşnmə baş verib. Bunu Azərbaycan Prezidentinin kadr islahatlarında gənclərə verdiyi önəm kimi dəyərləndirmək və gənclər siyasəti istiqamətində həyata keçirdiyi islahatların bariz nümunəsi kimi dəyərləndirə bilərik.

Biz eyni zamanda parlamentin tərkibinə nəzər salasaq ölkə başçısının bəyan etdiyi kimi yaşlıların təcrübəsi ilə gənclərin dinamizmi arasında vəhdətin təşkil olunduğu görürük. Burada biz Prezidentin müasir inkişaf mərhələsində dövlət kadr siyasətinin əsas məqsədi dövlət idarəçiliyinin institut kimi effektivliyinin və səmərələşdirilməsinin yüksəldilməsinə xidmət etdiynin şahidi oluruq.
Digər əsas məqam isə yeni parlamentin idarə edilməsində və fəaliyyətində tamamilə yeni meyar və prinsiplər əsasında qurulmasıdır. Bunu isə Prezidentin həyata keçirdiyi siyasi islahatların dərinləşməsinin göstərici kimi qeyd etmək olar. Azərbaycan Prezidenti cənab İlham Əliyev Milli Məclisdə çıxışında da bu məsələyə toxunaraq ölkədə həmrəylinin təmin edilməsi, problemlərin dialoq yolu ilə həll olunması üçün siyasi islahatların daha da dərinləşdirilməsinə zərurət var. Məhz ona görə də qanunverici orqanın rəhbərliyndə təkcə hakim Yeni Azərbaycan Partiyasının deyil, digər siyasi qüvvələrin təmsilçiləri təmsil olunmasına şərait yaratmaqla ölkədə dayanıqlı inkişafın və ictimai-siyasi sabitliyin, müasir, müstəqil Azərbaycanın dinamik tərəqqisi istiqamətdə həyata keçirilən kompleks xarakterli islahatların, sistemli və məqsədyönlü formada həyta keçirilməsinə xidmət edir. Ona görə də parlamentin rəhbərliyində hakim YAP-la yanaşı müxalifətin nümayəndəsi təmsil olundu. Bundan əlavə olaraq komitə sədrləri və onların müavinləri müxalifət və parlamentdə azlıq təşkil edən siyasi qüvvələrin nümayənədlərindən təşkil olundu. Biz Azərbaycan dövlətçiliyi bərpa olunduqdan sonra parlamentin belə bir meyar və prinsiplər əsasında formlaşmasına şahidlik etməmişdik. Bu bir daha Azərbaycan Prezidentinin uzaqgörən, müdrik siaysəti nəticəsində həyata keçirilən islahatlar nəticəsində mümkün oldu. Biz əminliklə altıncı çağırış Milli Məclisi Prezidentin inqilabi islahatlarının bariz göstəricisi kimi bəyan edə bilərik”- İ.Məmmədov bildirib.

Deputat hesab edir ki, yeni Milli Məclis Azərbaycanın müasir inkişaf mərhələsində Prezidentin yürütdüyü genişmiqyaslı islahtlar prosesinin dərinləşməsinə, daha geniş vüsət almasında və bu istiqamətdə ciddi hüquqi bazanın yaradılmasına öz töhfəsini verəcək: “Yeni parlamentdən həm dövlət başçısının, həm də xalqın gözləntiləri çoxdur və altıncı çağırış Milli Məclis həm Prezidentin, həm xalqın ona etdiyi etimadı doğruldacaq”.