Bakıda “Azvirt” MMC öz üçün işıqfor qoydurub. TİA. Az-ın xəbərinə görə, şəhərin Bəşir Bünyadov küçəsində yerləşən müəssisə magistral və intensiv hərəkət olmayan yolda ehtiyac yaranmadığını halda rəhbərliyin, əməkdaşlarının giriş-çıxışı üçün işıqfor qoyulmasına nail olub. Belə ki, həmin işıqfor günün 24 saatı yaşıl işıqda olur, heç bir halda qırmızı işıq olmur, elə ki “Azvirt” MMC-dən kimsə maşını ilə darvazalardan çıxanda içəridə olan düymə basılır, istədiyi an işıqfor qırmızı olur, bu vaxt əsas yolda hərəkətdə olan maşınlar işıqforda dayanır, şirkətin vəzir-vəkil, ağalarının rahat çıxmasını gözləməli olurlar.



Bu da qanunazidd addımdır və şirkətin təkəbbürlüyü, vətəndaşlara qarşı saymaz münasibətidir. Halbuki MMC-dən çıxan maşın sağ və solu gözləməklə istədiyi istiqamətə dönmə edə bilər. Ancaq onlar özlərinə əziyyət verib gözləməmək üçün xüsusi işıqfor qoydurublar, düyməni idarə edirlər. Əgər gün ərzində şirkətdən avtomobillə çıxış olmasa işıqfor 24 saat yaşıl işıqda işləyəcək. Çünki həmin ərazidə onsuz da bu qurğuya ehtiyac yoxdur ki, nəqliyyatın hərəkətini tənzimləsin. B.Bünyadov küçəsində Azvirt MMC kimi çoxlu müəssisələr eyni qaydada yerləşir, amma heç biri bu addımı atmayıb.