19-09-2020, 12:06 Oxunub: 72

Mikayıl Cabbarov Almaniyanın Azərbaycandakı səfiri ilə görüşdü — FOTO

Mikayıl Cabbarov Almaniyanın Azərbaycandakı səfiri ilə görüşdü — FOTO


İqtisadiyyat naziri Mikayıl Cabbarov Almaniya Federativ Respublikasının Azərbaycandakı səfiri Volfqanq Maniq ilə görüşüb.
Iqtisadiyyat Nazirliyindən verilən məlumata görə, Mikayıl Cabbarov Azərbaycanın Avropa İttifaqı ölkələri, xüsusilə Almaniya ilə əməkdaşlığın inkişafına böyük önəm verdiyini vurğulayıb. Qeyd edilib ki, Ticarət və İnvestisiyalar üzrə Almaniya-Azərbaycan Yüksək Səviyyəli İşçi Qrupunun, Alman-Azərbaycan Xarici Ticarət Palatasının səmərəli fəaliyyəti əlaqələrin inkişafında əhəmiyyətli yer tutur və bu ilin sonunda İşçi Qrupunun növbəti iclasının keçirilməsi əməkdaşlığın genişləndirilməsinə töhfə verə bilər.

Bildirilib ki, bu günlərdə Azərbaycan Respublikası Prezidentinin iştirakı ilə Sumqayıt Kimya Sənaye Parkında Almaniya təcrübəsindən istifadə etməklə yaradılan Peşə Təhsil Mərkəzi açılıb və bu sahədə əməkdaşlığın davam etdirilməsi önəmlidir. Alman şirkətləri Azərbaycanın əlverişli investisiya və biznes mühitindən, nəqliyyat-tranzit imkanlarından yararlana bilərlər.

Görüşdə İqtisadiyyat naziri pandemiya dövründə görülən tədbirlər, hazırkı iqtisadi vəziyyət, aparılan islahatlar barədə məlumat verib, Azərbaycan İnvestisiya Holdinqinin və İqtisadi Şurasının yaradıldığını bildirib, postpandemiya dövrü üçün iqtisadi inkişaf istiqamətlərini diqqətə çatdırıb.
Almaniya Federativ Respublikasının Azərbaycandakı səfiri Volfqanq Maniq ölkəsinin Azərbaycanla əlaqələrin inkişafında maraqlı olduğunu vurğulayıb, əməkdaşlıq perspektivləri barədə fikirlərini bölüşüb.

İqtisadi əməkdaşlığın genişləndirilməsi istiqamətlərinin müzakirə olunduğu görüşdə Azərbaycan və Almaniya şirkətləri arasında əlaqələrin inkişafı, menecerlərin Almaniyada ixtisasartırma kurslarında iştirakının davam etdirilməsi, Almaniyanın Kiçik və Orta Sahibkarlıq Federal Assosiasiyası ilə Kiçik və Orta Biznesin İnkişafı Agentliyi arasında əməkdaşlıq və sair məsələlər barədə fikir mübadiləsi aparılıb.



Mikayıl Cabbarov Almaniyanın Azərbaycandakı səfiri ilə görüşdü — FOTO
Prezident Mikayıl Cabbarova yeni vəzifə verdi — S?R?NCAM Prezident Mikayıl Cabbarova yeni vəzifə verdi — S?R?NCAM Siyaset İlham Əliyev Almaniya nümayəndə heyətini qəbul etdi — YENİLƏNİB İlham Əliyev Almaniya nümayəndə heyətini qəbul etdi — YENİLƏNİB Siyaset İslam İnkişaf Bankı Azərbaycan iqtisadiyyatına 1,2 milyard dollara yaxın investisiya yatırıb İslam İnkişaf Bankı Azərbaycan iqtisadiyyatına 1,2 milyard dollara yaxın investisiya yatırıb Iqtisadiyyat İlham Əliyevdən Almaniyanın yeni prezidentinə məktub İlham Əliyevdən Almaniyanın yeni prezidentinə məktub Siyaset İlham Əliyev Almaniyada Dağlıq Qarabağ münaqişəsini müzakirə etdi İlham Əliyev Almaniyada Dağlıq Qarabağ münaqişəsini müzakirə etdi Siyaset