Rusiya Federasiyası Dağıstan Respublikasının Prezidenti Ramazan Abdulatipov Gəncə şəhər İcra Hakimiyyətinin başçısı Elmar Vəliyevlə görüşüb. Görüşdə Azərbaycan və Dağıstan arasında sosial-iqtisadi, mədəni əlaqələr və gələcək prespektivlərdən söhbət açılıb, Gəncə və Dərbənd şəhərlərinin qardaşlaşması məsələsi müzakirə olunub. Ramazan Abdulatipov Azərbaycan və Dağıstan arasında mövcud olan qardaşlıq və dostluq əlaqələrinin bundan sonra da inkişaf etdirilməsinin önəmindən danışıb və Azərbaycan xalqının Ümummilli lideri Heydər Əliyevi öz müəllimi hesab etdiyi deyib. O, Dərbəndin Dağıstan və Azərbaycan ustaları tərəfindən salındığını, 2000 illiyi ərəfəsində şəhərin yenidən qurulmasında Azərbaycanın yaxından kömək etdiyini qeyd edib. Görüşün sonunda qonaqlara xatirə hədiyyələri təqdim olunub.

http://kepeztv.az/