Sumqayıt Tibb Kollecində BAZAR AB-HAVASI... - İTTİHAM
Sosial
Oxunub: 454
15 sen 2021 | 17:16
Sumqayıt Tibb Kollecində BAZAR AB-HAVASI... - İTTİHAM


Məlumat üçün qeyd edək ki, Əziz Əliyev adına Sumqayıt Tibb Məktəbi respublikanın orta tibb işçilərinə olan ehtiyacını ödəmək məqsədi ilə Ulu öndərimiz Heydər Əliyevin şəxsi təşəbbüsü ilə 1969-cu ildə yaradılmışdır.
İlk dövrlər məktəb 2 fakültə, 90 tələbə, 10 müəllimlə fəaliyyət göstərmişdir.
Səhiyyə Nazirliyinin 2010-cu il tarixli əmri ilə Sumqayıt Tibb Məktəbi Sumqayıt Tibb Kolleci adlandırılıb.
Hal-hazırda Sumqayıt Tibb Kollecində 4 ixtisas üzrə (tibb bacısı, feldşer, mama, əczaçı) kadr hazırlığı həyata keçirilir.
Son illər tələbə kontingentinin artması nəticəsində Səhiyyə Nazirliyinin və məktəbin daxili imkanları hesabına maddi-texniki bazanı möhkəmləndirmək məqsədilə korpusların sayı artırılmış, əyani vəsaitlərlə təchiz olunmuş müasir tələblərə cavab verən 4 laboratoriya, 40-dan artıq auditoriya, kitabxana, kompyuter şəbəkəsi, kompyuter otağı, müasir tələblərə cavab verən yeməkxana, avtonom istilik sistemi yaradılmışdır.
Sabiq səhiyyə naziri cənab Oqtay Şirəliyevin təşəbbüsü ilə kollecdə təkmilləşmə kursları təşkil olunmuşdur. Təkmilləşmə kurslarının keçirilməsi üçün kollecdə yeni korpus tikilmiş, müasir tələblərə cavab verən səviyyədə dinləyicilərin ixtiyarına verilmişdir.
Hə, indi gələk mətləb üztünə.
Deməli, yuxarıda qeyd etdiyimiz kimi dövlət külli miqdarda vəsait qoyub təkmilləşmə kursları üçün yeni bina-korpus tikib, müasir tələblərə cavab verən auditoriyalar yaradıb. Ancaq bunun xeyrini kollecin direktoru Rəfael Eyvazov görür. Çünki təkmilləşmənin quruca adı var. Hər şey kağız üzərindədir. Təkmilləşməyə gələn tibb işçiləri “aylıq”larını direktora verir və heç kursun üzünü də görmürlər. Təsəvvür edirsiniz, Sumqayıt boyda şəhərin tibb işçiləri bütün il boyu kollecdə kurs keçirlər, guya ki, Allah qoymasa, təkmilləşirlər. Əslində kursa gəlməmək üçün hər ay direktora 200 manat ödəyirlər.
Bəli, Rəfael Eyvazov üçün hər şey kağız üzərindədir.
Məsələn nizamnamə kapitalı 5 manat olan şirkətlər Kollecin elan etdiyi tenderlərdə on minlərlə dövlət vəsaitini “udurlar”.
Guya Rəfael Eyvazov tender komissiyası yaradır və qalibi elan edir. Ancaq pulların çoxu direktorun cibinə gedir.
Həm də ən biabırçı hal odur ki, sanki Rəfael Eyvazov rəqəmləri kağız üzərində üfürüb şişirdir. Məqsəd dövlət vəsaitini talamaqdır.
Bu adam başa düşmür ki, Prezidentimiz belə hallarla bağlı sonuncu xəbərdarlığını edib:
“Əminəm ki, biz eyni həcmdə olan işi az vəsaitlə icra edə bilərik. Buna nail olmaq üçün, ilk növbədə, şəffaflıq, dövlət nəzarəti və ictimai nəzarət olmalıdır. Bütün dövlət qurumlarına deyirəm, yoxsa onlar pis öyrəşiblər. Hər ilin sonunda büdcə müzakirə olunarkən, sifarişlər göndərirlər. Özü də orada şişirdilmiş rəqəmlər öz əksini tapır, havadan götürülmüş rəqəmlər. Onlardan soruşanda ki, misal üçün bənd tikmək, yol çəkmək, kabel çəkmək bu qədər vəsait barədə rəqəmi haradan götürürsən ? Havadan. Sonra araşdırma aparılır, görünür ki, şişirdiblər. Nəyə görə şişirdiblər? Aydın məsələdir nəyə görə. Buna da son qoyulmalıdır”.
Bəli, cənab Prezidentin xəbərdarlığına baxmayaraq direktor Rəfael Eyvazov öz əməllərini davam etdirir.
Hamı təəccüblənir ki, görəsən, cənab direktor kimə arxayındır ki, belə özbaşınalıq edir.
Deyilənlərə görə, cənab direktor arxasını xeyli vaxtdır, millət vəkillərindən birinə söykəyib. Və bu arxayınçılıq ona əlini-qolunu açmağa imkan verir.
Yeri gəlmişkən, Rəfael Eyvazov Lənkəran Dövlət Universitetində prorektor olanda da arxasını Əlikram Hümbətova söykəmişdi.
Nə isə, mövzudan yayınmayaq.
Bəli, direktor Rəfael Eyvazov üçün ən sevimli şirkət “VİP KONTAKT” MMC-dir. Tenderlərin çoxunu deməık olar ki, bu şirkət udur. Kollecdə abadlıq işlərinə 100 min manat dövlət vəsaiti xərclənib.
Bu adam başa düşmür ki, tenderdə iştirak edən şirkətlər mütləq müəyyən tələblərə cavab verməlidir. Amma kimə deyirsən..
Direktor Rəfael Eyvazov “qayıb”dan da əla qazanır.
Bəli, kollecdə oxuyan tələbələr əsasən Sumqayıt və Bakı sakinləridir.
Bakıdan olan tələbələrin əksəriyyəti dərslərə heç gəlmirlər. Yəni Bakıdan hər gün Sumqayıta getmək əvəzinə, direktor Rəfael Eyvazova “aylıq” verməyi üstün tuturlar ki, dərslərə gəlməsinlər. Bu da Rəfael Eyvazovun “qayıb” biznesi.
Rəfael Eyvazov kollecə öz özəl şirkəti kimi baxır. O ürəyi istədiyi vaxt işə gəlir, gedir. Həmçinin özünə yaxın olan müəllimlərə də bu şəraiti yaradır. Direktorun qanunsuz əməllərinə etiraz edən müəllimlər isə “incidilir”. Əldə edilən məlumatlara görə, dərslər müəllimlərə hər dərs ilinin başlanğıcında başqa şərtlərlə verilir. Kimlər pul vermirsə, işdən çıxarılmaqla hədələnir, yaxud da dərs yükləri azaldılır. Kimlər ki, direktoru “görür”, dərs yükləri artıq yazılır və eyni zamanda həmin şəxslərə mükafatlar verilir.
Rəfael Eyvazov barəsində mediada yazılanlara belə münasibət bildirir: “Bizdə neçə illərdir rüşvət deyilən şey yoxdur. Prezidentin qərarından sonra mən hər şeyə ciddi nəzarət edirəm. Bir də ki, məvacibim mənə bəs edir. Rüşvət almağa ehtiyacım yoxdur. Mən həkim adamam, rüşvət almaq mənə yaraşmaz”.
Burda deyiblər ee…yalançının.. //gundelik-baku.com//

Bu gün, 13:16
ABŞ də qərarını verdi: “Patriot”lar Ermənistana göndərilir? – Türkiyədən əks-həmlə
Bu gün, 12:49
Toivo Klaar ədaləti yox... xristian həmrəyliyini ÜSTÜN BİLDİ... - FAKT BUDUR!
Bu gün, 12:15
Azərbaycan və Ermənistan parlament sədrləri mayda görüşə bilər
Bu gün, 11:41
Xronika: Türkiyə İrəvandan Zəngəzura Kalininqrad modelinə bənzər xüsusi statusun verilməsini istəyib
Bu gün, 11:00
Pensiya və müavinətlər artırıla bilər - VİDEO
Bu gün, 10:46
Juninyo Fransa klubunda?
Bu gün, 10:32
Ermənistanda “8 kənd” isterikası – Azərbaycan Ordusu “quldurları təmizləyin” əmri gözləyir
Bu gün, 10:21
Azərbaycan Mərkəzi Asiya ilə Avropanı birləşdirən təbii əlaqədir - Hikmət Hacıyev
Bu gün, 10:14
Nağdsız ödənişdən yayınanlar barəsində tədbir görüləcəkmi? - Ekspertlər danışır...
Bu gün, 10:00
Ermənistanda “dövlət içində dövlət” qurulur: Paşinyan erməni separatçıları hərbi əməliyyatla hədələyir
Bu gün, 09:39
Zelenskidən müttəfiqlərə: Yaxın aylarda Rusiyanın hücumu başlayacaq, kömək edin...
Bu gün, 09:17
“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - VİDEO
Bu gün, 09:11
Təhlükəsizlik orqanlarının 105 illiyi ilə bağlı tədbir keçirildi - Fotolar
Bu gün, 09:00
“Crocus City” dəhşəti və Rusiyadakı erməni lobbisi - VİDEO
Dünən, 16:00
Azərbaycandan çox şey götürdük, verməyəcəyimizi dedik... - NƏ OLDU?
Dünən, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Dünən, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Dünən, 13:16
Yaşayış binalarında da parklanma yerləri BAHALAŞDI - Yeni qiymət
Dünən, 13:00
Şahmar Hüseynov vəzifəsindən azad edildi - YENİ TƏYİNAT
Dünən, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Dünən, 10:53
"Xəzər Lənkəran"la bağlı şad xəbər - Seçimlərə başlandı
Dünən, 10:12
“Yaxın günlərdə daha 73 nəfərin adları ictimaiyyətə açıqlanacaq”
Dünən, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Dünən, 10:02
Dünya "Qarabağ"ın ulduzundan danışır: Nələr dedilər? - VİDEO
Dünən, 10:00
Bahalaşmanın növbəti dalğası gəlir: Evlərin qiyməti yenə artacaq
Dünən, 09:56
Lənkəranda faciə: Ata və oğul öldü (FOTOLAR)
Dünən, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"