Azərbaycan hakimiyyəti su nəqliyyatı üzrə struktur islahatlarına hazırlaşır.
Politika.Az-a daxil olan son məlumata görə, “Bakı Beynəlxalq Dəniz Ticarət Limanı” QSC ilə “Azərbaycan Xəzər Dəniz Gəmiçiliyi” QSC birləşdirilir.
Hər iki qurumun ayrı-ayrılıqda fəaliyyət göstərməsi dövlətin büdcəsinə böyük israfçılıq kimi qiymətləndirilib.
Son zamanlar mətbuatda həm liman direktoru Taleh Ziyadov, həm QSC sədri Rauf Vəliyev xoşagəlməz ittihamlar səngimək bilmir.
İqtidardakı islahatçı komanda “Yol xəritəsi” çərçivəsində sözügedən qurumların da su üzərində birləşməsini təklif edib.
“Bakı Beynəlxalq Dəniz Ticarət Limanı” ilə “Azərbaycan Xəzər Dəniz Gəmiçiliyi” QSC mahiyyətcə beynəlxalq tranzitləri, yükdaşıma və digər xidmətləri həyata keçirir. Hökumətin qənaət rejiminə keçid etməsi bu iki strukturu bir mərkəzdə birləşdirməyi zəruri edib.
T.Ziyadovun adı ən müxtəlif xoşagəlməz işlərdə çəkilib. Bakı Beynəlxalq Dəniz Ticarət Limanında baş verən özbaşınalıqlar və korrupsiya faktları ilə bağlı hüquqi araşdırmalar başlaya bilər.
Bilgili qaynağın iddialarına görə, bu günə qədər adı bir çox qalmaqallarda hallanan və hətta barəsində “Fətullah Gülənin Bakıdakı əsas dayağıdır” ittihamı belə səslənən Bakı Beynəlxalq Dəniz Ticarət Limanı QSC-nin baş direktoru Taleh Ziyadov və onun çevrəsinin əməlləri barədə artıq siyasi qərar da verilib.
Bundan başqa, Panama sənədlərində adı keçən Rauf Vəliyev adlı şəxsin "Xəzər Dəniz Gəmiçilik” QSC sədridir. Bakı şəhəri, Bəşir Nuriyev 77 ünvanında qeydiyyatda olan R.Vəliyev 16 noyabr 2000-ci ildə İsveçrənin Cenevrə şəhərində Braxon Group S.A şirkətini yaradan dörd şəxsdən biri olub.
Qeyd edək ki, Rauf Vəliyev "Xəzər Dəniz Gəmiçiliyi" QSC-nin sədri təyin olunmazdan əvvəl uzun müddət SOCAR-da çalışıb. O, sonuncu təyinata qədər SOCAR-ın Nəqliyyat İdarəsinin rəisi olub.
Politika.Az yazır ki, “Xəzər Dəniz Gəmiçilik” QSC rəhbərliyi oliqarxik klan qurub. Aydın Bəşirovun taladığı və yağmaladığı dövlət qurumu heç indi də etibarlı əllərə həvalə olunmayıbmış.
Hazırda QSC sədri Rauf Vəliyev, müavinləri Zamiq İsmayılov və Nəzrəddin Əhmədzadə XDG-dəki postundan istifadə etməklə biznes əlaqələri gücləndirib.
Dövlət başçısı İlham Əliyevin müşavirələrdə səsləndirdiyi bəyanatlar, məmurlara yönəlik xəbərdarlıqlara baxmayaraq Rauf Vəliyev - Zamiq İsmayılov - Nəzrəddin Əhmədzadə üçlüyü bu mesajlara əhəmiyyət vermir.
Belə ki, R.Vəliyevin hər ay nəzarətindəki gəmilərdən 20-30 min manat civarında gəliri var. Bu mənfəət qeyri-rəsmi qazancdır və nə qurumun fonduna, nə dövlət büdcəsinə, nə vergiyə çatır. R.Vəliyev aylıq gəlirindən nə deklorasiya verir, nə vergi ödənişi edir.
Onun gəmi biznesində müavinlərinin də xüsusi və müstəsna rolunu qeyd etmək lazımdır. QSC-də müavin postunu tutan Z.İsmayılov gənc kadr olmasına baxmayaraq, yuxarı eşalonda vaxtilə yüksək əlaqələrə malik olub. Onun xüsusi xidmət orqanlarında, özəliklə də məlum generalitet həbslərinə qədər təhlükəsizlik orqanlarında mühüm əlaqələri var imiş.