9-02-2016, 21:02 Oxunub: 572

Prezidentin köməkçisi Fransa səfiri ilə görüşüb

Azərbaycan Respublikası Prezidentinin iqtisadi islahatlar üzrə köməkçisi Natiq Əmirov fevralın 9-da Fransanın Azərbaycandakı səfiri, xanım Orelia Buşezlə görüşüb.
Prezidentin köməkçisi Fransa səfiri ilə görüşüb
APA-nın "Azərtac"a istinadən verdiyi məlumata görə, görüşdə Azərbaycanda mövcud iqtisadi vəziyyət, iqtisadi islahatlarla əlaqədar həyata keçirilən tədbirlər, Azərbaycan-Fransa iqtisadi əlaqələri, fransız investorların ölkəmizə daha geniş miqyasda cəlb edilməsi imkanları müzakirə olunub.
N. Əmirov Azərbaycan Prezidentinin müəyyən etdiyi iqtisadi islahat konsepsiyasının həyata keçirilməsi istiqamətində görülən tədbirlərin əhəmiyyətindən danışaraq bildirib ki, dövlət başçısının 2016-cı il 3 fevral tarixli Fərmanı ilə Apellyasiya şuralarının yaradılması biznes və sahibkarlıq mühitində şəffaflığın, obyektivliyin təmin olunması, iş adamlarının, o cümlədən yerli və xarici investorların hüquqlarının qorunması, iqtisadiyyatın şaxələndirilməsi və daha böyük sərmayələrin cəlb edilməsi üçün zəruri şəraiti təmin edəcək. Prezidentin köməkçisi, həmçinin Fransa ilə iqtisadi əlaqələrin əhəmiyyətini qeyd edib, genişmiqyaslı əməkdaşlığın ölkələrimiz üçün qarşılıqlı faydalı olacağını vurğulayıb.
Xanım Orelia Buşez Azərbaycanda iqtisadiyyatın şaxələndirilməsi və inkişafı üçün geniş potensialın olduğunu bildirib, görülən tədbirlər sayəsində bu istiqamətdə uğurlu nəticələrin əldə olunacağına əminliyini ifadə edib. Həyata keçirilən iqtisadi islahatları dəstəklədiklərini, bu sahədə istənilən formada əməkdaşlığa hazır olduqlarını qeyd edən səfir fransız investorların Azərbaycanda biznes fəaliyyətinə daha geniş şəkildə cəlb edilməsində, Fransa-Azərbaycan Ticarət-Sənaye Palatasının ölkəmizdəki fəaliyyətinin genişləndirilməsi və daha da təkmilləşdirilməsində maraqlı olduqlarını bildirib.
İlham Əliyevin köməkçisindən manat müjdəsi İlham Əliyevin köməkçisindən manat müjdəsi Iqtisadiyyat Elman Rüstəmov: Bank sektorunda risklərin artıb Elman Rüstəmov: Bank sektorunda risklərin artıb Iqtisadiyyat İqtisadiyyat və Sənaye Nazirliyində geniş kollegiya iclası keçirilib İqtisadiyyat və Sənaye Nazirliyində geniş kollegiya iclası keçirilib Iqtisadiyyat Naxçıvan Dövlət Gömrük Komitəsində İranın Araz Azad Ticarət və Sənaye Zonasının icraçı direktoru ilə görüş olub Naxçıvan Dövlət Gömrük Komitəsində İranın Araz Azad Ticarət və Sənaye Zonasının icraçı direktoru ilə görüş olub Iqtisadiyyat Prezident komissarı qəbul etdi Prezident komissarı qəbul etdi Gundem