"RF prezidenti cinayətlərə görə siyasi məsuliyyət daşıyır".
DW xəbər verir ki, belə bir bəyanatla Avropa İttifaqının xarici siaysət və təhlükəsizlik məsələləri üzrə Ali komissarı Jozep Borrelyanın mətbuat katibliyi çıxış edib.
Bəyanatda deyilir: "Təəssüf ki, Rusiyada baş verənləri tənqid edən insanların, onların arasında siyasətçilərin, jurnalistlərin öldürülməsi ilə bağlı uğurlu və uğursuz cəhdlərin uzun bir siyahısı var".

Bəyanatda o da qeyd olunur ki, çox hadisələr araşdırılmadığından, açılmamış qalır və cinayətkarlar məsuliyyətə cəlb olunmur: "Nəticə etibarı ilə RF prezidenti Vladimir Putin,ölkənin dövlət qurumlarının hərəkətlərinə, dövlət siyasətinə və digər hərəkətlərinə cavabdehdir".
Qeyd edək ki, ABŞ prezidenti Co Bayden bir gün öncə ABC telekanalına müsahibəsində Putini qatil adlandırıb.